FRD zyrtarizon degën në Durrës. Oketa: Ne jemi një shpresë e fortë për ndryshim

Në një atmosferë të ndezur për Durrësin, Fryma e Re Demokratike zyrtarizoi degën e saj në këtë qytet. Ky aktivitet jo si të tjerët, kulmon shtrirjen e FRD-së në qytetin e nismëtarit të FRD-së, deputetit Gazmend Oketa. Me sa u duk nga salla, popullariteti i Oketës në Durrës vazhdon të jetë mbresëlënës.

“Pushteti aktual nuk përfaqëson më ëndrrën shqiptare të 1990-ës, as atë të 2005-ës. Ndaj sot duhet të përqafojmë Frymën e Re, që të ngjallim shpresën e vrarë dhe besimin e dëmtuar të qytetarëve”, deklaroi përpara bashkëqytetarëve të vet Oketa.

Më tej, në emër të FRD-së, ai bëri thirrje edhe të reagojmë ndaj pretendimeve që e bëjnë Shqipërinë, Zvicër me det, ekonomi gjermane apo superfuqi kineze. Duke premtuar një politikë të re, jo përleshjesh e pazaresh, por betejë principesh e argumentesh, Oketa tha: “FRD ka hyrë në jetën e shqiptarëve si një shpresë e fortë ndryshimi. Nëse duam që e ardhmja jonë të jetë më e mirë, koha për ta siguruar atë, është tani!”

Kreu i FRD-së, Bamir Topi, e çmoi deputetin e Durrësit si “model të politikës e parlamentarizmit në Shqipëri”.

Topi iu drejtua shqiptarëve me dy pika kulmore të ditëve të fundit: Urimet për 100 vjetorin e pavarësisë, dhe gëzimin për shpalljen e pafajësisë së Ramush Haradinajt:

“Familja Haradinaj dhe Ramushi i kanë dhënë shumë Kosovës dhe shqiptarizmës. Ndaj për mua, për Frymën e Re Demokratike dhe për të gjithë ne, është emocion i veçantë dhe gëzim i pamasë t’i urojmë pafajësinë”, deklaroi Topi.

Fokusi i fjalës së tij u përqendrua më tej në evidentimin e shkeljeve të njëpasnjëshme që po bëhen në qeverisjen shqiptare, e cila po uzurpon të gjitha pushtetet.

“Pazare, keqqeverisje, financime të dyshimta, uzurpim të pushteteve e së fundmi, edhe personalizim të festës më të madhe kombëtare, shpalljes së pavarësisë. Kjo duhet të ndalë menjëherë Qytetarët duan mirëqenie, vende pune, mundësi për përmirësimin e jetës e prestigj për të qenë qytetarë të denjë, e jo ekspertizë për gjithçka nga një njeri i vetëm, madje edhe për çmimin e tortës e mishit të qengjit”, u shpreh Topi.

Duke sjellë në vëmendje dëmet që qeverisja e kryeministrit aktual po iu sjell shqiptarëve, kreu i FRD-së u shpreh i bindur se ka ardhur momenti t’i japë fund me votë dhe me mjete demokratike modeleve të vjetra të qeverisjes, risisë e rotacionit, e jo thjesht zëvendësimit të pushtetit nga njëri individ tek tjetri.

Zyrtarizimi i degës së Durrësit shënon kulmin e iniciativës së saj për t’u shtrirë në të gjithë Shqipërinë.

Kukës, humbet jetën futbollisti 17 vjeçar, pëson atak gjatë ndeshjes

18:47 Politika

Izraeli reagon menjëherë pas votës në OKB: Autorizon ndërtimin e 3 mijë shtëpive për kolonitë

18:38 Politika

Dekorim në prani të Berishës i Ryerson-it, i cili i ka sugjeruar të dalë në pension…

18:39 Politika

Një përshëndetje e veçantë për 100 vjetorin

18:26 Politika

Vetëvritet 50 vjeçari pasi dhunon rëndë të shoqen shtatzënë. Viktima futi kapsolle në gojë

18:04 Politika

Ambasadori palestinez: Prisnim që Shqipëria të votonte pro, jo të abstenonte

18:01 Politika

PS, plan për zgjedhjet dhe mbrojtjen e votës

16:50 Politika

AK i dërgon Berishës për ta firmosur peticionin për referendumin e bashkimit të Shqipërisë me Kosovën

13:36 Politika

Ja përgjimet. Thaçi e quan Krasniqin “Jakupovski” e Lushtaku e quan “qen” (AUDIO)

13:17 Politika

Agimi i Artë kërkon dëbimin e konsullit shqiptar. Avramopulos: Berisha të shohë 100 vjet para, jo 100 vjet pas

12:39 Politika