Te fundit
Fushatë maratonë e Obamas dhe Romney-t
4 Nëntor 2012, 17:03Bota
TEMA
Kanë mbetur vetëm dy ditë të fushatës elektoralepara zgjedhjeve presidenciale në SHBA. Sondazhet flasin për një garë shumë të ngushtë apo të barabartë mes presidentit Barack Obama dhe sfiduesit të tij republikan, Mitt Romney.
Të shtunën, kandidatët kanë bërë secili nga shtatë ndalesa në kuadër të fushatës në shtetet e papërcaktuara, të cilat do të vendosin të martën se kush do ta udhëheqë Shtëpinë e Bardhë, raporton REL.
Presidenti amerikan, Barack Obama, duke folur në tubimin zgjedhor në Bristow të Virxhinias, iu ka thënë amerikanëve që të mos e humbasin shpresën për vazhdimin e ndryshimeve.
“Mund të ketë ndonjë kohë kur jeni të frustruar me dinamikën e ndryshimit. Unë jam nganjëherë i frustruar me dinamikën e ndryshimit. Por, ju e dini se unë e kam me gjithë mend atë që e them dhe e them atë që e kam me gjithë mend”.
“Ju e dini në çka besoj. Ju e dini se ku qëndroj. Kur kam thënë se do t’i japim fund luftës në Irak – edhe i kemi dhënë fund. Kur kam thënë se do të miratojmë reformën e kujdesit shëndetësor – ne e kemi miratuar atë. Ju e dini se unë them të vërtetën. Më e rëndësishmja, ju e dini se do të luftoj për ju dhe familjet tuaja çdo ditë sa më shumë që të mundem”, është shprehur Obama.
Obama i ka inkurajuar amerikanët që ta mbështesin edhe për një mandat të dytë.
“Kemi shkuar aq larg për të bërë kthim prapa tash. Kemi shkuar aq larg për ta lënë ligështimin të rritet në zemrat tona. Tani është koha që të vazhdojmë përpara- që të edukojmë të gjithë fëmijët tanë, të trajnojmë të gjithë punëtorët, të krijojmë vende të reja pune, të rindërtojmë infrastrukturën, të zbulojmë burime të reja energjie, të zgjerojmë mundësitë tona, të rrisim klasën e mesme, të rivendosim demokracinë tonë dhe të sigurojmë se pa marrë parasysh se kush jeni, prej nga vini, si dukeni, si e keni mbiemrin, kë e doni – ju mund ta bëni këtë në Amerikë, nëse përpiqeni”, është shprehur Obama.
Ndërsa, kandidati republikan, Mitt Romney, në tubimin zgjedhor në Englewood të Kolorados ka premtuar se po qe se zgjidhet president, do të lërë anash dallimet partiake.
“Kur të zgjidhem …do të punoj me republikanët dhe demokratët në Kongres. Do të takohem rregullisht me liderët e tyre. Do të përpiqem që të gjejë burra dhe gra të mira nga të dy anët që kujdesen më shumë për shtetin tonë, sesa për politikën”, u shpreh Romney.
Kandidati republikan ka thënë se përvoja si guvernator i Masaçusetsit, do t’i ndihmojë në drejtimin eventual të SHBA-së.
“Si guvernator i shtetit tim të Masaçusetsit, e di se arritjet më të mira janë arritjet e përbashkëta. Kam mësuar se respekti dhe vullneti i mirë bëjnë rrugë të gjatë. Kjo është ajo se si unë do të sillem si president. Unë do t’i bëjë bashkë njerëzit, duke bërë gjëra të mëdha për të mirën e përbashkët: nuk do të prezantojë vetëm një parti, do ta prezantoj një komb”, ka theksuar Romney.
Zgjedhjet presidenciale mbahen më 6 nëntor. Superstuhia Sandy që goditi bregun lindor të SHBA-së ka lënë në hije javën e fundit dhe më të rëndësishmen të fushatës zgjedhore.
8 komente në “Fushatë maratonë e Obamas dhe Romney-t”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“nje gare presidenciale fallco”,,nga fillimi deri ne fund nga nje debat televiziv ne tjetrin ,ku te leviz koka si ping=pong duke degjuar dy kokorroc,,dy papagall te pompuar nga nje ushtri e madhe mediatike dhe lekesh te hedhura lum per te shpalosur alternativat e tyre,sikur vijne nga ndonej planet tjeter!!!degjohen te flain e premtojne dy njerez!!!po populli!!kur do flasi,kur do ankohet!!diten e votimit duke patur perpara keta dy tipa!!!! e prototipat nga mbas tyre me thaset me leke!!!po keta vetem leket qe harxhojne per fushat qe eshte bere si ato “xherret” ne dasmat tona te kursejne duke i ven ne sherbim te njerezve do kishin bere me shume hajer!!une komunist jam po per zotin “ndryshojeni kete menyre te beri politke ju amerikanet ,se na hapet barkun”””kjo nuk eshte demokraci!!!kjo eshte “leko-kraci”!!!
Z. DAJAKU ! TASH PO E NDRROJN AMERIKANET MBAS FJALES TANE.
TE PAKTEN MODERNIZOJE KETE EMER KOMUNIST THUJ JAM SOCIALIST
TINGLLON PAK MA MUT SE SA JE
Keto vite nen drejtimin e Obames ,jom munduar te bej dy ose tre pune per te arritur 35-40 ore pune. Mit Romney premton nje pune me 40 ore, me thoni kujt tja jap voten.
o Tirona,
por edhe per ate qe ti duhet ta perdoresh ashtu sic te thote mendja jote …ti shkon e pyet te tjeret se si t’ja bosh ?
Qenke 7-uje dhe 1 kos..
Padyshim fiton Obama.
Fushate me te ndyre, dhe me fallco nuk ka. Keta kane harxhuar 5 miliarde dollare per fushate, nderkohe populli eshte kaq naiv dhe nuk proteston per ceshtje teper madhore.
Amerika do jete demokraci e vertete kur atje te kene edhe parti te tjera.
E.nea mos fol per naivitetin etyre se jane shqipetaret me naiv ne bote
aty ben pjese dhe ti. p.sh njerzit akoma merren me mashtruesit
BERISHA META DHE RAMA
Romney e dogji shansin per ne shtepi te bardhe duke lene te kuptohet se Ai ka mundesi te nis dy lufta te tjera. Nje kunder Iranit dhe nje kunder Rusis. Populli Amerikan eshte i lodhur e sterlodhur nga lufterat as pak te nevojeshme. Nga lufta nuk ka fitimtar por vetem humbs kush me shum e kush me pak por vetem humbje.