“Pushtimi” kinez

Mallrat kineze kanë rritur dukshëm prezencën e tyre në tregun kosovar. Ky shtet i largët aziatik tashmë është ndër eksportuesit kryesorë të mallrave në Kosovë, pas Maqedonisë, Serbisë dhe Gjermanisë.

Sipas statistikave të Doganave të Kosovës, importi nga Kina arrin në rreth 10 për qind të importit të përgjithshëm në vend. “Në vitin 2011 nga Kina janë importuar mallra në vlerë prej 170.7 milionë euro, përderisa importi nga ky shtet aziatik në vitin 2010 kishte qenë 136.5 milionë euro”, bën të ditur për “Zërin” zëdhënësi i Doganave, Adriatik Stavileci.

Me rritjen e vlerës së importit për rreth 35 milionë euro vetëm nga viti 2010 në vitin 2011 është rritur edhe numri i kompanive kosovare që importojnë nga Kina.

Stavileci pohon se gjatë vitit 2010 nga Kina kanë importuar 1494 biznese, ndërsa një numër i tillë në vitin 2011 ka arritur në 1570. “Nga viti 2010 në vitin 2011 numri i bizneseve që kanë importuar nga Kina është rritur për 76”, theksojnë zyrtarët doganorë të Kosovës.

Në anën tjetër, në bazë të dhënave të Agjencisë së Statistikave të Kosovës (ASK), në nëntor të vitit 2011 nga Kina janë importuar mallra në Kosovë në vlerë prej 14.8 milionë euro, në tetor ishin importuar 18.5 milionë euro mallra, 14.6 milionë euro në shtator, 16.6 milionë euro në gusht, 16.2 milionë euro në korrik, 15.2 milionë euro në qershor, 13.4 milionë euro në maj, 11.2 milionë euro në mars 2011, 10.4 milionë euro në muajin shkurt dhe 10.3 milionë euro në janar të vitit të kaluar.

Përpos që importon shumë mallra, Kosova ka rritur edhe eksportin në Kinë. Bazuar në statistikat zyrtare, më shumë se në Mal të Zi e Zvicër, Kosova vitin e kaluar ka eksportuar mallra në Kinën e largët.

Në muajin korrik 2011 nga Kosova në Kinë ishin eksportuar mallra në vlerë prej mbi 2.3 milionë euro, krahas 29.3 milionë euro sa ka qenë eksporti i përgjithshëm i vendit në atë muaj.

Këto statistika të eksportit e radhisin Kinën në krye të listës së vendeve, ku vendi eksporton më së shumti mallra.

Sipas ESK-së, në muajin korrik 2011, përqindja më e madhe e mallrave është eksportuar në Itali (20%), Shqipëri (12.2%), Maqedoni (9.7%), Kinë (7.9%), Zvicër (5.5%), Mal të Zi (5.1%), etj.

Sipas të dhënave të grupeve kryesor të eksportit, 47,2 % të eksportit e përbëjnë metalet bazë dhe artikujt prej tyre, 29,9 %, produktet minerale, 4,6 % ushqimet e përgatitura, pijet dhe duhani, 4,4 % plastikë, gomë dhe artikuj prej tyre, 3,3 % makineritë, pajisjet mekanike dhe elektrike, 3 % tekstil dhe artikuj tekstili etj.

Përfaqësuesit kosovarë të biznesit konfirmojnë se Kina tashmë është shndërruar ndër partnerët kryesorë tregtar të Kosovës.

Sipas tyre, në këtë vend aziatik eksportohen kryesisht koncentrate minerare nga “Trepça” dhe nga “Ferronikeli”./zeri

Berisha: Problemet në veri, të krijuara nga Beogradi

13:06 Rajoni

Albin Kurti injoron “Kamishin”

11:41 Rajoni

Tentojnë të arratisen nga burgu dy pjesëtarë të Klanit të Zemunit

14:51 Rajoni

Kompromisi i mundshëm: Përmendet 1244-shi dhe mendimi i GJND-së

12:05 Rajoni

Tadiç vë në gjumë Qeverinë

12:02 Rajoni

Dulla, në mesin e “burrave të mëdhenj” të kombit

11:40 Rajoni

Provokimi serb, fletëvotimi shqip për referendumin në veri

18:10 Rajoni

Ish-komandanti serb Legija ka frymëzuar Breivikun

12:47 Rajoni

Ballkani Perëndimor, para ndryshimeve të reja të kufijve

11:54 Rajoni

Greqia akuzon shërbimet maqedonase për zjarret

11:30 Rajoni