Te fundit
Studimi alarmues: Vodka po vret burrat në Rusi...
31 Janar 2014, 10:43Lifestyle
TEMA
Një studim arrin në përfundimin se numri i madh i vdekjeve të parakohshme në Rusi vjen kryesisht për shkak se njerëzit konsumojnë shumë alkool, kryesisht vodka.
Sipas BBC, studimi tregon se 25 përqind e meshkujve rusë vdesin përpara se të mbushin 55 vjeç, dhe shumica e vdekjeve vijnë për shkak të alkoolit. Sa për krahasim, kjo shifër në Britani është 7 përqind.
Shkaqet e vdekjes përfshijnë sëmundjet e mëlçisë dhe helmim nga alkooli. Po ashtu shumë vdesin në aksidente ose në sherre fizike.
Studimi thuhet se është më i madhi i llojit të tij në këtë vend.
Kërkuesit nga Rusia, Anglia, Franca dhe Organizata Botërore e Shëndetësisë kanë monitoruar sjelljen e 151 mijë të rriturve në qytetet ruse për 10 vjet.
Gjatë kësaj kohe, 8 mijë prej tyre vdiqën.
Studiuesit po ashtu kanë pyetur edhe familjet e 49 mijë personave të vdekur në lidhje me zakonin e të pirit.
Në vitin 1985, ish- lideri sovjetik, Mikhail Gorbachev e pati reduktuar ndjeshëm prodhimin e vodkës dhe nuk lejonte që ajo të shitej përpara drekës.
Lini një Përgjigje
Më të lexuarat
24 oret e fundit
Javen e fundit
Blog Tema
