Te fundit
Sa më shumë digjen pyjet, aq më shumë lulëzon biznesi i qymyrit
3 Shtator 2012, 20:00Sociale
TEMA
Sa më shumë digjen pyjet, aq më shumë fitojnë disa kompani të cilat fitojnë gjithmonë ankandet e shitjes së pemëve të djegura.
Asnjë vit këto kompani nuk kanë njohur krizë papunësie për shkak se çdo vit masivet me pyje në Pukë, Burrel, Shkodër, Tiranë, Gjirokastër, Elbasan dhe veçanërisht në Korçë digjen.
Zjarret këtë vit janë në 90 përqind të rasteve të qëllimshme, thotë policia dhe një pjesë e tyre i kanë ndezur barinjtë për rinovimin e kullotave.
Por në zonat me pyje të larta, si në Pukë, Malësinë e Madhe, Lurë, në Korçë nuk ka kullota, por masive me pisha, lisa apo ahe të lartë shekullorë.
Në këto zona ushtrojnë veprimtarinë edhe disa kompani private që përdorin drurët e djegur për prodhim qymyri dhe për eksport. Por a ka ndonjë lidhje mes intensifikimit të zjarreve dhe këtij biznesi që nuk njeh krizë?
Të paktën në Korçë policia ndaloi dy persona për zjarrvënie të qëllimshme. Ata ishin punëtorë të një kompanie që shfrytëzon pyjet e djegura.
Ndërsa në Shkodër dhe Pukë, statistikat tregojnë se janë të njëjtat kompani që çdo vit fitojnë tenderat për shfrytëzimin e lëndëve drusore të mbetura nga pyjet e djegura.
Policia e Korçës njoftoi në datën 30 gusht se arrestoi dy shtetas që punonin në masivin pyjor të malit të Stratobërdhës, në vendin e quajtur Zhiger, në komunën e Vikthuqit, për prerjen e pemëve me qëllim prodhimin e qymyrit. Pak ditë më pas gjykata i liroi për mungesë provash.
Pylli në malin e Stratobërdhës po digjet. Duket qartë se sasia e qymyrit të prodhuar me djegie dhe drurët e prerë që janë grumbulluar për t’u shndërruar në qymyr do të jetë e madhe.
Top Channel ka filmuar në mënyrë të fshehtë kantierin e prodhimit të qymyrit, i menaxhuar nga një prej kompanive, që bëri të pamundurën për të penguar grupin e xhirimit.
Pjesa më e madhe e drurëve të djegur ikën për eksport në Greqi dhe në doganën e Kapshticës zyrtarisht thuhet se kalojnë 4 deri në 5 kamionë në ditë me lëndë drusore të dëmtuar nga zjarret.
Ato përdoren për prodhim qymyri dhe lëndë e parë për materiale për mobileri. Së fundmi në këtë qark është duke u djegur masivi pyjor i Bosdovecit, një park kombëtar me pemë të larta.
Zjarri, sipas policisë, është cilësuar i qëllimshëm dhe sasia e madhe e drurëve të dëmtuar është një minierë e mirë për ata që ushtrojnë biznesin e shfrytëzimit të lëndëve drusore të pyjeve të djegur.
Më mirë të shuajmë zjarret se të ripyllëzojmë
Fatura financiare për shuarjen e zjarreve është më e ulet se ajo që duhet shpenzuar për ripyllëzimin e të njëjtës sipërfaqe të djegur. Specialistet e pyjeve thonë se vetëm për një hektar pyll te djegur kërkohen 1000 deri ne 1500 dollarë, ndërsa për rimbjellje dhe rigjenerimi të tyre kerkohen disa dhjetëvjeçare.
Specialisti i Pyjeve, Genti Kromidha sqaron se prej shume vitesh ne Shqipëri nuk është kryer një fushatë e mirëfilltë pyllëzimi, pasi me paratë e buxhetit të shtetit përballohen vetëm pagat e punëtoreve të pyjeve.
“Ka vite që qeveria nuk investon për pyllëzime të mirëfillta në zona të tjera, por edhe për pyllëzimin në zonat e djegura, përsa kohë që gjithnjë buxheti i pyjeve është i vogël, për të mos thënë që është thjesht për pagat e atyre punonjësve që kanë mbetur”, thotë Kromidha.
Në vendin tonë, Instituti i Pyjeve nuk ka më as fidanishte, çka rrit koston për ripyllëzimin e sipërfaqeve të djegura apo të prera. Specialistët mendojnë se në kohë krizash, pasuritë natyrore shfrytëzohen në mënyrë barbare nga të gjithë dhe për dëmet nuk mendon askush.
“Kostoja për një pyllëzim të mirëfilltë, të plotë do të ishte rreth 1500 dollarë për hektarë, gjithnjë në varësi të vlerës së fidanit që zë peshën kryesore, po të kemi parasysh që vitet e fundit janë shkatërruar edhe fidanishtet pyjore që ishin pranë shërbimit pyjor, që mund të reduktonte goxha ndjeshëm shpenzimet, pra duke prodhuar fidanët vetë. Nga qeveritë në përgjithësi, pyjet janë parë si valvula e vetme e shfryrjes së varfërisë”, tha Kromidha.
Gjate këtij vitit parqet kombëtare pësuan goditje të mëdha. Lura po digjet sërish për të disatin vit radhazi, duke shkretuar përfundimisht bukurinë më të madhe të natyrës shqiptare. Po ashtu edhe Parku i Bozhdovicës në Korçë apo Mali i Dajtit në Tiranë. Rigjenerimi i tyre në rrugë natyrore kërkon dekada dhe është i pamundur fare në disa krahina./TCH
6 komente në “Sa më shumë digjen pyjet, aq më shumë lulëzon biznesi i qymyrit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PU PU PU PU PU PU!
Ore po u punojne instiktet ketyre kafsheve xhanem!??
Po edhe egersirat e ruajne strofullen e vet, se mendojne per pjellat e tyre!!!
http://imazheshqip.blogspot.com/2012/08/kasapet-e-shqiperise.html
mall pa zot. ja kete beri shalqidemokracia…prandaj djegin e presin pyje pa meshire se njeri si ndalon…
Shqiperia po ndryshon!
http://imazheshqip.blogspot.com/2012/04/banda-berisha-co.html
Sapo me njoftoi ne telefon nje anetar besnik i PD-se (ish- i PSD-se, kunat i PBDNj-se, dhender ne LSI, fqinj me PDK, nip te PLL, shok kursi me njeren prej PKSh etj,)pa imunitet, po me me shume akces ne qarqet politiko-diplomatike e SHISH-ore, se ne Hotel Rogner Park eshte pare agr.gaz. Mirashi M., duke hyre atje per te filmuar, por e ka ndaluar vendosmerisht roja i hotelit.
– Te lutem, mos me ler pa buken e gojes, – i eshte lutur rojes Mirashi M.
– Ç’lidhje ka kjo?
– S’kam ku te filmoj më, se jane bere pyjet naaaaaaaaaa…
Per dreq disa nga a-te e fundit te jehones, kane kercyer ne pallatin e Sali Berishes, i cili po heton per autorsine.
S’dihet fati i metejme i Mirashit M. ne RTV fortafolësen e partisë demokratike. Pyetem dhe te shefi i “Portokalli” – së dhe na tha se s’kemi lajme deri nashti, po te jeni te sigurte se do ta shihni serish tek ne, sapo te rinisim.
Atje te vrasin diten per diell per nje varese ju thoni po digjen pyjet.Atje ka humbur nocioni shtetit,ekziston vetem ligji i xhungles
plus toka djerre do kaloje ne pronesi te drakules se vucidolit per vila dhe biznese familjare.
mos i gezofshin ishalla dhe si familje u gropofshin shtate pashe nen dhe!!!!