Basha-Ramës: Konfliktualiteti rrezikon statusin. Hiq dorë nga bllokimet, do përballesh me pasojat

Kryetari i Bashkisë së Tiranës Lulzim Basha, njëkohësisht Kryetar i Partisë Demokratike, paralajmëroi Kryeministrin Edi Rama që të heqë dorë nga politikat bllokuese, pasi në të kundërt do të përballet me qytetarët. Sipas Bashës, vendimi më i fundit i Ramës për të bllokuar projektin e Bulevardit të ri të Tiranës, është një veprim që bëhet kundër interesave të qytetarëve, të cilët dinë ti japin përgjigjen që meriton këtyre politikave.

“I kthej përgjigje Ramës, jo si kryebashkiak, as si kreu i PD, por në emër të qytetarëve, të heqë dorë nga lufta politike dhe nga bllokimi i punës së Bashkisë së Tiranës sa nuk është vonë, në të kundërt, krerët e bashkive të gjithë Shqipërisë do të dinë t’ijapin kryeministrit atë që meriton”, u shpreh Basha.

Ai theksoi se “ndonëse situata e krijuar nga mazhoranca e re nuk është aspak në përputhje me standardet europiane, kam insistuar pranë vendimmarrësve europianë, se etapa e statusit duhet përmbyllur sa më pare”. “Nuk kam reshtur përpjekjet e mia në këtë samit, sikundër para dy javësh në Dublin gjatë kongresit me kryetarët e partive dhe qeverive simotra, për të kërkuar mbështetjen e tyre për çështjen e statusit, duke argumentuar se puna e kryer ndër vite nga qeverisja e Partisë Demokratike meritoi një rekomandim pozitiv të Komisionit dhe se pavarësisht prej situatës së nderë që mazhoranca e re ka krijuar në raport me kriteret e Kopenhagenit, etapa e statusit duhet përmbyllur dhe duke insistuar që etapa tjetër e rëndësishme, ajo e negociatave, duhet të hapet sa më pare”, deklaroi Basha.

Ai ka theksuar se mazhoranca ka krijuar dhe po krijon probleme të jashtëzakonshme me konfliktualitetin e saj dhe me sulmin ndaj institucioneve kushtetuese, çka ka rritur dyshimin e ndërkombëtarëve tek qeveria.

“Pavarësisht kësaj problematike që po bëhet gjithnjë e më shumë shqetësuese për partnerët europianë, shpreh me vendosmëri se dhënia e statusit do t’u japë më shumë mundësi, më shumë fokus, më shumë energji çështjeve themelore të demokracisë, të shtetit ligjor, të kushtetueshmërisë që po kthehen nga kjo mazhorancë, si pjesë e problemit dhe dosjes problematike të vendit”, theksoi Basha.

Sipas tij, nuk ka dyshim që nëse situata do të kishte qenë e favorshme, Shqipëria do ta kishte marrë tashmë statusin. “Situata nuk ka qenë e favorshme 3 muajt e parë të qeverisjes, kjo qeveri vazhdon të krijojë dyshime. Jemi në situatë paradoksale, që qeveria me dy fjalë nuk çan kokën për statusin, i është përveshur me një revansh antikushtetues, antiligjor dhe anti-institucional standardeve europiane të krijuara e aq më pak të bëjë punën e vet, por po zhbën edhe punën e bërë tashmë në arritjen e këtyre standardeve. Nga ana tjetër, kemi një opozitë e cila edhe në mbrojtje të trashëgimisë tonë pozitive, për sa i përket integrimit europian të vendit thotë: ”Po! Le të ecim përpara, Shqipëria e meriton statusin, shqiptarët e meritojnë statusin!”. Është e vërtetë që kjo mazhorancë ka krijuar dhe po krijon probleme të jashtëzakonshme me konfliktualitetin e saj, por pa injoruar problematikën e krijuar nga kjo mazhorancë, dhënia e statusit, do u japë më shumë mundësi, më shumë fokus, më shumë energji çështjeve themelore të demokracisë, të shtetit ligjor, të kushtetueshmërisë që po kthehen nga kjo mazhorancë, si pjesë e problemit dhe dosjes problematike të vendit“, tha Basha.

Këto deklarime, kryebashkiaku i bëri pas përurimit të rrugës së “Kokonozëve”. “Kjo rrugë përfundoi. Kjo është një rruga është me standarde evropiane, e cila  do të shërbejë si shëtitore. Institucionit tonë i është shpallur një luftë politike nga qeveria. Rama do të bllokojë punën e institucionit tonë i cili është një instistucion që i shërben qytetarëve. Ndërsa qytetarët duan punë, Rama po i shkatërron vendet e punës. Rama krijon konflikte si brenda dhe jashtë Parlamentit. Qytetarët duan siguri, ndërsa Rama ka krijuar pasiguri, ndërsa qytarët duan mirëqënie, ai ka rritur taksat. Dhe të gjitha këto ndodhin, sepse qeveria e Ramës është një qeveri me bilanc zero”, u shpreh Basha.

FOTO LAJM/ Arvizu dhe Withers diskutojnë zhvillimet më të fundit në Shqipëri

11:29 Politika 1 koment

Sulm terrorist në Turqi/ Autorët nuk janë nga Shqipëria, siç u raportua fillimisht

10:58 Politika

FOTOT/ Erdogan ndalon Twitter-in, në rrjet plas ironia

10:20 Politika

BATUTAT e turpshme/ “Jozefinën e ke si viagra”, “Ty as me viagra nuk të punon”

09:58 Politika

“Lazarati”/ Zëvendësministri i Brendshëm: Dora që nuk kafshohet, puthet

09:55 Politika

Katër komando të Zall Herrit shkuan për të luftuar në Siri. Dy u vranë

09:41 Politika

Biznesmeni italian: Do garoj për poste drejtuese në PD (por i ka ca rezerva për shqiptarët)

09:26 Politika

INTERVISTA/ Rama në Top Story: Gjashtë muaj qeverisje, histori suksesi. Opozita ka probleme me veten

22:49 Politika

FOTO/ Ku e ka mësuar këtë punën e ‘llapës’ Muli?

19:58 Politika

FOTOT/ I marrin edhe gavetat dhe u thonë lamtumirë bazave

19:48 Politika