Tritol vëllait të autorit të vrasjes së Sulejman Shehut

Hakmarrja mes fiseve Tragaj dhe Shehu duket se ka shkaktuar ngjarjen e radhës kriminale në vend. Mëngjesin e së enjtes  makina e të vëllait të autorit të vrasjes së Sulejman Shehit ka shpërthyer si pasojë e një sasie të konsiderueshme tritoli të vendosur në pjesën e poshtme të saj. Shpërthimi ka ndodhur në makinën tip “Range Rover” me targa AA 474 AA pranë një kompleksi tek Ura e Dajlanit në Durrës. Fatmirësisht nuk ka pasur viktima, dhe pse në makinë kanë qenë dy persona. Nga hetimet paraprake, mësohet se tritoli nuk ishte vendosur mirë, ndaj gjatë ndezjes së automjetit ka shpërthyer duke rënë nga mjeti. Shpërthimi ka qenë i fuqishëm duke tronditur zonën, por fatmirësisht as 2 personat që ndodhshin në automjet, as dëshmitarë në vendngjarje nuk pësuan dëme. Policia, e cila ka mbërritur në vendngjarje bëri të ditur se automjeti është në pronësi të shtetasit Vilson Traga, vëllai i Ardian Traga, i arrestuar si autor i vrasjes së Sulejman Shehit dhe Durim Pashalliut. Megjithëse burimet zyrtare të policisë thanë se po kryejnë hetimet për zbardhjen e plotë të ngjarjes, mësohet se pista kryesore e hetimit është ajo e konflikteve që ekziston mes dy fiseve, Shehi dhe Tragaj në qytetin e Durrësit.

Masakra

Konflikti mbi pronësinë shkaktoi një ndër krimet më të rënda të ndodhur në verën e vitit të kaluar, pranë një resorti turistik në Malin e Robit. Gjithçka ka nisur thuajse dy vite më parë, kur  Ardian Tragaj përuroi resortin e tij “Ura Li”, pranë bregdetit të Durrësit.  Por sipërfaqen prej 1.5 hektarësh, ku shtrihej  resorti, e pretendonte dhe familja e Sulejman Shehut.  Denoncimet e shpeshta në polici apo dhe nisja e proceseve gjyqësore mbi të drejtën e pronësisë, jo vetëm që nuk paqtoi  familjet, por konflikti degjeneroi në përleshje me armë duke shkaktuar dy viktima dhe disa të plagosur. Më 25 korrik Ardian Tragaj qëllon me armë mbi pjesëtarët e familjes Shehu, të cilët e kërcënonin për atë pjesë toke. Nga të shtënat mbetën të vrarë Sulejman Shehu dhe Durim Pashallari. Ky i fundit ishte roje në objektin e Tragës dhe është vrarë aksidentalisht. Të plagosur mbetën gruaja dhe djali i viktimës Shehu, përkatësisht Erjon dhe Beglie Shehu.

Pak pas ngjarjes, Ardian Tragaj u vetëdorëzua në polici. E ndërsa për grupin e hetimit ngjarja kriminale kishte motiv të vetëm, atë të pronësisë, sërish një prej autorëve të këtij krimi ndodhej i lirë. Vetëm pak kohë më parë policia e qytetit të Durrësit bëri të ditur se ka arrestuar shtetasin Leonard Tragaj, i cili ishte shpallur në kërkim pasi dyshohej se bashkë me të vëllain e tij ishin autorët e masakrës së ndodhur në korrin e vitit të shkruar. Në deklaratën zyrtare policia e qytetit bregdetar tha se 33-vjeçari dyshohet se bashkë me vëllain e tij,  Ardian Tragaj, ishin autorë të vrasjes së Sulejman Shehut dhe Durim Pashalliut.

Konflikti për një rrip toke, vret me hu fqinjin 78- vjeçar

10:26 Kronika

Lushnje, rrufeja godet 50- vjeçarin në gjumë, depërton përmes tubit të sobës

18:21 Kronika

“Adem Tahiraj ishte civil kur u vra nga Xhakja”

11:27 Kronika

Dënohet 25 vite burg për vrasjen e çiftit, revoltohen familjarët: Këtu nuk ka shtet

10:38 Kronika

Leskaj i përgjigjet Bogdanit: Si mund të kem falur një gjë që s’e kam!

18:56 Kronika

Kunata ther 25- vjeçarin pas debatit me të motrën

11:15 Kronika

Elbasan, tenton të shpëtojë fqinjën, vdes bashkë me të

17:03 Kronika

Raporti i SHKB: RENEA, pa sigurim jete përballë krimit

10:17 Kronika

Të afërmit e Prengës: Vrasja e tij ishte pabesi. Ai i ka mbyllur hesapet me drejtësinë

10:10 Kronika

“Të dënohet maksimalisht autori i vrasjes së vajzës sime”

11:46 Kronika