Te fundit
Kina fut në shërbim aeroplanmbajtësen e saj të parë
25 Shtator 2012, 10:38Bota
TEMA
Ministria e Mbrojtjes në Kinë bëri të ditur se ka futur në shërbim aeroplanmbajtësen e saj të parë.
Sipas BBC, anija Liaoning, e gjatë 300 metër, është rinovuar në Kinë dhe mban emrin e krahinës ku u bënë rregullimet e mëtejshme. Ajo është një aeroplanmbajtëse sovjetike, e blerë në Ukrainë.
Aktualisht ajo nuk ka ndonjë aeroplan, por po përdoret për stërvitje.
Kina thotë se aeroplanmbajtësja do të rrisë kapacitetet e saj për të mbrojtur interesat e vendit.
Lajmi vjen në një moment kur Japonia dhe të tjera vende në rajon kanë shprehur shqetësim për forcën detare kineze, që po vjen gjithmonë në rritje.
Po ashtu Kina e Japonia janë përfshirë në një përplasje të hidhur në lidhje me disa ishuj në Detin e Kinës Jugore.
Shumë shtete të Azisë Juglindore thonë se Kina ka shtuar pretendimet e saj territoriale në zonën e Detit të Kinës Jugore.
Korrespondenti i BBC thotë se aeroplanmbajtësja e Kinës është një sinjal se ky vend po bëhet një fuqi e madhe.
Liderët e vendit komunist shpenzojnë miliarda për të modernizuar forcat e tyre të armatosura, duke e shtrirë fuqinë e tyre përtej kufijve të Kinës.
Aeroplanmbajtësja Liaoning, dikur quhej Varyag. Ajo nisi të ndërtohej në vitet ’80 për flotën sovjetike, por nuk u kompletua kurrë. Kur ra Bashkimi Sovjetik, ajo mbeti në Ukrainë dhe doli në shitje për skrap.
Një kompani kineze, e lidhur me Ushtrinë Çlirimtare Popullore të Kinës, e bleu atë.
Fillimisht u tha se ajo do ishte një kazino lundruese. Por më pas aeroplanmbajtësja u dërgua në Kinë, ku iu nënshtrua rregullimeve.
Vjet në qershor u publikuan fotot e para të saj.
3 komente në “Kina fut në shërbim aeroplanmbajtësen e saj të parë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ky eshte vetem FILLIMI…KUSH do te jete super fuqia e re ,, kina APO amerika???????????
Amerika aeroplanmbajteset i ka patur qe ne WW2, Kina akoma ka teknologji ushtarake Sovjetike, pra minimalisht eshte 20 vjet mbrapa. Per teknologji ushtarake ShBA-te jane shume larg te tjereve deri ne kete moment.
Para 40 vitesh Amerika kishte 70 areoplanmbajtse moderne.Ne kohen e luftes se dyte botrore Japonija dhe Anlija mund te kishin nga 10 apo 15 areoplanmbajytese..