Nëna e adoleshentit të vrarë: "Vrasësi duhet varur". Nëna e autorit të krimit: "Kanë të drejtë të hakmerren"

“Ai duhet varur për këtë gjëmë që na bëri ne”. Kështu ka apeluar për drejtësinë Shine Mustafa, nëna e 18- vjeçarit që mbeti i vrarë pas një sherri banal në autobusin e Kamzës. Nëna e Napoleonit, i cili mbeti i vrarë nga katër thika, tregon në një intervistë për “Panoramën” se ajo gjendej në Zapod të Kukësit kur është lajmëruar për vrasjen e djalit.

“Udhëtova gjithë natën, edhe pse kisha një parandjenjë që djalin nuk do e gjeja të gjallë. Nuk e kuptoj se si një njeri që është prind vetë, mund të bëjë një krim të tillë. T’i ngulë katër herë thikën një djali që mund të ishte sa djali i tij”, pohon nëna.

Edhe pse e kishin gënjyer duke i thënë se djali ka pësuar aksident, ajo tregon se si nënë kishte një parandjenjë që djalin nuk do ta gjente gjallë. Ajo pohon se Napoleoni 18- vjeçar ishte e vetmja ndihmë e familjes.

“E kishte mbaruar vjet gjimnazin dhe kishte filluar punë. Nuk kishim mundësi që ai të vazhdonte të lartën. Ishte punësuar nga një universitet privat dhe shpërndante fletë-palosje. Edhe kur e vranë, po kthehej nga puna bashkë me të voglin”, rrëfen e ëma.

E ndërsa nga familja e autorit nuk ka marrë akoma ndonjë fjalë, nëna e autorit, Mirush Ajazi, në shenjë solidariteti ka hapur dyert e mortit në familjen e saj dhe ajo shpjegon arsyen se pse.

“E ndjeva me shpirt pa hapa dyert e mortit. E ndjeva sikur të më kishte vdekur im bir. Edhe ai që vrau djalin im bir është, biri i një nëne. I kërkoj falje asaj. Disa herë sot doja të ikja nga shtëpia të shkoja ta takoja atë nënë, ta vajtonim të dyja djalin e saj. Dilja deri te dera, por më kthenin mbrapsht të afërmit, duke më kritikuar që të tregohem më e përmbajtur. Më thoshin që duhet ta pleqërojmë njëherë këtë muhabet, të gjenim ndonjë njeri që të na çonte në paqe me familjen Mustafa, pasi kishin hall mos e acaroja më keq situatën me vizitën time të papritur atje”, thotë nëna e autorit, Sofie Ajazi.

Dyert e familjes kanë qëndruar të hapura edhe pse mund të pritej një hakmarrje e mundshme.

“Nuk i kërkoj dot asgjë familjes Mustafa. Nuk i njohim ato personalisht, por dimë që edhe ata jetojnë në Bathore. Nëse duan hakmarrje, le ta bëjnë. Jo se nuk kemi frikë. Kemi, madje shumë. Por çfarë tu them? Ata janë në të drejtën e tyre dhe ne në të zezën tonë”, pohon nëna e autorit.

Ajo ka treguar se i biri 36- vjeçar pi ndonjëherë si gjithë burrat, teksa fokuson sytë e përlotur në një pikturë të vetë  Mirushit, në të cilën ka pikturuar të bijën.

Mirush Ajazi që la të vdekur Napoleon Mustafën, ishte baba i dy fëmijëve. Edhe pse nuk ishte diplomuar në Akademinë e Arteve, ai e kishte pasion pikturën dhe kishte arritur të hapte ekspozita lokale edhe një dyqan për shitjen e tyre , biznes me të cilin jetonte. Ai nuk është shofer dhe në pikturat e tij spikat natyra piktoreske e vendlindjes së tij, Lura.

Përveç konfliktit të çastit për muzikën, të afërmit mohojnë të kenë pasur grindje të mëparshme mes familjeve. Policia po heton në zbardhjen e plotë të ngjarjes.

DESHMIA/ Shoferi i kryekomisarit: Më ra të fikët kur ndodhi ngjarja

10:10 Politika

Granit Xhaka, letër tifozëve: Mos bini pre e provokimeve të Dukës, jam krenar si shqiptar!

21:53 Politika

Skandali i Ministrisë së Punës për reklamat e Sandrit. Ja si i merrte ato!

18:25 Politika

50 harta shqiptare të 17 shekujve në Bruksel. Shkreli dhe Lame çelin ekspozitën

21:02 Politika

Austrian Lottery shpallet fitues i Lotarisë Kombëtare

19:57 Politika

Topi: PD e PS kanë monopolizuar votën. Opozita nuk bën opozitë, por sheh ëndrra me kryeministër

19:42 Politika

INTERVISTA/ Juristja amerikane: Ndryshimet e 2008, më të këqijat e ndodhura ndonjëherë pas komunizmit

19:23 Politika

FOTO LAJM: Vërtet ka nisur të mbajë nga dy jelekë tani

19:03 Politika

Van Rompuy takon Nishanin: Thelbësore respektimi i ligjit dhe lufta kundër krimit të organizuar e korrupsionit

18:18 Politika

Rama: Kryeministri, përgjegjës për rënien e fuqisë blerëse

18:04 Politika