Nikoliç paralajmëron pushimin e institucioneve paralele në Kosovë

Presidenti i Serbisë, Tomisllav Nikoliç ka paralajmëruar sot mundësinë që institucionet paralele serbe në Kosovë të zëvendësohen me të reja, që po ashtu do të udhëhiqeshin nga serbët.

“Kjo paraqet krijim të institucioneve të reja për serbët e Kosovës, por që do të udhëhiqen nga serbët. Këtu pushojnë institucionet paralele”, tha Nikoliç në një intervistë për televizionin Prva, transmeton agjencia Beta.

Nikoliç tha se Serbia, për shembull, do të hiqte dorë nga rregullimi i çështjes së shëndetësisë për komunitetin serb, nëse serbët në Kosovë mund ta bëjnë vet këtë, por që Serbia do ta mbante të drejtën për të ndihmuar, në qoftë se nuk do të kishte mjaft para apo kuadro.

“Veprojmë në atë territor sikur ai të ishte nën kontroll të plotë të Beogradit, gjë që nuk qëndron”, tha Nikoliç dhe shtoi se ky propozim do të duhej të “kalojë” nëpër Kushtetutën e Kosovës dhe atë të Serbisë.

Presidenti serb tha se aktiviteti i fuqishëm diplomatik në kohë të fundit ka për qëllim që të bëhet gjithçka që është e nevojshme për t’u arritur paqja dhe mirëqenia dhe të fitohet data për fillimin e negociatave për anëtarësim në BE.

Sipas fjalëve të tij, ato plane do të realizohen “pa përulje dhe heqje dorë nga sovraniteti”./KD

Dodik: Askush s’e pyet Serbinë për karrigen e Kosovës në OKB

15:54 Rajoni

Thaçi: Shqiptarëve s'iu mbetet gjë tjetër veçse të akomodohen në një shtet

15:50 Rajoni

Zgjedhjet lokale mund t’i kushtojnë postin Jahjagës

12:09 Rajoni

Opozita maqedonase vendos të bojkotojë zgjedhjet lokale dhe të dorëzojë mandatet e deputetëve

18:59 Rajoni

Hashim Thaçi: Fajin për mosliberalizimin e vizave e ka Brukseli

18:57 Rajoni

Plani Micotakis- Millosheviç për ndarjen e Maqedonisë

14:18 Rajoni

200 milionë euro shpenzojmë në cigare, kafe dhe alkool

12:33 Rajoni

BE: Për sundimin e ligjit s’mjaftojnë vetëm zotimet

20:56 Rajoni

Kërkesë për shpërngulje nga Kosova

11:58 Rajoni

Isa Mustafa nuk do të jetë kandidat për Prishtinën

11:54 Rajoni