Shmangen tensionet, dështon lëshimi i raketës së Koresë së Veriut

Koreja Veriore ka pranuar se lëshimi i raketës së saj, që nga Perëndimi u cilësua një provokim i hapur, ka dështuar. Mediat shtetërore njoftuan se sateliti kishte dështuar të hynte në orbitë.

“Republika Demokratike Popullore e Koresë e ka lansuar satelitin e saj të parë aplikativ në orën 7:38, në mëngjes të premten. Sateliti tokësor vëzhgues dështoi të hynte në orbitë. Shkencëtarët, tenikët dhe ekspertët po i analizojnë shkaqet e dështimit”, dëgjohej zëri i spikeres verikoreane në media.

Zyrtarët e Shteteve të Bashkuara dhe të Koresë Jugore thanë se fluturimi i raketës përfundoi shpejt pas lansimit, derisa shkalla e parë kishte rënë në det, 165 kilometra në perëndim të Seulit, kështu që shkalla dy dhe tre dështuan, raporton REL.

Komuniteti ndërkombëtar e ka dënuar lansimin e raketës së Koresë Veriore.  Liderët e G-8-tës thanë se lansimi paraqet shkelje të rezolutave të Këshillit të Sigurimit të Kombeve të Bashkuara.

Ministri i jashtëm rus, Sergei Lavror, tha se komuniteti ndërkombëtar i kishte bërë thirrje Koresë Veriore që të mos e ndërmerrte lansimin e raketave me rreze të gjatë veprimi dhe “ky është pozicioni i të gjithë pjesëmarrësve në negociatat gjashtë palëshe”.

Në negociatat gjashtë-palëshe, që synojnë uljen e tensioneve lidhur me programin atomik dhe raketor të Phenianit, janë të përfshira Rusia, Kina, Shtetet e Bashkuara, Japonia dhe të dy Koretë. Japonia ka vlerësuar se lansimi i raketës ishte i papranueshëm. Në këtë kuadër, kryeministri Joshikiho Noda, tha:

“Lanismi i sotëm është diçka që vendi ynë nuk mund ta pranojë. Ne protestojmë ashpër kundër Koresë Veiore dhe rrjedhimisht shprehim zemërimin tonë. Sipas rezolutës që kaloi dje, Qeveria e Japonisë do të kërkojë nga Koreja Veriore që t’i respektojë të gjitha rezolutat e Kombeve të Bashkuara dhe fuqishëm kërkon që Koreja Veriore të na e tregojë planin e detajuar të progresit dhe aktin për zgjidhjen e çështjeve atomike dhe raketore”, tha kryeministri Joshihiko Noda në Parlamentin e Japonisë.

Zëdhënësi i Shtëpisë së bardhë, Xhej Karni, tha se lansimi i raketës tregon se “Koreja Veriore edhe më tutje po e izolon vetveten duke u angazhuar në akte provokuese dhe po shpenzon para në armatim dhe propagandë derisa populli i Koresë Veriore ka uri”.

Shtetet e Bashkuara, Koreja Jugore dhe vendet e tjera, vlerësojnë se lansimi është fshehje për testin e teknologjisë raketore.

Xhaxhai i Assad: Nuk do të mbijetojë edhe për shumë kohë

13:05 Bota

Arrestohet bosi i “Cosa Nostra”

15:37 Bota

“Ai i do fëmijët, nuk do e bënte kurrë diçka të tillë”

18:36 Bota

Republikani Romni fiton Uashingtonin

15:59 Bota

Sarkozy lëndon sërish britanikët

12:12 Bota

Gorbaçov: “Të anulohen zgjedhjet në Rusi”. Protestat vijojnë në Moskë

19:53 Bota

Presidentit të Sirisë po 'i ngushtohet laku në fyt'

13:49 Bota

Një inxhinier, kryeministri i ri libian. Flamuri i Al Kaedas ngrihet në Bengazi

10:58 Bota

Arkivoli me trupin e Gadafit përpara se të varrosej (VIDEO)

19:31 Bota

Wikileaks drejt fundit

18:35 Bota