Poli i Komisionerëve

E kanë quajtur rëndom në javët e fundit “Poli i tretë”. Ndoshta do të ishte më e saktë ta quanin Poli i Komisionerëve. Fjala është për një tentativë konkrete të LSI për të mbledhur rreth vetes, në një aleancë parazgjedhore, Partinë Bashkimi për të Drejtat e Njeriut dhe Frymën e Re Demokratike. Një projekt që duket se po ngec qysh në nisje, për shkak të qëndrimit të ftohtë të ish-presidentit Topi…

Nga Skender Minxhozi, JAVA

…Në fakt, të gjitha komentet e para që kanë shoqëruar këtë ndërmarrje të re politike, vetëm pak muaj para zgjedhjeve të 23 qershorit, kanë vënë në dukje një rrethanë që në kushtet e Shqipërisë ka gjithmonë peshë: LSI dhe PBDNJ do të kenë, që të dyja, anëtarë në të gjitha komisionet e numërimit në zgjedhje. Një prezencë jetike, në historinë e zgjedhjeve shqiptare, kur shumë shpesh devijimi dhe tjetërsimi i votës nga komisionerët, ka qenë një sëmundje e përhapur dhe e pashërueshme. Ka qenë ky “as” nën mëngë për Ilir Metën dhe vangjel Dulen, që po i jep veçanërisht peshë negociatave të hapura e të mbyllura që po mbahen për të krijuar Polin e Tretë.

Por rruga drejt krijimit të një qendre të tretë pushteti në fushatë, përveç koalicioneve të PD e PS, është më e gjatë dhe më komplekse sesa prezenca e dy komisionerëve në qendrat e votimit. Së pari, nëse për Vangjel Dulen nuk përbën problem fakti që LSI është një parti që e ka deklaruar votën e saj pro rezolutës çame, ose edhe fakti tjetër, që Meta dhe ministri i Panariti kanë qenë mjaft aktivë për kauzën çame, për Bamir Topin duket se LSI përbën një problem “moral, ideologjik dhe programor” të pakapërcyeshëm. Këto përcaktime përdori pak ditë më parë në media numri dy i FRD Aleksandër Biberaj, kur u pyet për idenë e krijimit të Polit të Tretë me LSI dhe PBDNJ.

Dhe problemi që partia e Topit ka me këtë projekt të ri politik, nuk ka të bëjë me praninë e Dules në tryezë, sesa me atë të Ilir Metës. Në këtë pikë, ish-presidenti dhe kreu i partisë së minoritetit grek, ndryshojnë rrënjësisht. Nëse i hedh një sy evoluimit të qëndrimeve të Vangjel Dules, mund të shohësh se ai ka ardhur duke e ashpërsuar pozicionimin e tij ndaj PS, sa më shumë që linja e saj politike përkonte me atë të Aleancës Kuq e Zi. Të njëjtin qëndrim, por për arsye të tjera, ka mbajtur PBDNJ edhe ndaj qeverisë, me të cilën është në opozitë, kryesisht për shkak të prezencës në koalicionin e Berishës, të partisë çame. E zënë në “sanduiç”, mes dy forcash politike që ajo i sheh si të papajtueshme me filozofinë e saj, partia e minoritetit grek është në kërkim të një aleance alternative elektorale, e bindur se nëse futet e vetme në zgjedhje, shanset janë minimale që të fitojë ndonjë mandat. Aq më tepër që veprimi gërryes i figurave të tilla si Ksera e Tavo, kanë sjellë jo pak probleme për Vangjel Dulen në qarqet e Jugut. Dora e shtrirë e Metës, është në këto kushte një rast i artë, për t’u kapur “në ajër” nga Dule. Aq më tepër që të dyja partitë, për shkak të formulës paraprake të përcaktuar nga Kodi Zgjedhor, do të jenë të pranishme në procesin dhe administrimit zgjedhor. Çka e bën qysh tani, në funksion të infrastrukturës së zgjedhjeve, një histori suksesi, këtë aleancë ende të pashpallur.

Por në FRD nuk mendojnë kështu. Lajmet që vijnë nga baza e partisë, flasin për një qëndrim të ftohtë, disa herë përjashtues e armiqësor, ndaj afrimit me një parti si LSI, e cila shihet gjerësisht si një parti që ka përfituar shumëçka nga qenia në pushtet me PD, në katër vjetët e fundit. Bamir Topi ka gjithë të drejtën morale që ta shohë me dyshim Ilir Metën, teksa ky i fundit ndante i pashqetësuar tortën e pushtetit, ndërkohë që ai qëndronte i rrethuar brenda gardhit të Presidencës, i paralizuar nga armiqësia e maxhorancës në parlament dhe ekzekutiv. Nga ana tjetër, FRD lindi dhe po përpiqet të formatohet si një forcë politike që konteston korrupsionin dhe konsumimin e imazhit të qeverisjes aktuale. Një aleancë e mundshme me LSI, do të diskretitonte dukshëm fushatën e saj elektorale, për sa kohë që do t’i hiqte elementin e kritikës së ashpër ndaj asaj që ka ndodhur në katër vjetët e fundit me qeverisjen e vendit. Pa harruar faktin se ka mjaft dyshime për këtë spostim të papritur të Metës jashtë koalicionit qeveritar, i cili duket edhe si një mision i kamufluar elektoral i maxhorancës, për të çuar nesër, pas zgjedhjeve, një thes me vota të qendrës, në prehrin e Berishës.

E parë kështu, rruga drejt Polit të Tretë është mjaft e komplikuar dhe me pengesa. Nëse në fund të negociatave, do të rezultonte se Meta dhe Dule do të ishin të vetmit që do të firmosnin krijimin e Polit të Tretë, vetë projekti do të niste i mangët dhe defektoz, pa praninë e FRD. Është e vërtetë se të treja forcat në fjalë, veç e veç, kanë nevojë të përfshihen në aleanca elektorale, për shkak të natyrës së kodit zgjedhor aktual, i cili godet kryesisht ato parti të vogla që paraqiten të vetme në zgjedhje. Por duket se këto kalkulime elektorale kanë një peshë relative kur flitet për FRD, e cila po i reziston deri tani tundimit të ftesës së LSI e PBDNJ. Javët në vazhdim do të tregojnë nëse Poli i Tretë do të jetë vërtet i tillë, apo do të jetë de facto një Pol Komisionerësh, mes Ilir Metës nga njëra anë dhe Vangjel Dules nga ana tjetër. Pra, një bashkim ku nuk flitet asfare për programe politike dhe për pozicionime ideologjike, por për numërues anonimë votash. Zgjedhjet shqiptare janë pikërisht të tilla: programet dhe idetë s’kanë thuajse fare peshë, rëndësi ka infrastruktura elektorale. Një banalitet njëzetvjeçar, prej të cilit nuk do të shpëtojmë as këtë verë.

Ana e errët e Vatikanit

13:19 Politika

Dashuria e Skënderbeut për vajzën e sulltanit, që përfundoi në tragjedi

12:15 Politika

Servet Pëllumbi: Debatin për Mehmet Shehun e nxiti glorifikimi i Ahmet Zogut

11:00 Politika

Djali i Neritan Cekës, diplomat në Vjenë, sulmonte Papa Benediktin XVI dhe refuzon të kthehet në Shqipëri

10:24 Politika

Eduard Selami: Gati të kandidoj për PD, duhet të fitojë një mandat të tretë

00:39 Politika

Shemsi Prençi: U soll një ekspert nga Tropoja për të dubluar punën e FBI-së

22:02 Politika

SHENIM/ Në fakt Prendi njihte një prej të vrarëve!

21:14 Politika

Zbulohen argumentet e gjykatës për 21 janarin: Prokuroria nuk provoi vrasjen me dashje

21:06 Politika

Ardiana Bera, gjykatësja që liroi vrasësit, dënoi 1 vit burg protestuesin e 21 janarit (si provë shërbyen...pamjet filmike)

18:01 Politika

Parlamenti Europian: Jemi të shqetësuar nga deklaratat e Berishës për nënshtetësinë

17:33 Politika