PAOK fal Ergys Kaçen, Duka i shkruan letër UEFA-s

Ka marrë zgjidhje me në fund çështja e Ergys Kaçes. Pas histerisë greke për foton e tij me bluzën e UÇK-së, klubi i PAOK-ut ka vendosur që ta rikthejë mesfushorin e kombëtares shqiptare në ekip. 

Sipas mediave greke, presidenti i ekipit, Ivan Savidis ka vendosur ta falë futbollistin, duke argumentuar se është i ri dhe meriton një shans të dytë.

Mediat shkruajnë se Kaçe do të rikthehet në veprimtaritë sportive të skuadrës, por kjo nuk do të thotë se ai nuk do të dënohet, ndoshta me një gjobë.

Duka i shkruan UEFA-s

“I dashur Zoti President”. Nis kështu letra që presidenti i Federatës Shqiptare të Futbollit (FSHF), zoti Armando Duka, i ka nisur numrit “1” të UEFA-s, Mishel Platini, që në të shkuarën ka vizituar edhe Shqipërinë përpara se të zgjidhej president i organit më të lartë të futbollit në kontinent.

Letra që Duka i ka nisur ka vetëm një subjekt, Ergys Kaçen dhe problemet që ai po kalon aktualisht pas fotos së famshme të postuar në Facebook, me fanelën e UÇK-së. Që prej asaj dite, vetëm probleme dhe persekutime për të, saqë gjithçka është politizuar. Dhe, pas ndërhyrjes së ish kryeministrit Sali Berisha dhe trajnerit të Shqipërisë, Xhani de Biazi, dje ka ardhur edhe ndërhyrja zyrtare e numrit “1” të futbollit shqiptar, i cili i është drejtuar Mishel Platinisë dhe UEFA-s, për të ndërhyrë në këtë çështje dhe të dalë në mbrojtje të futbollistit 20-vjeçar.
Gjithashtu, një letër tjetër i është dërguar edhe homologut të tij në Greqi, Giorgos Sarris. Por, çfarë thuhet në letrën që Duka i ka dërguar Mishel Platinisë. Ja përmbajtja e saj:

“I dashur Zoti President, shpresoj që kjo letër t’iu gjejë mirë. Po ju shkruaj këtë letër, për të shpjeguar një ngjarje vërtet të pazakontë që po ndodh në Greqi me një pjestar të Kombëtares tonë dhe të klubit të Selanikut, PAOK. Duke marrë shkas nga informatat e ardhura nga mediat sportive greeke dhe shqiptare, futbollisti Ergys Kaçe, pjestar i Kombëtares së Shqipërisë, është përjashtuar nga klubi i tij, PAOK për një dikskriminim nacionalist.

Gjithçka ndodhi disa ditë më parë, kur në rrjetin social “Facebook”, qarkulloi një foto, ku futbollisti Ergys Kaçe kishte veshur një fanelë me Flamurin Shqiptar dhe UÇK (Ushtria Çlirimtare e Kosovës) logo. PAOK-u u njoftua për këtë fanelë dhe vendosi të  përjashtonte nga të gjitha stërvitjet, ndeshjet dhe aktivitetet e klubit. Federata Shqiptare e Futbollit është totalisht e shqetësuar për të ardhmen e futbollistit të Kombëtares, jo vetëm për kontributin e tij profesional, por edhe për diskriminimin nacionalist që rrezikon në Greqi. FSHF-ja reagon në një moment kur FIFA dhe UEFA po përdorin të gjithë fuqinë e mundshme në luftën kundër racizmit dhe çdo tip diksriminimi. Kemi besim tek ndërhyrja juaj e menjëhershme në të mirë të futbollit”.

Perez: Bejlin e blemë me një çmim të lirë

16:18 Sport

Edhe Liridon Leci në përfaqësuesen e Shqipërisë

15:38 Sport

Uellsi e Irlanda e Veriut, dy kundërshtarët e Kombëtares për vazon 4

14:48 Sport

Abrashi në janar drejt Lacios?

14:47 Sport

Januzaj mes dilemës së Botërorit 2014 dhe Shqipërisë

15:34 Sport

Murinjo: Fajin për kritikat e kam unë, pasi ju kam mësuar që fitoj gjithmonë

15:25 Sport

Rehagel: Humbja përballë Shqipërisë ishte e dhimbshme

14:48 Sport

Derbi i Romës, Cana lojtari më i mirë për Lacion

14:44 Sport

Perez: Ronaldo, një lojtar që lind një herë në 100 vjet

14:45 Sport

Taribo Uest e ekzgjeron: Kam qenë më i mirë se Maldini, por ai ishte italian

14:44 Sport