Tahiri: Çliruam detin nga robërimi i qeverisë së djeshme

Ministri i Punëve të Brendshme Saimir Tahiri tha se amendimi i Ligjit për mjetet lundruese do të rritë jo vetëm sigurinë në det, por do t’i japë një shtysë së fortë zhvillimit të turizmit në vend. Ligji i ri parashikon rregulla të forta për mjetet lundruese nën 20 ton.

Ai u hartua pas vakuumit që la moratoriumi, që aplikoi për shumë vite qeveria “Berisha” që nuk lejonte asnjë mjet detar, qoftë edhe për qëllime turizmi.

Përmes një pajisje GPS të vendosur në çdo mjet lundrimi, do të jetë e thjeshtë lokalizimi i tij në rast incidenti në det të hapur, duke rritur kështu sigurinë.

“Ky ligj është një vijë ndarëse, në vizion dhe sjellje mes 2 qeverive. Deri dje, qeveria mendonte si zgjidhje moratoriumin, ne mendojmë se disiplinimi i rregullave të lundrimit në det, sjell çlirimin e detit. Edhe dje me moratorium, njerëzit humbin jetën duke u përplasur nga mjete lundruese. Por ky ligj përcakton hapësirat minimum për qytetarët që përdorin detin për t’u larë, nga ata që do përdorin mjetet lundruese”, tha ministri Tahiri.

Sipas Tahirit, ndryshimet e propozuara adresojnë ligjin bazë që daton goxha herët në fakt, në vitin 2000, ligj që nuk i përgjigjet kurrkund në thelbin e vet në këto thuajse 15 vjet, as zhvillimit të shoqërisë, as zhvillimit të industrisë së turizmit, as zhvillimit ekonomik, dhe mbi të gjitha kërkesave të kohës për shfrytëzimin e detit.

“Eshtë njëkohësisht edhe ligji i parë që kemi prezantuar në parlament në kuadër të paketës për sigurinë publike, pra në kuadër të akteve që ka hartuar Ministria e Punëve të Brendshme për sigurinë publike dhe që një nga një do të vijnë në parlament. Ky ligj është pa dyshim një vijë ndarëse jo vetëm në vizon por edhe në sjellje ndërmjet qeverisë dje dhe qeverisë sot. Në qoftë se deri dje, qeveria e kaluar, mendonte që zgjidhja e të gjithave ishte moratoriumi, qoftë për luftën kundër trafikut, trafiqeve të paligjshme, ne mendojmë që kjo nuk është zgjidhje. Por mendojmë që disiplinimi, rregullimi dhe sanksionimi i rregullave të lundrimit në det, sjell pa dyshim më shumë siguri për qytetarët, zhvillimi ekonomik për sipërmarrësit në bregdet dhe për industrinë e turizmit në tërësi, por natyrisht dhe çlirimin e detit për të gjithë ata që duan t’a përdorin detin jo vetëm me duar e këmbë por edhe me mjete, qoftë edhe për qëllime turistike”, tha Tahiri.

Në vijim ai shtoi se “ne mendojmë që mund t’u gjendemi më pranë qytetarëve qoftë atyre që e përdorin detin si plazhistë, qoftë atyre që duan t’a përdorin detin me më shumë luks me mjete lundrimi, qoftë atyre që kanë një biznes në bregdet dhe që duan të shohin prosperitet dhe progres për biznesin e tyre, dhe për zhvillimin turistik dhe ekonomik në vend në tërësi”.

Duke sqaruar draftin, ministri i Brendshëm tha se në të parashikohet delimitimi i hapësirës minimum që duhet të ketë ndërmjet plazhit dhe hapësirës që mund të përdorin të pashqetësuar qytetarët që përdorin plazhin dhe detin. Në këtë kuadër ai shtoi se kemi përcaktuar hapësirën minimum duke e konsideruar si një zonë absolutisht off-limits dhe duke përcaktuar që shkelja e kësaj hapësire përbën pa asnjë dyshim, shkelje aq të rëndë sa sanksioni i menjëhershëm është, sekuestrimi i mjetit.

“Po gjithashtu ky ligj do thotë edhe më shumë siguri për ata që do të përdorin detit me mjete lundruese, qoftë për qëllime argëtimi qoftë për qëllime sigurie. Janë jo të pakta rastet kur qytetarët që e kanë përdorur detin me mjete lundruese janë gjendur në vështirësi për shkak të mungesës së teknologjisë dhe për shkak të mungesës së kushteve minimale të sigurisë në përdorimin e detit. Vetëm gjatë vitit 2013 rastet e kërkim – shpëtimit në det nga autoritetet tona dhe nga partnerët tanë janë 34. Mendoni shpenzimet që duhen për të kryer operacione kërkim – shpëtimi në det, për të garantuar sigurinë e qytetarëve që shpesh është shumë e vështirë, shpesh është e pamundur lokalizimi i tyre përveçse me sy. Ne kemi parashikuar në këtë ligj modernizimin dhe inovacionin teknologjik për t’i dhënë mundësi qytetarëve që nëpërmjet një pajisje GPS që është gjeo-referimi hapësinor të kenë mundësi të lidhen direkt me sallën e komandimit që lokalizimi i tyre të jetë një çështje minutash fare e thjeshtë duke garantuar njëkohësisht në çdo rast nëse do të nevojitet që uroj të më ndodhë operacioni kërkim – shpëtimit, ndërkohë ligji jep mundësinë për zhvillim ekonomik i zonës së plazhit”, tha ai

Arkiva britanike/ Shtatë VIDEOT e rralla të historisë shqiptare

11:18 Politika

Akuzat ndaj FA për trafikun e drogës/ Kodheli: Nuk ka asnjë fakt. Berisha: E transportoni me avion. Rama: Janë kundër mushkonjave. Batutat e plota (VIDEO)

11:11 Politika

Ruçi: S’kam marrë asnjë peticion nga socialistët e Elbasanit

10:16 Politika

Ironia/ “Gjin Gjoni vetëm makinën nuk e ka Cartier”

09:30 Politika

Plas në PD/ Deputetët e rinj sulmojnë Topallin: Ke humbur ekuilibrin dhe mbështetjen në bazë

09:09 Politika

Ina Rama: Duhet ndërhyrje serioze në sistemin e drejtësisë

09:06 Politika

Të shtunën sërish protestë/ Shoku i qelisë i Kudret Kumes: Gardianin mund ta kisha vrarë edhe unë

09:01 Politika

U ofroi ryshfet policëve, dënohet me 9 muaj burg studenti i juridikut

08:50 Politika

Jaho: Imami të dorëzojë provat e trafikut të drogës, ose dënohet me 5 vjet burg

08:50 Politika

Reforma administrativo- territoriale/ Subashi: PD të reflektojë në limitet e fundit

08:29 Politika