PS: Arka e shtetit është bosh, nuk jepen paratë për administratën

Një situatë absurde dhe e patolerueshme po ndodh me 90 mijë punonjës të administratës shtetërore, të cilët nga dita në ditë presin të marrin pagat e tyre, dhe ndërkohë dëgjojnë vetëm justifikime të ministrit, thesarit dhe sot iu shtua edhe alibia e radhës e kryeministrit. Sipas deputetes socialiste është mëse e qartë se ky shtet nuk ka para.

PS përmes deputetes Eglantina Gjermeni ka kërkuar nga  Ministri Bode dhe Kryeministri që të lënë justifikimet e të zgjidhin situatën.

DEKLARATA

“Ditët e para të 2013 po konfirmojnë për të gjithë shqiptarët krizën e thellë ku janë zhytur financat e shtetit shqiptar. Listës së dhjetëra mijëra personave me aftësi të kufizuar të cilët prej muajsh tanimë nuk marrin pagesën e paaftësisë duke u braktisur në mëshirë të fatit nga qeveria, listës së qindra bizneseve shqiptare që po shkojnë drejt falimentimit thjesht sepse qeveria e Sali Berishës nuk ka para për t’i paguar për punët publike që kanë kryer, u shtohen në këtë fillimviti edhe rreth 90 000 punonjës të administratës publike, mësues, mjekë, infermierë, të cilët ende nuk kanë marrë pagat e muajit dhjetor edhe pse po i afrohemi mesit të janarit.

Ministri Bode u zotua dje se rrogat do të paguhen, duke fajësuar për këtë situatë në njërën  anë mos hyrjen në fuqi të buxhetit të këtij viti, e në anën tjetër, në mënyrë absurde, Thesarin e Shtetit për moszbatimin e urdhrit të ministrit për lëvrimin e fondeve nga Thesari. Ndërsa sot këtyre alibive ju shtua edhe një e tretë nga vetë Sali Berisha, sipas të cilit rrogat nuk janë paguar meqë nuk janë dorëzuar listpagesat. Nuk është e nevojshme të jesh ekspert financash për të kuptuar se këto justifikime qesharake që shumëzojnë me zero njëri tjetrin, janë thjesht tentativa për të fituar kohë e për të fshehur një të vërtetë që tanimë po e mësojnë në kurriz të tyre edhe punonjësit e administratës: Shteti nuk ka para. Shteti nuk ka më para dhe politika fiskale e qeverisë së Sali Berishës tanimë ka vetëm një emër: Shtyje ta shtyjmë!

Kjo situatë tregon fare qartë se në ç’derexhe është katandisur sot shteti shqiptar si pasojë e keqqeverisjes së qeverisë së Sali Berishës. Dhe situata bëhet akoma më absurde kur dëgjojmë kryeministrin qeveria e të cilit s’ka më para as për të paguar rrogat, që na krahason me Gjermaninë për rritje ekonomike, na shpall të katërtët në botë për rritjen e mirëqenies e të trumpetojë rritjen e rrogave e pensioneve. 

Ne i kërkojmë Ministrit Bode dhe Kryeministrit Berisha që të lënë mënjanë justifikimet e që ta zgjidhin këtë situatë absurde, sepse punonjësit e administratës publike dhe dhjetëra mijëra familje shqiptare që mbijetojnë me këto rroga nuk kanë pse vuajnë në kurriz papërgjegjshmërinë e kësaj qeverie”.

Topi: Berisha të mos prekë zgjedhjet, ndryshe kostot do jenë të rënda (VIDEO)

17:55 Politika

“Argita është edhe avokatja më e shtrenjtë në botë, për një orë pune merr 280 mijë lekë”

13:46 Politika

Gazeta serbe Kurir: Kreshnik Spahiu është Shesheli shqiptar

13:14 Politika

Llalla rikthen në detyrë prokurorët e shkarkuar nga Ina Rama

13:00 Politika

Fullani “shpëton” Boden në ankandin e bonove

12:32 Politika

VETEVRITET motra e njërit prej viktimave të 9 janarit 2004

14:22 Politika

Xhakja i tha kryekomisarit: Unë jam ai që të ... motrën

11:56 Politika

Shqipëria ka rrugë më të mira se Norvegjia? Një gazetar vjen të zbulojë të vërtetën dhe thotë: Është një mit

11:42 Politika

Katër orë sherr për bojën e votimit. Nënkryetari: Lleshi po e topallizon KQZ-në

11:29 Politika

E vërteta e Berishës “burrë shteti”

11:16 Politika