Ekipi gjerman i Shalke 04, pas kualifikimit në Ligën e Kampioneve, kërkon që të forcojë ekipin, në mënyrë që të bëjë një figurë sa më të mirë në kompeticionin më të rëndësishëm në Europë.
Dhe, për t’ja arritur kësaj, drejtuesit e Shalke-s janë duke menduar seriozisht që të rikthejnë në Europë yllin Brazilian Ronaldinjo. Lajmi pohohet nga ana e “Bild”.
Ronaldinjo aktualisht luan për Atletiko Miniero në Brazil dhe vështirë se do të pranojë të rikthehet në Europë. Por, Shalke duket e vendosur që ta bindë, për të rritur në të njëtën kohë edhe imazhin e klubit.
Gjermanët janë ndërkohë edhe në gjurmët e sulmuesit italian të Juventusit, Fabio Kualjarela./b.l