Te fundit
"Tri mendje në ankand", drama që pasqyron realitetin brenda mureve të një psikiatrie
9 Prill 2013, 09:56Kulturë
TEMA
“Tri mendje në ankand” është drama që do të rikthehet në skenën e “Teatrit të Metropolit”, nën regjinë e Elma Dorezit.
“ Në qendër të dramës janë tre të çmendur që duan të zënë vrimat në muret e psikitrisë së tyre. Në jetë që kanë pasur para se të vijnë në çmendi, ata kanë qenë intelektuakë ,por tashmë fati i ka sjellë në çmendi. Gjithçka për to është o mjtas o djathtas. I treti që nuk ka bindje majtas-djathtas në fakt përpiqet që t’i kënaqë që të dy. Në debatin se si do i mbyllin vrimat e çatisë , shfaqet një zonjë e huaj amerikane e shoqatës “Zoti e do psikiatrinë” e cila mundohet t’i ndihmojë me këshilla.Mes tyre është edhe një e çmendur tjetër me emrin Popi, që ato i thonë populli, dhe në fakt në mendimin tim, atë përfaqëson. Është një personazh që nuk flet, por vuan atë që të tjerët bëjnë në kurriz të saj.Edhe sanitarja që u shërben, brenda çmendurisë së tyre mundohet t’i ndihmojë që t’i zënë këto pika. Dhe sarkazma qëndron se këto pika ata mundohen t’i zënë me çadra të çara dhe oturakë për të mbledhur pikat”.
Kështu e rrëfen subjektin e dramës , dramaturgu Ferdinat Hysi, e cili e shkruajti atë në vitin 1994.
“Kjo psikiatri që pikon është reliteti, unë dhe këta që duam t’i zëmë këto pika janë përsëri reliteti ynë. Zonja amerikane përfaqëson ato dhjetra fondacione të huaja që vijnë në Shqipëri dhe nuk dihet se çfarë bëjnë. Por, nuk është një dramë politike. Nuk kam pasur si qëllim që dramat t’i shërbejnë një periudhe një epoke apo një grupi njerëzish. Ajo përgjithëson një fenomen dhe e trajton atë simbolikisht”- shprehet Hysi në gazetën “Shqip”.
Ai pohon se, “Besoj se dramaturgjia e sotme , jo për faktin që shkruaj vetë , por duam apo nuk duam është një realitet që as nuk duhet mohuar dhe as kaluar me termin “nuk kemi dramaturgji!ajo është pavarësisht nivelit. Fjala është që duhe të luftojmë në të gjitha drejtimet që ajo të zhvillohet dhe të ecë përpara. Kur e them këtë e kam më shumë për të rinjtë , sepse pa inkurajuar ata dhe dramaturgjinë e tyre ne nuk kemi të ardhme , po kështu edhe e tashmja është e rrezikuar”- nënvizon dramaturgu Hysi./A.XH
Lini një Përgjigje
Më të lexuarat
24 oret e fundit
Javen e fundit
Blog Tema
