Te fundit
Bushati në Sllovaki, merr mbështetje për statusin kandidat
16 Maj 2014, 14:15Politika
TEMA
Ministri i Jashtëm Ditmir Bushati ka marrë mbështetjen nga Sllovakia për statusin kandidat, vendim që pritet të jepet në muajin qershor.
Ministri Bushati u prit në një takim nga Zëvendëskryeministri dhe Ministri i Punëve të Jashtme dhe Çështjeve Europiane të Sllovakisë, Miroslav Lajčák. Takimi mes tyre ishte në kuadër të konferencës ndërkombëtare për çështjet e sigurisë GLOBSEC 2014, që mbahet aktualisht në Bratislavë.
Një nga temat e takimit ishte perspektiva evropiane e Shqipërisë në prag të vendimit për marrjen e statusit të vendit kandidat, në muajin qershor 2014. Lajčák shprehu mbështetjen e Sllovakisë në ketë drejtim duke ofruar njëkohësisht dhe ekspertizën sllovake në fushën e integrimit evropian. Ministri Lajčák theksoi se Shqipëria e meriton statusin e vendit kandidat dhe se ritmi i reformave duhet të vijojë për t’i paraprirë fazave të tjera të procesit.
Bushati dhe Lajčák u ndalën tek fushat e bashkëpunimit rajonal duke ndarë mendimin se, megjithëse Ballkani Perëndimor ka shënuar progres të dukshëm gjatë viteve të fundit, ende mbeten sfida që kanë të bëjnë me aspektet e shtet-ndërtimit demokratik dhe sundimit të së drejtës në ekonomi.
“Eksperienca e vendeve të Vishegradit, dhe përkatësisht e Sllovakisë, mbeten frymëzuese dhe orientuese për aspiratat evropiane te Shqipërisë”, u shpreh ministri Bushati.
Të dy Ministrat u ndalën gjithashtu tek aspektet konkrete të thellimit të bashkëpunimit dypalësh, duke veçuar këtu rritjen e kapaciteteve të administratës publike, politikat fiskale dhe përthithjen e investimeve të huaja, sikundër përfundimin e një sërë marrëveshjeve që do të përbënin shtratin e duhur për thellimin e marrëdhënieve dypalëshe.
12 komente në “Bushati në Sllovaki, merr mbështetje për statusin kandidat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Z.Bushati po ben nje pune te jashtzakonshme!
Me ne fund nje diplomaci e dinjitoze dhe eficente!
Bushati minister njesh i papare po ben nje pune te shkelqyer per garantimin ne mbeshtetjes per ne Europe.
Fantastike puna e Ministrit te Jashtem, bravo
Nje super bravo per ministrin Bushati
Bravooo
Me punen e ministrit Bushati me e lehte arritshme mbeshteja e e vendeve europiane per te fituar statusin kandidat.
Perpjekje e madhe e ministrit Bushati per te garatuar mbeshtetjne e nevojshme per ne Bashkimin Europian.
Bushati nje minister i shkelqyer !
Veshtire qe ja var kush Bushatit
boll me keto, po i jepni rendesi ceshtjeve te dores se dyte me shume se duhet. Duhet urgjentisht:
1) strategjia komberate per Bujqesine, turizmin dhe zhvillimin urban dhe rural se jemi ende ne kaos…
2) reforma ne gjyqesor se kriminelet e matrapazet kane zaptuar cdo gje;
3) sistemi arsimor se nuk shkohet ne Europe me blerje notash e shitje diplomash;
4) shendetesi ku sistemi eshte 190% me para;
5) policia ku ende jemi larg nga cdo kriter;
6) pensionet kur po paguajme qindra mijera lek per 40 vjet e nuk e dime se do marrim gje kur e nese do dalim ne pension…
tung
Mos e shaj sistemin e shkelqyer qe na la udheheqesi shpirteror i se djathtes ,nuk duhet te harrojme se sala e la shqiperine vendin e dyte pas gjermanise ,dhe vendin e pare ne bote si mikrosuperfuqienergjitike.
i lumte!