Tjetër skandal me pikturat në galerinë e Korçës

Pas zhdukjes së veprave të Vangjush Mios, Galeria e Arteve të qytetit të Korçës përfshihet nga një tjetër skandal. Dhjetëra piktura në ambientet e galerisë rezultojnë të dëmtuara aq sa dhe restaurimi është bërë i pamundur, raporton Vizion Plus. Skandali është zbuluar nga grupi i ekspertëve të ngarkuar për ekspertizën e situatës pas humbjes së 61 pikturave, nga të cilat 27 ishin të Vangjush Mios. Raporti i hartuar i ekspertëve është dorëzuar në prokurorinë e Korçës paraditen e së hënës. Sipas burimeve nga grupi hetimor, dy piktorët e ngarkuar për këtë çështje Roland Karanxha dhe Vangjo Vasili kanë konstatuar gjendjen dhe kushtet skandaloze në galeri për ruajtjen e veprave të artit. Sipas tyre shumë piktura kanë humbur vlerat e tyre artistike.

Në raportin e detajuar ekspertët kanë vënë në dijeni prokurorinë se pavarësisht kësaj gjendje, Drejtoria e Qendrës Kulturore i ka pasur të gjitha mundësitë edhe financiare, për ruajtjen e këtyre veprave në mjedise të tjera. Dëmtimi dhe humbja e vlerave të një pjese të konsiderueshme të veprave artistike nga fondi prej 700 pikturash, për ekspertët është një skandal po aq i madh sa edhe humbja e 61 pikturave të para. Gjithnjë sipas raportit te specialisteve nga kushtet e këqija të mirëmbajtjes rezultojnë të dëmtuara thuajse plotësisht vepra të piktoreve Sali Shijaku, Vangjush Tushi, Stavri Dembo dhe piktorëve të tjerë të njohur. Pas këtij skandali asnjë prej zyrtareve të qendrës kulturore të Korçës nuk ka pranuar të japë sqarime apo të bëjë komente. Ndërkohë kreu i qendre kulturore Vladimir Topi është nën hetim për skandalin e parë, atë të zhdukjes së 61 pikturave nga Galeria e Arteve. Mbi të rëndon akuza e shpërdorimit të detyrës ndërsa ish-përgjegjësi i Galerisë së Arteve Sotiraq Xega akuzohet për vjedhje dhe shpërdorim të detyrës. Por me raportin e dorëzuar nga grupi i ekspertëve pritet të dalin në dritë të tjera skandale dhe abuzime financiare me veprat e artit në qytetin e Korçës.

Pleqëria e “dhjamur” e politikës, pensioni i një deputeti të paktën 6 herë më i lartë se i një qytetari

16:12 Sociale

Mediat franceze: Në trupin e Podrimjes nuk kishte shenja dhune

19:21 Sociale

Banorët përgënjeshtrojnë Bashën: Nuk na ka informuar kush për rrugën, kemi frikë për pronat

17:11 Sociale

Jutta Benzenberg: Nuk e di nëse do e shes shtëpinë

10:33 Sociale

Schmitt: Shqipëria nuk guxon të flasë për komunizmin. Libri i Fevziut, anekdotik

10:28 Sociale

Terapi me fadromë

17:26 Sociale

Policia italiane bllokon 21 ton mbetje në Bari, do hynin në Shqipëri

16:16 Sociale

A janë Berisha e Basha "të bashkuar në diversitet” me romët? (VIDEO)

13:43 Sociale

“Duam ujë”

12:57 Sociale

Kadare: “Ia dhashë dorëshkrimin Nexhmijes nga frika e internimit”. Nexhmija: “Ishte dhuratë”

12:07 Sociale