Banka Botërore: Shqipëria, vendi me sistemin më torturues për taksat

Banka Botërore e konsideron Shqipërinë si vendin me sistemin më të vështirë tatimor në rajon dhe një nga më të vështirët në botë, i cili krijon kosto dhe penalizon biznesin.

Në raportin e fundit ‘paying taxes 2013’, ku analizohen me hollësi sistemet fiskale në 185 ekonomi të botës, Shqipëria renditet në 25 vendet e fundit. Sipas bankës, shkaku kryesor për këtë janë procedurat e shumta dhe barra e larte administrative që i ngarkohet biznesit, krahasuar me vendet e tjera.

Raporti thotë se në Shqipëri, një ndërmarrje duhet të kryejë mesatarisht 44 pagesa taksash në vit. Këtu përfshihen kontributet, tatimi mbi fitimin, TVSH-ja dhe taksat e tjera lokale.

I njëjti tregues në vendet e Europës Lindore dhe Azisë Qendrore është  mesatarisht 28 pagesa, ndërsa në vendet e zhvilluara të OECD është gati 4 herë më pak ose 12 pagesa.

Numri i lartë i pagesave rrit koston dhe kohën që taksat i marrin biznesit. Sipas Bankës, në total një ndërmarrje në Shqipëri harxhon 357 orë në vit për të mbyllur përgatitjen e dokumenteve dhe shlyerjen e detyrimeve tatimore. Në rajon kjo kohë është 260 orë, ndërsa në vendet e zhvilluara një biznesi përgatitja dhe pagesa e taksave merr vetëm 176 orë në vit.

Thjeshtimi i procedurave tatimore është një nga treguesit, ku Shqipëria ka ecurinë më të dobët në klimën e biznesit. Në vitin 2008 Shqipëria tek të dy treguesit, si numri i pagesave ashtu dhe koha, renditej më mirë se mesatarja e rajonit.

Por gjatë kësaj kohe vendet e tjera i kanë lehtësuar pagimin e taksave për biznesin, ndërsa në Shqipëri ato kanë mbetur të pandryshuara. Rezultati sipas Bankës Botërore është se ndonëse klasifikohet si një nga vendet me taksat më të ulëta, Shqipëria ka sistemin fiskal me burokracitë dhe procedurat më të rënduara, jo vetëm në rajon, por edhe në botë duke rënduar biznesin me kosto shtesë. /TCH

INTERVISTA/ Bregu: Zgjedhjet e 2013-s na u vunë kusht sepse të 2009-s i nxiu opozita, jo se nuk ishin të mira

14:05 Politika

Berisha, politikë edhe për festë: Uroj që Bajramin tjetër ta festojmë me fitoren e zgjedhjeve

12:55 Politika

Bomba e Donald Trump rezulton një bllof dhe Obama tallet me të

11:56 Politika

“Ma zhdukni, të mos i mbetet asnjë qime floku”

11:48 Politika

Balla i përgjigjet Malajt për përgjimet: Çimkat i vendos Saliu, jo ne

10:57 Politika

Fondet për 100 vjetorin e Pavarësisë, sa gjysma e atyre për festimin e liberalizimit të vizave

10:27 Politika

FOTO LAJM: Berishës i duhet kjo fotografi!

10:23 Politika

Gruaja e ish- oficerit të SHISH, Isa Çopa: Duam të vërtetën për vdekjen e tij

10:12 Politika

Hakerat ‘patriotë’ shqiptarë ndërhynin në bankat e BE dhe SHBA

10:02 Politika

Ed Miliband: Shqipëria duhet të mbajë zgjedhje të lira

09:55 Politika