Te fundit
Telefoni i Frrokut ishte në Kërrabë kur u bë vrasja? E shoqja e Lamajt: Më ka treguar për kërcënimet
6 Mars 2013, 09:41Politika
TEMA
Ndërkohë që prokuroria ka nisur drejt Greqisë dosjen për ekstradimin e Arben Frrokut, të dyshuarit për vrasjen e komisar Dritan Lamajt, gazeta Mapo raporton se telefoni i tij tregonte se ai ishte në Kërrabë në momentin kur ka ndodhur vrasja, duke e komplikuar më shumë hetimin.
Ndërkohë, sipas Panoramës, në polici kanë nisur të vërshojnë telefonatat pasi është vendosur shpërblimi prej 100 mijë dollarësh për atë që jep informacion për vrasjen e Lamajt.
Një nga telefonatat tregon se Lamajn e kanë vrarë dy të afërm të Frrokut.
“Sot paradite ndodhesha tek një lokal pranë Doganës dhe dy persona që ndodheshin në tavolinë pranë meje, po flisnin për vrasjen e Dritan Lamajt. Ata flisnin me dialekt nga veriu dhe njëri i tha tjetrit se Dritan Lamajn e ka vrarë një familjar i Arben Frrokut dhe kushëriri i tij,” thuhet në një nga denoncimet në polici.
Panorama raporton po ashtu se gruaja e Dritanit, Anila, ka rrëfyer në polici se i shoqi ishte kërcënuar. Ajo thotë se ai nuk i tregonte shpesh për kërcënimet, për të mos e shqetësuar, por shton se të paktën dy biznese e kanë kërcënuar, njëri në hyrje të Kombinatit dhe tjetri pranë Doganës, një lokal nate.
Media të tjera raportojnë se familja e Lamajt është marrë në mbrojtje.
8 komente në “Telefoni i Frrokut ishte në Kërrabë kur u bë vrasja? E shoqja e Lamajt: Më ka treguar për kërcënimet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po pse c’kujtoni ju, se Frroku do ishte tek vendi i ngjarjes ne ate moment? Po keshtu ishte ndertuar loja, qe Frroku te ishte larg ne momentin e vrasjes. Nuk do shume mend te kuptohet kjo gje.
Vrasesi i vertete e ka emrin Sali Berisha dhe ai ka vrare gjithe godinen e shtetit. Ky krim po rezulton ne nenprodukte te tjera, ne krime me te vogla, po eshte thellesisht me i demshem ne afatgjate
Nëse Arben Frroku nuk është vrasësi, por porositësi I vrasjes, duhet vërtetuar dhe ai dënohet po njëlloj, madje dëndohet si rregull cdo bashkëpunëtor në vrasje…
Sa pak komente.Nuk kane faj qe thone qe cuadia me e madhe ne Shqiperi zgjat tre dite.Dite e re ngjarje te reja…
Alooooooooo Çimi jam…
Po qe me telefonin e Frrokut te udhetonte dikush tjeter me perpara, dhe tja kete dhene diku gjate rruges kur ka mberritur Frroku, a ekziston kjo mundesi???
Alooooooooo Çimi isha…
Une mendoje se vrasjen nuk e ka bere Frroku. Frroku munde te kete paguar per te bere vrasjen.Por une mendoje se munde te jete dikush tjeter qe ka qene i interesuar per te bere vrasjen.Frokun e prejashtoje nga vrasja per aresye se Ai do kandidonte per Deputet.Ai nuk kish armiqesi te madhe me komisarin dhe te arrinte ta vriste.Po qe se policia do shikoje vetem variantin e vrasjes se komisarit nga Frroku,vrasesi i vertete nuk do te gjendet kurre.Frroku do te shkoje per koke turku.
KUSH E VRAU XHINDIN? KUSH E VRAU KONOMIN?KUSH E VRAU SHIKSIN?KUSH E VRAU KOMUNARIN E KUKSIT?KUSH EVRAU TREBICKEN? E PRA NUK GJENDET. MEGJITHSE AI KA VRARE ME SIGURI DHE LAMAJN.KERCENIME BISNESESH,POR PRAPA TYRE JANE ANTARET E QEVERISE,QE KUR NUK U DEL HESAPI DERGOJNE ROJET E BISNESIT TE LAJNE HESAPET.MOS MENDONI SE JANE ROJE TE VERTETE.
Po, me siguri aty ne Krrabë e kane pritur , i kane dhene telefonin dhe kane nderruar makinat, dhe Frroku ka ikur per Greqi me makinen e vet dhe natyrisht dhe “proven”(celularin), ndersa makina e krimit eshte marre nga dikush tjeer e eshte djegur.
Kjo eshte skeme policesh, e me siguri ja ka mesuar ai “barkderri” nga Puka:(