Te fundit
Sondazhi i IPR/ Rama dhe Tahiri kryesojnë nga qeveria, Meta rikuperim total, Basha kalon Berishën
30 Janar 2014, 21:43Politika
TEMA
Shumica e shqiptarëve kanë mendim pozitiv për qeverinë, por puna është nën pritshmërinë. Edi Rama, lideri të cilit shqiptarët i besojnë më shumë. Ilir Meta në vendin e dytë. Basha parakalon Berishën. Nga ministrat, kryeson Saimir Tahiri si më i kuotuari
IPR Marketing zhvillon sondazhin e radhës në bashkëpunim me RTV Ora News. Kësaj radhe në fokusin e qytetarëve u vendos qeverisja më shumë se 4 mujore e qeverisë socialiste me Kryeministër Edi Ramën.
Sondazhi është zhvilluar gjatë datave 22 dhe 23 Janar ku janë pyetur 2000 persona me një marzh gabimi prej 3.2%
Qytetarët janë pyetur për një sërë çështjesh të fokusuara për qeverisjen e Edi Ramës në këto 4 muaj, për problemet kryesore të vendit tonë, për integrimin europian etj.
Sondazhi
Qytetarët gjatë sondazhit janë pyetur se si jetohet sot në Shqipëri dhe përgjigja e tyre ka qenë tërësisht negative ku 54,4% i janë përgjigjur që jetohet më keq dhe 35,4% kanë thënë që jetohet më mirë. 10,2% e tjerë kanë qenë të pavendosur.
E krahasuar me një vit më parë, shqiptarët janë përgjigjur se jetohet më keq në një masë prej 42,8%, jetohet më mirë janë përgjigjur 22,5%, ndërsa jetohet në të njëjtën mënyrë janë përgjigjur 33,6%.
Edi Rama është personazhi që shqiptarët i besojnë më shumë me 48,1% përgjigje pozitive. Më pas vijnë kryetari i Parlamentit, Ilir Meta me 44,9%, Presidenti i Republikës me 37,8%. Lulzim Basha duket se e ka mundur më në fund ish- kreun e PD, Sali Berishën, të paktën përsa i përket besimit të shqiptarëve. Basha ka marrë përgjigje pozitive nga 33,4%, ndërsa Berisha 31,3%.
Vijmë tek qeveria.
Cili është gjykimi i shqiptarëve për punën e qeverisë Rama deri në këto muaj? Kanë gjykim shumë pozitiv 11,7% e shqiptarëve. Mendim pozitiv, 45,2%. Negativ kanë qenë 23,1% e qytetarëve, ndërsa shumë negativ janë 12,2%. Pa përgjigje kanë qenë 7,8% e qytetarëve. Në vija të përgjithshme, duke bashkuar mendimin pozitiv dhe negativ, del se 56,9% kanë mendim pozitiv dhe 35,3% kanë mendim negativ.
Ndërsa puna e qeverisë del se krijon një mendim pozitiv, pritshmëritë e shqiptarëve për punën e Edi Ramës në këto muaj janë negative. Për 47,6% të shqiptarëve puna e kryeministrit është nën pritshmërinë e tyre. Për 15,8% është mbi pritshmëritë e tyre dhe 28% të tjerë mendojnë se është e njëjta punë si pritshmëria e tyre.
Lufta kundër krimit dhe siguria është e balancuar sipas mendimit të qytetarëve për punën e qeverisë. 50,7% kanë mendim pozitiv për luftën kundër krimit, ndërsa 45% kanë mendim negativ. Përsa i përket besueshmërisë së ndërkombëtarëve kundrejt qeverisë sonë, puna e qeverisë ka lënë mbresa pozitive tek 46,8% të shqiptarëve, ndërsa tek 38,4% kanë mendim negativ.
Ministri Tahiri me 47,1%, Ministri Bushati me 46,4% dhe ministrja Kodheli me 45,4% të votave, janë tre ministrat më të kuotuar të qeverisë Rama për performancën e tyre.
Një tjetër e dhënë interesante lidhet edhe me paketën fiskale që qeveria miratoi muajin e parë. 43,2% e shqiptarëve mendojnë se do paguajnë më shumë taksa se më parë, 25,2% mendojnë se do paguhen më pak taksa, 18,3% mendojnë se as më shumë e as më pak, ndërsa ata që nuk e dinë janë 13,3%.
Lidhur me refuzimin e importit të armëve kimike, shqiptarët mendojnë se ishte vendim pozitiv në një masë prej 67,9% dhe ata që mendojnë negativisht janë 25,9%.
Shqiptarët dënojnë politikën vendase për mosmarrjen e statusit të vendit kandidat në një masë prej 35,2%. Gjithashtu qytetarët janë dyshues për marrjen e statusit në qershor. 48,3% mendojmë se do ta marrim në qershor statusin dhe 43,8% mendojnë se jo.
Sipas jush, sot në Shqipëri jetohet…
Keq- 54.4 përqind
Mirë- 35.4 përqind
Nuk e di- 10.2 përqind
Krahasuar me një vit më parë, sot në Shqipëri jetohet…
Më keq- 42.8 përqind
Më mirë- 22.5 përqind
Në të njëjtën mënyrë- 33.6 përqind
Nuk e di- 1.1 përqind
Sa besim keni tek…
Edi Rama- 48.1 përqind
Bujar Nishani- 37.8 përqind
Ilir Meta- 44.9 përqind
Sali Berisha- 31.3 përqind
Lulzim Basha- 33.4 përqind
Cili është gjykimi juaj për punën e qeverisë së Edi Ramës?
Shumë pozitiv- 11.7 përqind
Pozitiv- 45.2 përqind
Shumë negativ- 12.2 përqind
Negativ- 23.1 përqind
Nuk e di- 7.8 përqind
Pozitiv në total- 56.9 përqind
Negativ në total- 35.3 përqind
Puna e qeverisë së Edi Ramës deri në këto momente ka qenë…
Nën pritshmëritë tuaja- 47.6 përqind
E njëjtë me pritshëritë tuaja- 28.0 përqind
Mbi pritshmëritë tuaja- 15.8 përqind
Nuk e di- 8.6 përqind
Besimi në ministrat e qeverisë
Saimir Tahiri- 47.1 përqind
Ditmir Bushati- 46.4 përqind
Mimi Kodheli- 45.4 përqind
Edmond Haxhinasto- 44.7 përqind
Lindita Nikolla- 44.5 përqind
Erion Veliaj- 44.5 përqind
Shkëlqim Cani- 44.3 përqind
Klajda Gjoshi- 44.1 përqind
Ilir Beqaj- 43.5 përqind
Sipas jush, nëpërmjet kësaj pakete fiskale të miratuar nga qeveria…
Do paguhen më shumë taksa- 43.2 përqind
Do paguhen më pak taksa- 25.2 përqind
As më shumë e as më pak- 18.3 përqind
Nuk e di- 13.3 përqind
Cilat mendoni se janë 3 gjërat më urgjente që duhet të bëjë qeveria në muajt e ardhshëm?
Krijimi i vendeve të reja të punës- 57.8 përqind
Masat kundër korrupsionit- 44.4 përqind
Rimëkëmbja e ekonomisë- 33.9 përqind
Lufta kundër kriminalitetit- 31.3 përqind
Reforma në gjyqësor- 25.2 përqind
Reforma në shëndetësi- 21.6 përqind
Ju mendoni se situata ekonomike e Shqipërisë në vitin 2014 do të…
Përmirësohet pak- 49.9 përqind
Përmirësohet shumë- 9.5 përqind
Përkeqësohet pak- 21.9 përqind
Përkeqësohet shumë- 9.6 përqind
Nuk e di- 9.1 përqind
Përmirësim në total- 59.4 përqind
Përkeqësim në total- 31.5 përqind
30 komente në “Sondazhi i IPR/ Rama dhe Tahiri kryesojnë nga qeveria, Meta rikuperim total, Basha kalon Berishën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ore lereni IPRN po shikoni ca thote Berisha sot. Ne do tju pergjigjemi i thote ky mazhorances. http://dielli.al/lajme.php?id=36931&k=71
Se besoj te Meta se ka lidhje me Oren por qe Rama eshte ne forme eshte.Berisha harron qe kjo tymnaje mediatike e shkaterroi njehere..kujton se populli e duron kaosin qe ai krijon! jjo berish, do zbythesh me keq akoma!
po berisha krimineli clidhje ka me sondazhin
Po sigurishtq e Rama mbi te gjtihe. KA marre nje milion vota e besimin e madh te popullit per shnderrimin e vendit e po e ben sic e premtoi.
Bravo. Njeriu qe po ben gjerat si duhet eshte ne vendin qe duhet te jete, i pari. Kemi besim ? yeahhh
Bravo Qeveria! Suksese
Me ne fund nje lajm i skate pa mashtrime dhe shtremberime
Puna e mire e plot energji qe po ben qeveria Rama ka marre noten qe i takon. Rama eshte ne lartesine e duhur, urime
Kjo eshte merite e zotit Rama qe e bene popullin te ndihet gjithmon dhe me i sigurt
kush eshte me i bukur si politikan.. shumei bukur 27%edi rama.. i bukur 42.5 edi rama.. 27.2%ilir meta.. 28.4%lulzim basha.. 21.9%bujar jari.. dhe ato perqindjet e fundit i takojne pinokut sali berishes.. ketij te fundit ja kaluan te gjithe mbas teatrit te kukullave,po ca ja fusni pordhes kote,asnjeri nuk eshte politikan i mire nga te gjithe keta te vjetrit,,kurse sa per ramen dhe tahirin jane per tu pare si politikan te rinj qytetar dhe si per here te pare ne jeten politike si deminues drejteperdrej,pastaj le ti gjykojme te gjithe bashke se deri tani edhe keta te fundit qe permenda me duken i njejti brum.
urime min tahiri e meriton me vertet
bravo tahiri ministri me i mire
bravo min Tahiri dhe KM.. PUNE TE MBARE
Bravo kjo qeveri po ben nje pune shum te madhe vetem per 4 muaj drejtesia po shkon ne vendin e duhur te gjithe tash me jan te barabarte Boll vuajtem nga keto qe na kan shkaterruar vendi dhe jetesen
BRAVOO BRAVOO VAZHDONI KESHTE JENI TE PARET
Normale eshte me se e vertet ?
I Pari Rama. Asnje surprize, eshte e e meriton pa me te voglin dyshim.
Mese e vertete. Bravo z.Rama, bravo z.Tahiri
Hahaahah Hajduti Meta nuk i kalon 5 %…po permes parave te vjedhura te korrupsionit kjo CETE hajdutesh po arrin te bleje vota ne menyre masive…..Rama dhe kjo qeveri e deshtuar jane nen 50 % sepse nuk kane bere asgje pozitive ne keto 5 muaj….Lulzim Basha esht me i moderuar se Berisha dhe ka nje mbeshtetje me te gjere….Jam nje i zhgenjyer qe votova per PS familjarisht ne qershor me 6 veta ne familje por Hajduti dhe fytyra me e paskrupullt e politikes Vangjush Dako me hoqi nga puna duke me flakur si plehre ….Jam nje qytetar qe tani mbeshtes opoziten e lulzim Bashes dhe do punoj ne menyre aktive ne zgejdhjet e ardhshme lokale per te shporrur nga Bashkia e Durresit kriminelin Vangjush Dako te shporret nga Durresi Lefter Koka fytyra me e felliqur ne durres ….jam i bindur se Ps e humb Durresin ne zgjedhjet lokale mjaft thelle
po te merre me llafe qe fajin e ka shish per mendimin tim kot i kena votuar. po sillem se saliu kryeminister. e ka fajin shish ,prokuror , president etj etj hiqini se kot si keni 84 e kusur vota. keni mare qeverin dhe kerkojm qeverisje e jo shpjegime. Mendimi im nga qeverisjet me te dobta socialoiste pasi qeverisja e SB mos ardhte kurre
Siguria per nje te ardhme me te mire tashme ndihet kudo neper Shqiperi. Bravo z.Rama qe i sollet prape buzeqeshjen dhe krenarin kombit dhe popullit Shqipetare.
edhe enveri ju mbyste dhe burgoste dhe ju e zgjidhnit me 99 perqind te votave-tash bijet e tyre ruqi,dokle dhe nipat rama,bushati,tahiri,beqja e mbesat gjaqka,e ku di un i votoni prap.tritol socialiost doli.
Po ne popull legen dhe palaco kemi qene, jemi dhe do te jemi kur kane arritur shqiptaret(nese sondazhi eshte I vertete) te vleresojen Ilir Meten. Popull ordiner fare jemi.
Meta rikuperim total??? Hajde bsoi palacolleqet qe fabrikohen ne Shqiperia
Te besosh sondazhin e IPR-se, duhet te besosh pastaj se shume shqiptare kane rrjedhur nga trute qe kane vleresuar Min. Tahiri, me i koti ne qeveri. E une me mire nuk besoj sondazhin se te besojbudallallekun tone.
urime PS dhe Rama keni bere pune te mire,, vazhdoni se kshu ju duan shqipetaret
bravooooo qeveria, vete personalisht kam qene militant i PD por tani kam ndryshuar mendim,,, jemi me ju
na knaqe shpirtin o RAMA
bravo Z rama qe i sollet buzeqeshjen kombit tone
ju urojme pune te mbare ,vazhdoni qente le te lehin karvani te shkoje perpara…… cdo gje po e beni persembari….
hajduteria e fashizmit te sali berishes dhe lulezim bashes para ligjit.Te paret para ligjit Presidenti,Prokurori,gjykata e larte.KLD,gjykata e apelit,avokati i popullit.Vetem keshtu shpetojne shqipetaret.