Veliaj: Në 2014-ën, ndihma ekonomike do tërhiqet vetëm nga gratë

Ministria e Mirëqenies Sociale dhe Rinisë organizoi me mbështetjen e Programit për Zhvillim të Kombeve të Bashkuara (UNDP) dhe Qeverisë Suedeze, Konferencën Kombëtare me titull “Djemtë dhe Burrat – pjesë e zgjidhjes. Tregoni se jeni kundër dhunës!”, në kuadrin e 16 ditëve të aktivizimit për t’i dhënë fund dhunës ndaj grave.

Në fjalën e tij, ministri i Mirëqenies Sociale dhe Rinisë, Erion Veliaj, u shpreh se MMSR-ja do të vazhdojë të drejtojë dhe udhëheqë të gjitha përpjekjet dhe angazhimin e Shqipërisë për të çuar më tej çështjet e barazisë gjinore dhe luftën për të eleminuar dhunën ndaj grave dhe dhunën në familje.

“Kësaj here fushata ishte e një natyre tjetër, me të cilën u munduam të thyenim rregullin e 23 viteve, ku aktivitetet bëheshin me gratë, për gratë, ato trajtoheshin si viktima dhe po grave u predikohej kultura kundër dhunës. Por, dhuna ndaj grave është ekskluzivisht punë burrash”, tha ministri Veliaj.

Nga ana tjetër, Veliaj shtoi se MMSR-ja ka nxjerrë një udhëzim për administratorët socialë, sipas të cilit kur një grua merr urdhër mbrojtjeje, ndihma ekonomike i shkon menjëherë asaj. “Kështu që, një burrë duhet të mendohet dy herë përpara se të dhunojë gruan, sepse mund të humbasë edhe përfitimet ekonomike”, tha ministri Veliaj, duke nënvizuar se prioriteti i zyrave të punës dhe qendrave të formimit profesional, të jenë gratë dhe vajzat.

Statistikat e reja zyrtare të prezantuara sot, flisnin për rritjen më të madhe të nivelit të përgjithshëm të dhunës së përjetuar nga gratë në Shqipëri, nga 56% në vitin 2007, deri në 59.4% në vitin 2013, me 53% të grave që aktualisht jetojnë nën abuzim të vazhdueshëm.

Mbi 80% e abuzimit fillon brenda tre viteve të para të martesës, ndërkohë që shumë gra e vajza raportojnë vite të tëra marrëdhëniesh të dhunshme. Në fakt, vetëm 8.4% e grave përpiqen të kërkojnë ndihmë, ndonëse krahasuar me vitin 2007 një numër më i madh i tyre u drejtohen autoriteteve publike, ndërkohë që më parë ndihmën e kërkonin kryesisht tek familja dhe miqtë.

Gratë me arsim fillor (66.7%), gratë që nuk punojnë jashtë shtëpie (64.2%), gratë rurale (2 nga 3) dhe gratë me leje lindje (3 nga 4) janë shumë më tepër të kërcënuara nga dhuna në familje. Po ashtu, nënat u pyetën për ekspozimin e fëmijëve ndaj dhunës në familje. Ato që pranuan se fëmijët e tyre ishin të prekur nga dhuna (14%), konfirmuan se në 86.4% të rasteve fëmijët ishin dëshmitarë të dhunës në familje, 42.8% raportuan se dhuna në familje shkaktonte probleme për fëmijët gjatë studimit, 31.2% u shprehën se fëmijët e tyre jetojnë në frikë, 19.2% u shprehën se fëmijët e tyre ishin dëmtuar ose rrahur nga dhuna në familje dhe 5.5% u shprehën se fëmijët ishin dërguar tek të afërmit për shkak të dhunës në familje.

VIDEO/ Dhuna ndaj grave/ Rama: Ndihmë ligjore falas për viktimat

11:36 Sociale

Punonjësit e urbanëve, 3 muaj pa marrë rrogat. Lënë në rrugë qytetarët në shenjë proteste

10:32 Sociale

Vazhdon prishja e ‘pallatit të Bashës’/ Banorët largojnë orenditë

18:52 Sociale

Lame: Nga 300 mijë objekte pa leje, në 8 vjet Berisha ka dhënë vetëm 10 mijë certifikata pronësie

17:34 Sociale

Vrasja në Shkozet/ Ylli Pango: Duhet të rritet roli i psikologëve shkollorë

09:29 Sociale

Denoncimi i 28-vjeçarit invalid: "Më përdhunoi hoxha i Lezhës". Komuniteti Mysliman: "S’është hoxhë"

14:11 Sociale

TemA TV/ Minatorët në Bulqizë dalin nga greva e urisë (VIDEO)

10:50 Sociale

TemA TV/ Policia bllokon kompleksin, nis shembja e ‘pallatit të Bashës’ (VIDEO)

09:40 Sociale

VIDEO/ Rama: Raporti i TIA, një shuplakë e rëndë! Jemi të vendosur kundër korrupsionit

17:50 Sociale

TemA TV/ Rama premton për personat me aftësi të kufizuar: Pagesë e plotë në dhjetor (VIDEO)

10:51 Sociale