Qeveria jep me ligj monopolin e markimit të karburantit

Pas koncesioneve të shumëpërfolura të pullave fiskale dhe lotarisë kombëtare, qeveria po përgatitet të transferojë një tjetër shërbim si monopol tek privati.

Këtë herë bëhet fjalë për kontrollin e cilësisë së karburanteve. Top Channel zotëron draftkontratën e hartuar nga Ministria e Financave, e cila zbulon të gjithë procedurat e ndjekura dhe kushtet financiare të koncesionit me vlerë rreth 15 milionë euro në vit.

Që në fillim të saj, vetë Ministria e Financave pranon se procedura e ndjekur është ajo e koncesionit të pakërkuar nga shteti, që do të thotë se Qeveria po e kthen këtë shërbim monopol privat pas kërkesës së vetë privatit. Emri i kompanisë kërkuese është “Global Fluids International”, një kompani austriake e listuar në bursën e Vjenës, pjesë e një grupi kanadez.

Draftkontrata zbulon se dy vjet më parë kjo kompani i është drejtuar Ministrisë së Financave duke i kërkuar të marrë monopolin e kontrollit të karburanteve. Qeveria ka pranuar dhe në tetor të vitit të kaluar ka nxjerrë këtë vendim, i cili jo vetëm që e miraton procedurën, por i jep kompanisë në fjale edhe një bonus prej 6 për qind të pikëve në tender për idenë e saj. Ndonëse ende nuk është bërë zyrtar, burime konfidenciale bëjnë të ditur se tenderi i zhvilluar është fituar nga një bashkim i tre kompanive, i drejtuar pikërisht prej “Global Fluids”.

Por procedurat e ndjekura nuk janë pika e vetme e dyshimtë. Sipas draftkontratës, kompania do të përfitojë 6.5 euro për çdo ton karburant që qarkullon në Shqipëri. Kjo do të thotë se që nga momenti i hyrjes në fuqi të saj konsumatorët do të paguajnë rreth 15 milionë euro shtesë në vit përmes rritjes së çmimeve, për një shërbim që deri tani e ka kryer me kosto zero inspektorati teknik.

Në shumicën e vendeve të Europës, markimi i karburanteve bëhet përmes kompanive private në treg të lire, jo monopol. Skema e ndjekur nga ministria e Financave zbatohet në vendet me korrupsion të lartë. Vetë kompania “Global and Fluids”, ka vetëm tre kontrata të ngjashme me këtë që do të lidhë në Shqipëri, të cilat janë në Ruanda, Uganda dhe Tanzania. Në dy vitet e fundit, qeveria ka kaluar përmes procedurave shpesh të shumëdebatuara një sërë shërbimesh të detyrueshme si monopol tek privatët, në kontrata që garantojnë të ardhura dhjetëra milionë euro në vit, kostoja e të cilëve paguhet nga qytetarët./TCH

SHUPLAKA e ambasadores gjermane: Statusin s’do e merrnit dhe po të votonit tre ligjet. Zgjedhjet janë kusht

19:16 Politika

Topi: FRD do jetë një faktor i padiskutueshëm në zgjedhjet e qershorit

18:58 Politika

Berisha: U ankova te PPE se Rama po bllokon integrimin. Rajoni ynë vuan nga albanofobia

18:53 Politika

Mungesa e dritave ndez Tiranën, bllokohet Rruga e Kavajës

20:22 Politika

Arvizu takohet me Adriatik Llallën

18:05 Politika

Bregu: Rama, ky antishqiptar që bllokoi statusin për Shqipërinë

17:56 Politika

Meta sulmon mazhorancën (?!) për heqjen e mandatit në Berat dhe gjendjen e rrugëve në këtë qark

15:35 Politika

Topalli përplaset me Bushatin: Yt at iku si mi më 22 qershor, Rama po u përdor si mish për top

14:54 Politika

Mazhoranca miraton draftet për përgjimet dhe SHIU-n, PS: Po përgjoni opozitën dhe ambasadorët

14:08 Politika

Parlamenti Europian miraton rezolutën për Shqipërinë, Fyle: Zgjedhjet, test thelbësor për integrimin

13:48 Politika