Ngërçi i reformave po e lë Shqipërinë pa status kandidati në 100 vjetorin e Pavarësisë

Dështimi për të plotësuar reformën zgjedhore dhe për të zgjedhur presidentin në afatet e përcaktuara nga BE, ka alarmuar Brukselin dhe do të dëmtojë perspektivat e Shqipërisë për anëtarësim në BE, thotë një ekspert

Nga Besar Likmeta

“Dështimi i Shqipërisë për të kaluar paketën e reformave është kthyer në një problem për… aplikimin e Shqipërisë për statusin kandidat,” thotë Gjergji Vurmo, një ekspert për integrimin në BE në Institutin për Demokraci dhe Ndërmjetësim.

Vurmo thotë se deklarata e së mërkurës nga Komisioneri për Zgjerimin në BE, Stefan Fyle, ku u bëhej thirrje partive politike të mbajnë premtimet që kanë bërë për reformat, ishte një mesazh i qartë.

“Në rast dështimi, Tirana do e festojë këtë vjeshtë 100 vjetorin e Pavarësisë pa marrë statusin e vendit kandidat për në BE,” thotë Vurmo.

BE i ka bërë thirrje partive shqiptare të kalojnë paketën për reformën zgjedhore, për të cilën negociatat nisën vjet në nëntor, më 24 maj, përpara se të niste procesi për zgjedhjen e një presidenti të ri.

Fyle i tha të mërkurën Top Channel se partitë politike i kanë premtuar më 4 maj kur vizitoi Tiranën se do finalizojnë reformën dhe se do të zgjedhin një president konsensual.

“Angazhimet e rëndësishme u bënë gjatë vizitës sime të fundit në Shqipëri dhe besoj se politikanët dhe partitë politike do bëjnë më të mirën për të mbajtur këto premtime,” tha ai.

KOmisioneri tha se shumë shpejt do të dërgojë në Tiranë drejtorin për Zgjerimin, Stefano Sanino, në mënyrë që të lehtësojë bisedimet.

“Partitë politike shqiptare duhet të bëhen aktorë të besueshëm politikë, jo vetëm në sytë e Brukselit, por më e rëndësishmja, përpara votuesve vendas,” tha Vurmo, duke shtuar se është koha që partitë të plotësojnë angazhimet e tyre.

Berisha: Fëmijët sot, më të bukur, më të gëzuar e më të qeshur se kurrë

17:56 Politika

Aleanca Kuq e Zi: Zaganjori votoi pro paktit të ujërave me Greqinë, jo president

17:41 Politika

Të dielën takimi Rama-Berisha

16:56 Politika

Rama pas takimit me Zaganjorin: S`pranojmë asnjë kandidat pa dialog konkret

12:40 Politika

Ruçi: Zaganjori për ne nuk është kandidat, nuk njohim asnjë që nuk vjen nga tryeza e bisedimeve

12:24 Politika

Policia e Shtetit dhe policia bashkiake e Tiranës, pa karburant

12:08 Politika

Zaganjori në kërkim të votave, takohet edhe me Idrizin

11:59 Politika

Grekë, çfarë keni bërë me miliardat tona?

10:28 Politika

Zaganjori takon Edi Ramën: E kërkova vetë takimin për të shpjeguar se përse kandidoj

10:08 Politika

Braçe: PD ka mbledhur firmat për kandidat politik në raundin e katërt

09:57 Politika