Vazhdon SKANDALI/ Kancelarja dhe sekretarja e gjykatës ndajnë zarfet me lekë për gjyqtarët (FOTO)

Paratë numërohen dhe dorëzohen për gjyqtarin dhe prokurorin në zyrën e kancelares së Gjykatës së Shkallë së Parë të Pukës.

Ky zarf me para bëri të mundur ndryshimin e masës së sigurimit për një nga gjashtë të arrestuarit gjatë protestës së banorëve në Fushë Arrëz në 19 prill të këtij viti.

Në ditën e dytë të transmetimit të një cikli emisionesh për denoncimin e korrupsionit në gjyqësor, “Fiks Fare” tregoi me pamje sesi bëhen pazare për lirinë e një të riu, i cili protestoi për bukën e gojës.

“Fiks Fare” në vazhdim të investigimit të tij, konkretizon me fakte korrupsionin që ka mbuluar gjyqësorin dhe prokurorinë.

Pas kalvarit të gjatë me sekserët dhe bisedimeve të shumta midis sekretares dhe kancelares së kreut të gjykatës, bëhet dhe dorëzimi i lekëve për llogari të shefit të tyre.

Sekretarja e kryetarit të Gjykatës së Pukës, Liljana Shkjau dhe kancelarja e gjykatës së Pukës, Meliha Kuka, marrin në emër të gjyqtarit të çështjes, Shtjefën Lleshi dhe prokurorit Pëllumb Prençi pesëqind mijë lekë të reja për të ndryshuar masën e sigurisë për të pandehurin nga arrest në burg pa afat në detyrim për paraqitje

Kamera e “Fiks Fare” ka regjistruar për minuta të tëra momentin e numërimit të parave nga kancelarja dhe sekretarja e kryetarit të gjykatës.

Familjarët e të pandehurit u dorëzojnë dy punonjëseve të gjykatës së Pukës 2900 dollarë amerikanë dhe 210.000 lekë të reja për të plotësuar shumën prej 500.000 lekësh, sa ç’ishte kërkuar për llogari të prokurorit dhe gjyqtarit të çështjes për lirimin e të arrestuarit

Sekretarja dhe kancelarja kanë numëruar disa herë deri në qindarkën e fundit dollarët dhe lekët, edhe pse kanë pasur pak vështirësi në kursin e këmbimit të dollarëve.

Gjithçka jo e ligjshme ka ndodhur brenda institucionit të ligjit nën ‘syrin’ e kamerave jo vetëm të “Fiks Fare”, por dhe të institucionit.

Pasi lekët ndahen në mënyrë të barabartë 250.000 me 250.000, futen në një zarf.

Kancelarja e gjykatës mëson njërin prej familjarëve të të pandehurit që të shkruajë mbi zarf emrat përkatës të prokurorit dhe gjyqtarit të çështjes, mes të cilëve do të ndahet kjo shumë.

Një bakshish prej 50.000 lekësh të reja kanë marrë edhe sekretarja me kancelaren.

Pasi gjithçka ka shkuar ‘vaj’ në dorëzimin e lekëve, pritet dhe seanca gjyqësore, e cila mbahet disa ditë më vonë, atëherë kur zarfet të shkojnë tek të adresuarit, përkatësisht tek prokurori dhe gjyqtari i çështjes.

Në pritje të seancës gjyqësore për ndryshimin e masës së sigurisë, një nga prindërit e të pandehurit ka shkuar përsëri në zyrën e kancelares së gjykatës së Pukës, të cilës i kërkon informacion nëse prokurori dhe gjyqtari i kanë marrë paratë.

Në këtë bisedë, kancelarja e gjykatës i pranon familjarit të të arrestuarit se shuma prej 500 mijë lekësh ka shkuar në tavolinat e gjyqtarit Lleshi dhe prokurorit Prençi.

Madje në këtë bisedë ajo pranon se po kaq ka qenë shuma për lirimin e dy të arrestuarve të tjerë të së njëjtës familjes, para të cilat ajo deklaron se ua ka dhënë me dorën e saj.

“Fiks Fare” tregoi sesi kishte vijuar procesi gjyqësor për këtë të pandehur deri në momentin e daljes së tij nga burgu i Shënkollit.

Në seancën gjyqësore me të pranishëm gjyqtarin Shtjefën Lleshi, prokurorin Pëllumb Prençi dhe sekretaren Liljana Shkjau, prokurori i çështjes shpjegon se nga hetimet e kryera deri në shtator 2013 nuk është provuar akuza, për të cilin i pandehuri mbahet në burg për gati 6 muaj dhe pranon kërkesën e avokatit të të pandehurit për ndryshim të masës së sigurisë.

Në këtë seancë gjyqësore, prokurori pranon se i pandehuri nuk ka goditur dhe as ka tentuar të godasë punonjësin e policisë gjatë protestës në Fushë Arrëz, akuzë për të cilën ai kishte qëndruar në paraburgim për muaj të tërë.

Menjëherë pas prokurorit Prençi, seanca ka vazhduar me vendimin e marrë nga gjyqtari Shtjefën Lleshi, i cili vendos të ndryshojë masën e sigurisë për këtë të pandehur nga arrest në burg pa afat, në detyrim për paraqitje tek oficeri i policisë gjyqësore një herë në dy javë.

Menjëherë pas shpalljes së vendimit, kamerat e “Fiks Fare” zhvendosen për në burgun e Shënkollit në Lezhë ku pritej lirimi i të arrestuarit, për lirinë e të cilit ishin paguar 500.000 lekë të reja.

I pandehuri ka lënë qelinë e burgut të Shënkollit disa orë pas shpalljes së vendimit nga gjyqtari Lleshi.

Numërimi i lekëve nga sekretarja dhe kancelarja e Gjykatës së Shkallës së Parë të Pukës

Qytetari – Dëgjo tani, njëra numëroni, numëroni njëra lekët. Se tani se di sa janë, kam qëndruar duke luajtur.

Kancelarja – Ishalla në emër të Zotit dhe të tuajin.

Qytetarja – Ka dalë, ka dalë (numëroni lekët).

Sekretarja – Sa janë?

Qytetari – Për Kishë të Laçit nuk e di sa janë me më vra në plumb pushke. Se kam lëvizë me ta nga Shkodra në Tiranë. Ndaj 50 në vete. (fillon numërimi i lekëve 1,2,3,4,…)

Sekretarja – Dy e gjysëm (2.500.000).

Qytetari – A janë dy e gjysmë?

Qytetari – Ndajeni 500 në vete të tuajën.

Sekretarja vijon edhe numërimin e dollarëve: 100. 200. 300. 400. 500

Sekretarja: 1000 dollarë sa janë?

Kancelarja – 1000 lekë

Qytetari – 1050 është.

Sekretarja – O Pal, dëgjoje Liljanën, sa janë? T’i shkruaj në një letër këtu. Dollarë sa janë: 1. 2. 3. 4. 5… 15, pesëmbëdhjetë janë dollarë.

Qytetari – 15, ëëë?

Sekretarja – 15, 16, 17, 18, 19, 21… 28.

Qytetari – 28.

Sekretarja – 28. 28 herë 100. Shkruaje 28 herë 100.

Qytetari – Shkruaje vetë dhe futi në një zarf…

Sekretarja i drejtohet kunatës së qytetarit dhe i thotë- Jo, shkruaj vetë sikurse i ka shkruajtur Bardha herë të tjera.. Shkruaje 28 herë 100 dollarë. Sa lekë i takon o Pal?

Qytetari – Po tash i takon 28, i takon 2.800.000. A kupton, 28 shumëzoje për 5.

Kancelarja –Po tamam.

Qytetari – Prit do ta kem edhe një, prit një sekondë, një sekondë.

Kancelarja – Edhe 2.200 ke për të dhënë.

Qytetari – Qe doli 29 kam pasur, prit 29. (e shkruan numrin mbi zarf kunata e Palit). Sekretarja i numëron nga e para dollarët, 1. 2 e me radhë deri te 29…

Sekretarja – Prit se më dolën 30…  29, sa i bien 2 milion e sa i bien? (pyet kancelaren).

Qytetari – 2 milion  e 150.000 lekë, jo mo më fal një sekondë.

Qytetarja- Jo e 150, 2 milion e 900 lenë 150

Kancelarja – Jo, a the se është me 100, 2.900.000…

Sekretarja – O Pal, a po shkoi një herë i thyej këto dollarë e pastaj hajde këtu?

Qytetari – Pasha Kishën e Laçit, humbin 100.000 lekë me i thy këtu, më mirë ja jap. Ma mirë i lëmë kështu, të jap edhe 100.000 lekë.

Kancelarja – Do me shtu prapë këtu?

Qytetari – Po.

Kancelarja – 2.900.000 janë këtu ke me dhënë edhe 100.000 t’i shoku.

Qytetari – Urdhëro pesë edhe 1.2.3.4.5. Tani a jemi në rregull?

Sekretarja – T’i shkruaj 29 herë 100 dollarë, këtu bëjnë 2 milion e 900.

Kancelarja – Plus 100.000 lekë shqiptare.

Sekretarja – Tani mendoni se janë tepër, më mirë shkruaj me shkrimin tuaj. Shkruaj poshtë se jam duke e vënë komplet bashkë, plus dy milion e gjysëm shqiptare.

Qytetari – 2 milion se 500.000 është i juaj.

Sekretarja – Jo mangët, jo tepër, më mirë me shkrimin tuaj. Plus se jam duke e vënë komplet bashkë plus dy milion e gjysëm shqiptare, mbrapsht.

Qytetari – 2 milion se 500 janë të tuajat.

Sekretarja – Më fal se kam harruar pash Zotin, plus 2 milion, shkruaje kështu 200.000. (ndërhyn sekretarja, i merr stilolapsin e shënon) Shkruaje kështu. Vendosi një firmë tënden.

Kancelarja – A i numërove?

Qytetari – Jo, jo, amanet numëroi mirë.

Sekretarja – Shkruaje mirë se me pa me korrigjim, më thotë mua i kam lëvizë.

Qytetari – Ndërro zarfin.

Kancelarja – E shkreta, kjo i bën gjithçka (flet për kunatën e qytetarit).

Qytetarja – Nuk ka problem sa janë se ka me i dorëzua edhe kjo.

Qytetari – Prit një herë, dollarë sa janë?

Kancelarja – 2.100.000 lekë shqiptare dhe 29.000 dollarë, tamam.

Sekretarja – Po.

Kancelarja – Je në rregull…

(vjen kancelarja e mëson kunatën e Palit)

Kancelarja – Shkruaje dy milion e njëqind.

Sekretarja – 2 milion e 100 shqiptare.

Qytetari – Thashë unë ty.

Kunata e qytetarit – E ku, ku për ty.

Qytetari- U tuta (frikësova) se më ka humbur.

Kancelarja – Hiqja 100.000 këtij dhe jepja 3000 dollarë.

Qytetari – I takon prokurorit një milion e gjysëm, dy milionë e gjysmë prokurorit?

Sekretarja – Pse, kujt do i shkojnë!?

Sekretarja – Unë ia kam dhënë atij, ai e din vetë se kujt ia ka dhënë, atij gjysëm përgjysëm.

Kancelarja – Shkruaje zemër këtu 3000 dollarë. Shkruaj 2 milion lekë shqiptare.

Qytetari – Shuma 5 milion.

Kancelarja – Futi aty në zarf. Futi të tana lekët këtu mo shpirt. 500 hiqe.

Sekretarja – E kam hequr.

Qytetari – 500 hiqe, po ua dërgon atyre.

Sekretarja -5.500.000.

Qytetari – A po shkruaje gjykata plus prokuroria se kujton Shtjefni (kryetari i gjykatës) se mos i ka vetëm.

Sekretarja – Tani kena punët tona ne, tani ju me vazhdu.

Kancelarja i drejtohet kunatës së qytetarit – Gjyqtari plus prokurori.

Qytetari – Për të parat nuk kemi vërejtje a më dëgjon ti Lili, sikurse kemi biseduar. 5 milion i ke dërguar për Florindin, 5 milion për Andin, djalin e kësaj (kunatës).

Kancelarja- Tani a thua më ke vënë ndonjë incizues?

Qytetari – Tani për Kishë të Laçit ma mirë nuk ka.

Shpallja e vendimit të gjykatës për lirimin e të arrestuarit.

Gjyqtar i çështjes është Shtjefën Lleshi, kryetar i Gjykatës së Shkallës së Parë, Pukë. Prokuror i çështjes është Pëllumb Prençi

Prokurori – Gjykata ka caktuar ndaj këtij shtetasi arrest me burg, pas arrestimit në flagrancë, për veprat penale të shkatërrimi të pronës në bashkëpunim, kundërshtim të forcave të policisë. Nga veprimet hetimore të kryera me veprimet e para hetimore nuk është provuar për momentin. Nuk është provuar se shtetasi A.P. ka tentuar apo ka goditur punonjësin e policisë T.U. Në dokumentet që kemi bashkangjitur ne, nuk i provohet se ka tentuar të ketë goditur punonjës policie. Momenti i arrestimit dhe sot ka rrethana favorizuese.

Kryetari i gjykatës – Avokati i tij kishte kërkuar ndryshimin e masës së arrestit, nga arrest më burg, me detyrim për t’u paraqitur. Prokurori e pranoi ndryshimin e kërkesës, për ndryshimin e masës së sigurimit me një masë tjetër. Atë të qëndrimit larg fabrikës së bakrit … në Fushë Arrëz si dhe parashtrimit të gjendjes së procedimit penal shoqërohet me aktet procedurale.

Me shkresë të datës 4.9.2012 pranon të ndryshojë masën e arrestit nga burg, në detyrim paraqitje, tek oficeri i policisë gjyqësore një herë në dy javë ditën e mërkurë ora 12:00. Kundër këtij vendimi lejohet ankimi brenda pesë ditëve.

Sekretarja – Unë për dy minuta me ta bërë vendimin.

Sekretarja numëron paratë

Numërohen dollarët

Numërohen lekët

I riu del nga burgu

VIDEO/ Ristani flet në Kuvend në gjendje të dehur. Rama: Kjo s'është opozita, jeni më mirë se kaq

19:46 Politika

Kerry uron shqiptarët: Jemi pranë jush si partner i palëkundur. Mbështesim dhënien e statusit

18:20 Politika

Senati italian përjashton Silvio Berlusconi-n nga parlamenti

18:06 Politika

Tahiri- Berishës: Je bërë si mizë kali, ke 25 vjet që nuk e lë rehat këtë vend

15:06 Politika 1 koment

Shenasi Rama: PD, organizatë kriminale e pareformueshme

15:02 Politika

TemA TV/ Rama takon kryeministrin kinez: Prioritet bashkëpunimi në energji e transport (VIDEO)

14:45 Politika

Berisha: Saimir Tahiri, zëdhënës i bandës së Shullazit. Në Bruksel ka albanofobë

14:41 Politika

Përplasje për Nishanin/ Topalli s'e harron zakonin, kërkon nxjerrjen jashtë sallës të deputetëve të PS

14:32 Politika

Studentët polakë vijnë e blejnë drogën e famshme të Lazaratit, por përfundojnë në pranga

12:24 Politika

VIDEO/ Çanta e Fiqiretes terrorizon Gjykatën e Krimeve të Rënda dhe alarmon mediat

11:41 Politika