Te fundit
Di Kanio vjedh natën fotografitë nga ish-klubi
22 Shkurt 2013, 18:55Sport
TEMA
Klubi i Suindon është detyruar të ndryshojë të gjitha bravat e dyerve në zyrat e tij, pasi ish-trajneri i skuadrës, Paolo Di Kanio, ka hyrë fshehurazi gjatë natës dhe ka hequr nga muri të gjithë fotot e tij në këtë periudhë të suksesshme për klubin.
Akti i çuditshëm i trajnerit italian është zbuluar në mëngjesin e të enjtes, ku zyrtarët e klubit kanë mbërritur në zyrat e tyre dhe kanë zbuluar se mungonin shumë fotografi. Pasi janë parë pamjet e regjistruara gjatë natës nga kamerat e sigurisë, është zbuluar se këtë veprim e kishte kryer Di Kanio bashkë me stafin e tij, pasi kishte një kopje të çelësave të zyrave të klubit. Trajneri italian dha dorëheqjen bashkë me stafin në fillimin kësaj jave pas mosmarrëveshjeve me drejtuesit.
Meqë trajneri italian ka kaluar një periudhë shumë të suksesshme të ky klub gjatë 21 muajve në drejtimin e tij, drejtuesit e Suindon kanë vendosur të mos e raportojnë çështjen në polici dhe nuk kanë bërë kallëzim penal ndaj trajnerit italian dhe anëtarëve të stafit të tij.
Lini një Përgjigje
Më të lexuarat
24 oret e fundit
Javen e fundit
Blog Tema
