Te fundit
Kur kriza ekonomike të sëmur
1 Prill 2013, 10:33Ekonomia
TEMA
Kriza ekonomike në Europë nuk ka ndikuar vetëm në portofolet e njerëzve, por edhe në shëndetin e tyre. Një studim i ekpertëve britanikë të shëndetësisë tregon se që prej fillimit të krizës, numri i sëmundjeve është shtuar ndjeshëm, si pasojë e shkurtimeve të mëdha në sistemin e shëndetësisë.
Martin McKee, një nga autorët e studimit që është publikuar në revistën mjekësore “The Lancet” thotë në një intervistë për DW:
“Për ne është e qartë se duhet të investojmë më shumë në sistemin e shëndetësisë. Njerëzit në Greqi vuajnë, ata nuk mund të marrin medikamentete që u nevojiten.”
Numri i vetëvrasjeve në Greqi është rritur që prej fillimit të krizës. Dhe nuk është vetëm Greqia e prekur. Edhe në Spanjë janë shtuar rastet e depresioneve.
Në sistemin grek të shëndetësisë janë bërë që nga fillimi i krizës 40 përqind shkurtime. Me pasoja fatale, thotë Ëillem de Jonge, nga organizata “Mjekët pa kufi” në Greqi.
“Në Athinë është rritur numri i të infektuarve nga HIV me 1500 përqind, nëse krahasojmë 2010 me 2011-tën. Kjo ka të bëjë me atë se ministria e shëndetësisë kursen dhe nuk shpërndan gjilpëra të pastra tek njerëzit e varur nga droga“, shprehet ai.
Edhe sëmundje për të cilat mendohej se kanë vite që janë zhdukur, janë duke avancuar, për shembull malarja. Në vitin 2011 Greqia pati qendrën e parë lokale të infektimit me malarje, që prej vitit 1950. Edhe për këtë Jonge bën përgjegjëse politikën:
“Arsyeja ishte se qeveria ndërpreu në vitin 2011 krejtësisht masat preventive, si përshembull spërkatjen e fushave me insekticide. Kështu u rrit shumë numri i mickonjave.”/b.l
Lini një Përgjigje
Më të lexuarat
24 oret e fundit
Javen e fundit
Blog Tema
