Meta- Stoudmann: Bashkëpunim me fqinjët për perspektivën europiane

Kryetari i Kuvendit Ilir Meta vlerësoi punën e OSBE në rajon dhe theksoi se Shqipëria i kushton vëmendje të veçantë forcimit të stabilitetit dhe zhvillimit ekonomik në Evropën Juglindore, duke kontribuar konkretisht në funksion të thellimit të bashkëpunimit mes vendeve fqinje dhe në kuadër të perspektivës evropiane.

Kryetari i Kuvendit zhvilloi një takim me Përfaqësuesin e Posaçëm të OSBE për Ballkanin Perëndimor, Ambasadorin Gerard Stoudmann, i cili shoqërohej nga Ambasadori i OSBE në Tiranë Florian Raunig. Meta nënvizoi rëndësinë e përfshirjes më të madhe të Kosovës në forumet rajonale dhe ndërkombëtare, si një faktor me rëndësi strategjike për mbarëvajtjen e paqes dhe sigurisë për të gjithë rajonin. Ai vuri në dukje gjithashtu se Shqipëria e mbështet avancimin e dialogut mes Kosovës dhe Serbisë dhe se Kuvendi i Shqipërisë është i gatshëm të kontribuojë për thellimin e bashkëpunimit mes të gjitha vendeve tona.

Ambasadori Stoudmann, vlerësoi rolin e rëndësishëm që Shqipëria luan në rajon dhe shprehu gatishmërinë e Presidencës zvicerane të OSBE-së për të kontribuar në mënyrë konkrete në funksion të thellimit të bashkëpunimit rajonal dhe në mbështetje të procesit të integrimit evropian të vendeve të Ballkanit Perëndimor.

Në këtë drejtim, Ambasadori vuri në dukje vizitën e pritshme të Kryetarit të Radhës së OSBE-së, Presidentit dhe Ministrit të Punëve të Jashtme të Zvicrës, Didier Burkhalter. Kryetari Meta dhe Ambasadori Stoudmann diskutuan gjithashtu edhe për zhvillimet e fundit në rajon, duke vënë në dukje rëndësinë e rritjes së mirëqenies dhe projekteve sociale dhe ekonomike për hapësirat ku banojnë shqiptarët.

VIDEO/ Ekzekutohet lideri i ekstremit të djathtë në Ukrainë, nisin spekulimet

18:42 Politika

Takimi Rama- Basha këtë javë?

16:37 Politika

INTERVISTA/ Roth: Reformat nuk duhen parë si "diktat të Brukselit"

15:58 Politika

Agim Isaku: Nuk kam fshehur asnjë pasuri, do vë në vend dinjitetin tim

15:46 Politika

Burg për ata që vjedhin energji/ 3 vjet për qytetarët, 5 për biznesmenët

15:35 Politika

Reforma Territoriale/ Çuçi: Paguajmë 25 milionë dollarë në vit për pagat e administratës së komunave

14:48 Politika

Deklarimet e Gërvenit/ Bazo: Urdhrat zbatohen, në të kundërt ndjekje penale

14:35 Politika

I burgosuri shqiptar në Greqi vret gardianin, nuk i dhanë leje për të vizituar nënën

14:29 Politika

Amendamenti "Mediu" për pronat/ Ligjet: Nuk zgjidh problemin e pronësisë

13:22 Politika

Atentati ndaj banesës së Plakut/ PD: U godit me antitank, akt terrorist (VIDEO)

13:10 Politika