Tjetër arrestim për drogën e Divjakës/ Pranga personit që paketoi hashashin

Ka shkuar në tre numri i të arrestuarve për çështjen e avionit të Divjakës. Pas arrestimit në kushtet e flagrancës të Xhorxho Riformatos dhe Saimir Bajramit, i arrestuari i tretë është Aurel Pupe, 24 vjeç nga Lushnja, për të cilin Gjykata e Krimeve të Rënda ka vendosur masën e arrestit me burg për akuzën e trafikut të drogës të mbetur në tentativë.

Prokuroria e Përgjithshme konfirmon në rrugë jo zyrtare se për të dyshuarin Aurel Pupe, banues në lagjen “20 Tetori” në qytetin e Lushnjes, ka prova që e inkriminojnë drejtpërdrejt së paku gjatë procesit të paketimit të ngarkesës së drogës.

Madje shoqërimi e më pas ndalimi i tij është bërë në bazë të një përgjigjeje të kthyer nga Laboratori i Kriminalistikës, ku sipas akt- ekspertimit të policisë shkencore, në pakot e mbështjella me natriban, 3 nga 11 gjurmët papilare të evidentuara në vendngjarje, i përkasin 24-vjecarit nga Lushnja.

Por ndërsa arrestimi i të riut nga Lushnja gjatë këtyre pesë ditëve është mbajtur sekret si nga policia ashtu edhe nga prokuroria, e njëjta gjë ka ndodhur edhe gjatë masës së sigurisë të shpallur nga gjykata. Pupe mësohet të ketë deklaruar se ka marrë pjesë në paketimin e drogës, tha një burim i Top Channel, por nuk ka hedhur dritë mbi njohjet e tij me dy të akuzuarit e tjerë.

Ajo që dihet jozyrtarisht është se tashmë në kërkim për shkak të gjurmëve papilare janë edhe disa shtetas të tjerë nga qyteti i Lushnjes, identiteti i të cilëve nuk mund të bëhet i ditur derisa Policia e Shtetit të finalizojë arrestimin e tyre tashmë që rezultojnë që nga data 20 maj si të kërkuar.

Këto arrestime hedhin dyshime mbi deklarimet e të arrestuarit Saimir Bajrami, i cili kishte pohuar se drogën e kishte blerë në Krujë. Ndërkohe piloti italian Xhorxho Rifomato e ka lënë avokatin kryesisht që i siguroi shteti shqiptar, duke gjetur një mbrojtës të zgjedhur vetë. Avokati Ramazan Topuzi iu drejtua Apelit me kërkesën për lirimin e tij, sepse sic u shpreh fakti nuk provohet se ekziston dhe se piloti italian nuk e njeh Saimir Bajramin.

“Për ne nuk qendron fakti penal. Nuk ka fakti penal. Ai është një aksident ajror dhe ne do të hedhim poshtë akuzën e prokurorëve si të pabazuar në prova. Nuk është klandestin, ka ndodhur, ka parë Rivierën dhe është rrëzuar në Divjakë”, thotë Ramazan Topuzi, avokat i Xhorxho Riformatos.

I kontaktuar në telefon nga Top Channel, edhe avokati i Bajramit pohoi se ka ankimuar masën e sigurisë në Gjykatën e Apelit të mbështetur në shpjegimin se arrestimi i klientit të tij nuk është kryer në kushtet e flagrancës, por edhe sepse në dëshmi ka kontradikta./TCH

Drejtueses së grevës për rikthimin në punë iu dha vërejtje disa herë për shkarkim në kohën e PD-së (FAKSIMILE)

17:06 Politika

Strazimiri: Ishte sulm i parapërgatitur, Armando Prenga më ka provokuar edhe më parë

16:02 Politika

Sherri Strazimiri-Prenga/ Basha: Rama do të përgjigjet personalisht për këtë skenar dhune

15:07 Politika

Vetëvrasja e 55 vjeçarit/ PD akuzon Ramën: Po u merr jetën shqiptarëve

14:29 Politika

Rikthehet Florenc Hoxha/ Dhunë ndaj banorëve në Kinostudio, dy persona shkojnë në spital

14:39 Politika

Hetimi për drogën/ Kodheli: Llalla të tregojë periudhën kur janë ulur avionët

12:29 Politika

Rama në Institutin e Hagës: Europa, destinacioni brenda nesh (VIDEO)

14:26 Politika

Tahiri takim me Llallën, Ajazin dhe Didin në zyrën e tij

14:17 Politika

Kuvendi nis diskutimin mbi p/ligjin për FA/Si ndryshon karriera ushtarake? Opozita kundër. Drafti i plotë

14:12 Politika

VIDEO LAJM/ Përplasen fizikisht deputetët, Prenga godet me rrip Gent Strazimirin

14:31 Politika