Meta takon Ambasadorët e Kanadasë dhe Sllovakisë

Marrëdhëniet mes Shqipërisë dhe Kanadasë janë solide, sin ë planin shumë palësh ashtu edhe në kuadër të bashkëpunimit ekonomik midis dy vendeve. Kështu u shpreh Kryetari i Kuvendit Ilir Meta gjatë takimit me Ambasadorin e Kanadasë në Shqipëri (Rezident në Romë) Peter Mc Govern. Meta shprehu mirënjohjen për mbështetjen e vazhdueshme të Kanadasë ndaj Shqipërisë dhe nënvizoi vullnetin për zgjerimin e investimeve kanadaze nga Shqipëria në të gjithë rajonin. “Kanadaja është një partner shumë i rëndësishëm për Shqipërinë” – u shpreh Meta. Ambasadori kanadez pasi i vlerësoi marrëdhëniet dypalëshe si të shkëlqyera, vuri në dukje se Kanadaja përbën burimin më të madh të investimeve në Shqipëri, duke theksuar njëkohësisht vullnetin për rritjen e mëtejshme të tyre. Gjithashtu Ambasadori shprehu gatishmërinë për forcimin e shkëmbimeve parlamentare, dhe ndau bindjen me Meta se ato përbëjnë një dimension të rëndësishëm të marrëdhënieve bilaterale. Në një tjetër takim kryeparlamentari Meta priti Ambasadorin e ri të Sllovakisë në Shqipëri Milan Ciganik. Kreu i Kuvendit shprehu besimin se gjatë mandatit të tij në Tiranë, marrëdhëniet e shkëlqyera mes Shqipërisë dhe Sllovakisë do të vijnë duke u forcuar në fusha konkrete të bashkëpunimit. Ambasadori Ciganik shprehu kënaqësinë e emërimit të tij në Tiranë dhe rikonfirmoi mbështetjen e fuqishme të Sllovakisë ndaj avancimit të procesit të integrimit evropian për Shqipërinë, duke shprehur njëkohësisht vullnetin për të asistuar në këtë kontekst. Kryetari i Kuvendit Meta dhe Ambasadori Ciganik ndanë bindjen se vizita e pritshme e Kryeministrit të Sllovakisë në Tiranë gjatë javës së ardhshme, do t’i shërbejë forcimit të bashkëpunimit ekonomik mes dy vendeve dhe rritjes së investimeve sllovake në Shqipëri e rajon.

Historia e “demave të Elysee”/ Hollande pranon se po kalon momente të vështira

18:32 Politika

VIDEO/ Raporti i Heritage, PD: Arritjet, meritë e jona

18:34 Politika

Berisha për Ramën: 100 ditë pa asnjë dështim, ka problem me psiqikën

18:20 Politika

Mark Frroku: Akuzat për vrasje, një inskenim i turpshëm nga PD

17:09 Politika

VIDEO/ Tahiri akuzon gjyqësorin për Mziun e Zyberin: Segmente të tij s’po bëjnë si duhet detyrën

16:11 Politika

Samaras takohet me Kodhelin: Dëshirojmë që të rishikojmë të gjitha marrëveshjet

15:46 Politika

Shkelje të barazisë në tendera, kallëzim penal për ish-sekretarin e Përgjithshëm në METE

14:47 Politika

Rekrutonte shqiptarë për luftën në Siri, bastiset OJQ-ja turke

14:38 Politika

VIDEO/ Inaugurohet Zyra e re e Punës, Rama: Modeli ynë ekonomik do të ulë papunësinë

13:42 Politika

Mediat greke publikojnë foto të anijeve me armë kimike sirianë që udhëtojnë drejt Mesdheut

11:45 Politika