“Të mos guxojë ta prekë njeri me dorë derisa t’i dalë shpirti”

Krimi i radhës brenda familjes është shënuar në Laprakë të Tiranës. Mbrëmjen e djeshme shtetasi 44 vjeçar, Edmond Doku, ka masakruar me thikë bashkëshorten e tij, Rolanda Dokun.

Ngjarja e rëndë ka ndodhur në prani të djalit 10-vjeçar të çiftit Doku, i cili është lemerisur nga skena makabre.

“Djali ka parë të gjithë skenën, ai është tmerruar. Nga njëra anë kapte për krahu të atin duke tentuar t’i hiqte thikën nga dora, i lutej të mos qëllonte nënën e tij, nga ana tjetër me celularin e Rolandës  i telefononte dajës dhe i kërkonte ndihmë”, ka treguar një dëshmitar për gazetën Panorama.

Agresori ka qëlluar me 5 thika në bark bashkëshorten dhe ka urdhëruar: “Të mos guxojë ta prekë njeri me dorë derisa t’i dalë shpirti”, ndërkohë që i ka kërcënuar me armën e ftohtë në duar.

Më pas ka telefonuar vjehrrin duke i thënë: “Ju kisha paralajmëruar, por nuk e besonit se çfarë jam në gjendje të bëj. Tani vajzën e keni të vdekur”.

Kjo situatë ka vazhduar për 35-40 minuta derisa kanë mbërritur forcat e policisë dhe kanë arritur ta fusin me forcë në makinë.

Sipas dëshmitarëve, mësohet se autori i krimit i ka zënë pritë bashkëshortes  36 vjeçare, e cila po kthehej nga shtëpia e prindërve, të cilët jetojnë pak metra më larg, bashkë me djalin, të cilit do t’i merrte librat në shtëpi dhe do të kthehej sërish  tek prindërit, pasi ajo kishte nisur procedurat e divorcit me bashkëshortin, ndonëse nuk ishte zhvendosur përfundimisht.

Dëshmitarët pohojnë se gruaja ka pritur që të shitet apartamenti, që të merrte pjesën e saj, në mënyrë që Edmondi të mos i linte të gjitha paratë në bixhoz.

Ndërkohë gishti i fajit ngrihet edhe ndaj gjykatës, e cila ka dhënë një urdhër mbrojtje, por i ka lënë të dy në një banesë, pa përcaktuar distancën që duhej të mbante i shoqi. Edhe pse gruaja ankohej për dhunë sistematike, gjykata nuk ka nisur një hetim për ngjarjen e rëndë.

Kreu i KiE, Jean-Claude Mignon: Drejtësi për 21 janarin

22:52 Politika

Dossier: Ja të gjitha arsyet për statusin gjysmak të Shqipërisë në Bashkimin Evropian

21:17 Politika

Nga Eliza Dushku tek Eliverta Çoçka

20:11 Politika

Grossruck: Zgjedhjet e ardhshme parlamentare do jenë më të mirat dhe të shkëlqyerat

19:12 Politika

Berisha niset në Strasburg, do u flasë europianëve për demokracinë!

19:10 Politika

Çfarë fiton Shqipëria nga marrja e statusit kandidat?

17:25 Politika

Strategjia e zgjedhjeve, Klosi: Ruajtja e votës dhe koalicioni

16:02 Politika

Robert Elsie: Shqipëria në kohën e komunizmit, më keq se Afrika

15:02 Politika

Austriaket marrin kontrollin e naftës

14:40 Politika

4 HEC-et sërish në shitje pas dështimit

14:39 Politika