Te fundit
Presidenti i Jemenit vendos të falë tre marinarët shqiptarë
24 Janar 2014, 08:41Politika
TEMA
“Të mbyllet çështja ndaj tre shqiptarëve në Jemen”.
Ky ka qenë vendimi i Presidentit të Republikës së Jemenit, Abd Rabbuh Mansur Hadi, në një dekret të përpiluar në 5 janar të këtij viti.
Presidenti i vendit ku aktualisht ndodhen të burgosur tre shqiptarë, ka kërkuar që çështja e anijes së bashku me ngarkesën e saj të mbyllet.
Më tej, në dokumentin zyrtar përcaktohet qartë që anija të kthehet në Irak, duke i kërkuar këtij vendi që të marrë përsipër angazhimin ligjor për të mos përsëritur më veprime të tilla.
GSH ka mundur që të marrë këtë dekret, ku konkretisht citohet: “Rreth shqyrtimit të përmbajtjes së memos së paraqitur në lidhje me lirimin e ngarkesës së Ministrisë së Mbrojtjes së Irakut, e ngarkuar në anijen moldave (EOS), si dhe uljen e dënimit për dy nga anëtarët e ekuipazhit… Në bazë të kësaj, lëshohet udhëzimi për mbylljen e çështjes së anijes së bashku me ngarkesën e saj, që anija të kthehet në Irak duke marrë angazhimin ligjor nga pala irakiane për mospërsëritjen e një veprimi të tillë, duke e konsideruar atë si të papajtueshëm me metodat, rregullat dhe ligjet që rregullojnë transportin ndërkombëtar”.
Por, edhe pas këtij dekreti, dy prej shqiptarëve ndodhen në burgun e Mukallës, ndërsa mekaniku i anijes ka dalë i lirë nga gjykata.
Konkretisht në burgun e Jemenit ndodhet kapiteni i anijes, Arif Bakillari dhe oficeri i parë, Mihal Cangonji, ndërsa prej disa kohësh ka mundur që të dalë i lirë mekaniku Nezir Shahaj.
Tre shqiptarët u akuzuan për trafik armësh, ndërkohë që nga shteti shqiptar nuk ka asnjë reagim zyrtar për këtë çështje. Ngarkesa me armë ishte blerë në portin e Tivarit dhe udhëtimi i saj i parë ka qenë drejt Greqisë, më pas ka ndaluar në portin Berinçe në Turqi, pastaj në Aleksandri të Egjiptit dhe në fund ka ndaluar në Jemen.
3 komente në “Presidenti i Jemenit vendos të falë tre marinarët shqiptarë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mjaft qe u kujtu jemeniti se te ishte per shtetaret tane…
Kjo tregon se sa i fuqishem eshte krimi i organizuar shqiptare. Tre kriminele te tille duheshte te varen ne litar, tolerance zero ndaj krimit!
Ik o gomar! Ata te shkrete jane marinare qe po transportonin nje ngarkese te aprovuar nga NATO, kurse t’i I thua kriminele. Informou njehere para se te kepusesh brockulla