“Ka rënë zjarr tek KISS. Ndihmë!” (FOTO)

Një studente, që vdiq nga zjarri në një klub nate në Brazil, postoi një mesazh në Facebook, për të kërkuar ndihmë.

Michele Cardoso, 20 vjeç, ishte në klubin e natës KISS, në Santa Maria, një qytet në jug të Brazilit, kur nisi zjarri, që ka lënë 233 të vdekur dhe 106 të plagosur.

Studentja e mjekësisë ishte në festën e organizuar për studentët vendas bashkë me motrën Clarissa dhe të dashurin, Joao Paulo. Asnjëri prej tyre nuk doli gjallë.

Në orën 3:20 të mëngjesit, 50 minuta pasi raportohej se kishte rënë zjarri, Cardoso postoi mesazhin në Facebook, duke përdorur celularin e saj. “Zjarr në KISS. Ndihmë!” shkroi ajo.

Në orët në vazhdim miqtë e alarmuar lanë përgjigje të dëshpëruara, duke kërkuar të dinë nëse ajo ishte mirë, por askush nuk përgjigjej.

Pasi Cardoso u konfirmua mes të vdekurve, një shok i saj shkoi në faqen e saj në Facebook: “Nuk e imagjinoja kurrë se ishte kaq serioze kur pashë atë që kërkonte ndihmë në Facebook në orët e para të mëngjesit, por kur mamaja më zgjoi, më tregoi se çfarë kishte ndodhur”.

Shumica e viktimave vdiqën në banjot e klubit.

Disa media thonë se nga dëshpërimi, ata e kanë ngatërruar shenjën e tualetit me shenjën e daljes së emergjencës.

Shefi i policisë në Santa Maria, Edi Garcia tha se ka nxjerrë më shumë se 180 trupa nga banjot.

“Skena ishte e tmerrshme. Kishte kaq shumë të rinj në një hapësirë kaq të vogël.

Kam nxjerrë më shumë se 180 trupa nga banjot. Ata po përpiqeshin të arratiseshin. Kamioni që mori trupat u desh të bënte pesë rrugë i mbushur plot. E tmerrshme”.

Inspektorët besojnë se zjarri nisi kur banda që po luante në skenë realizoi një shfaqje piroteknike, që pati një problem.

Shumica e viktimave kanë vdekur nga tymi sesa nga flakët.

Ky është incidenti më vdekjeprurës në një klub nate prej më shumë se një dekade.

Të mbijetuarit thanë se rojet e sigurisë kishin tentuar të bllokonin njerëzit që të dilnin nga klubi.

Lokalet braziliane kërkojnë nga klientët që të paguajnë faturat në fund të mbrëmjes, përpara se të largohen.

Por një zyrtar policie th se rojet nuk i kanë bllokuar për shumë gjatë të rinjtë.

“Ishte gjithçka kaotike, pasi edhe shumë roje sigurie kanë vdekur,” tha ai.

Zjarrfikësit thanë se patën vështirësi të hyjnë në klubin e natës për shkak se ishte krijuar një pengesë me trupa, që zinin hyrjen.

Santa Maria është një qytet me rreth 260 mijë banorë.

Michele Cardoso

Michele Cardoso me të dashurin

Spahiu: Deklaratat e Nikolas Geixhit më nxitën të krijoj AK. Refuzova 3 herë PD për të kandiduar si deputet

12:43 Politika

S’ka asnjë vend në botë që të privatizojë HEC-et kështu - thotë eksperti Maksim Shuli dhe shpreh habi për mungesën e reagimit

12:32 Politika

Komisioni i Ligjeve miraton ligjin për nëpunësin civil, opozita braktis seancën: Na grabitët qarkun e Fierit

11:48 Politika

Lajm shokues nga Koreja e Veriut: Prindi ekzekutohet pse hëngri fëmijët e tij nga uria

11:02 Politika

CEZ: Ja pse kemi shanse të mira në arbitrazh. Shuma maksimale që do kërkojmë është 200 milion euro

10:47 Politika

Rrëfen vëllai i kambistit: E qëlluan kur bëri çiften gati

10:40 Politika

25 vite burg për 80 vjeçarin Shaban Norja, masakroi 18- vjeçaren

10:24 Politika

Spahiu: Berisha ka shpronësuar shtetin për t'u pasuruar vetë. Ta rrëzojmë para zgjedhjeve

23:39 Politika

Mirditë, konferenca e PD-së kryqëzon Mark Markun. Largohet nga PD-ja nënkryetari i partisë

19:29 Politika

Meta: Në këto zgjedhje synojmë të marrim 12 deputetë

17:07 Politika