Strategjia zvicerane për Shqipërinë/ Rama: Reforma territoriale mundësi për transformime të mëdha

“Strategjia e bashkëpunimit Shqipëri-Zvicër, është pikë referimi si mund të bashkëpunojmë me donatorët”, u shpreh Kryeministri Edi Rama gjatë konferencës së mbajtur në Tiranë, ku u prezantua Strategjia Bashkëpunimit Zviceran për Shqipërinë 2014-2017.

Rama tha se mbështetja zviceriane për Shqipërinë është rreth 22 milionë franga në vit.

“Mbështetja e Zvicrës për Shqipërinë është një shifër jashtëzakonisht kuptimplotë dhe është një shifër sfiduese për ne, për të arritur që të bashkërendojmë punën hap pas hapi dhe të maksimalizojmë efektet e vënies në përdorim të kësaj shifre”, vijoi Kreu i Qeverisë.

Rama u shpreh se katër fushat në të cilat fokusohet mbështeja zviceriane për vitin 2014-2017 decentralizimi, zhvillimi ekonomik, infrastruktura urbane dhe energjitike, si dhe shëndetësia,  janë faktikisht fusha të një vëmendjeje prioritare.

“Një rezultat i pritshëm, i prekshëm dhe historik për Shqipërinë është reforma territoriale-administrative që tanimë është në fazën e saj të fundit dhe që nuk do të ishte e mundur pa mbështetjen zviceriane”, theksoi Kryeministri.

Përmes mbështetjes se Agjencisë Zviceriane për Zhvillim dhe Bashkëpunimit të Ambasadës zviceriane, Rama tha se kemi marrë reformën rrënjësore, që do të na hapi rrugën për të synuar me politika të reja, agresive një sërë transformimesh edhe në fushat e përfshira në këtë dokument bashkëpunimi. Sipas Ramës, pa këtë reformë do të ishin të pamundura reformat e tjera.

Praktikisht, theksoi Rama, ne jemi të detyruar të arrijmë rezultate konkrete, në radhë të parë për ata që na e kanë besuar fuqimisht drejtimin e vendit, zgjedhësit shqiptarë, por edhe për të merituar besimin e shprehur, përmes një rritjeje me 22 milionë franga në vit mbështjetje e Zvicrës për Shqipërinë.

“Ky dokument që nuk është një strategji e radhës, por një dokument pune për të dy palët për të çuar përpara projekte konkrete.
Donatorët duhet t’a shohin këtë dokument si pikë referimi, si mund të ndërtojmë bashkarisht një rrugë të re për prioritetet e qeverisë së Shqipërisë, për të mos krijuar me fondet situata që pastaj kërkojnë rivlerësime edhe me kosto shumë të larta”, vijoi ai.

Në këtë kuadër, Rama tha se shpesh janë ndërmarrë projekte që nuk kanë qënë të bashkërenduara, duke ndërtuar sisteme të mbyllura që nuk komunikojnë me njëri-tjetrin.

“Pas 3 vitesh nuk do jemi bërë si Zvicra, por me siguri njerëzit do mendojnë pak më mirë për ne dhe ne do kemi më tepër besim tek vetja” , tha Kreu i Qeverisë.

Bushati: Marrëveshja për kufirin detar po hetohet nga prokuroria. Toponimet drejt zgjidhjes

12:08 Politika

Peter Lucas: Ishte një ditë e mirë për të qenë amerikan (por memoriali i ushtarëve amerikanë në Korçë u dëmtua)

12:03 Politika

Lazarati/ Rama ironizon Bashën: Prit kur të thuash se shpëtuam botën nga ngrohja globale

11:48 Politika

Arvizu takon Bashën: Nuk folëm specifikisht për protestat (VIDEO)

11:24 Politika

Basha: Kemi ndërhyrë me sukses në Lazarat. Greva e ish- të përndjekurve është mësim për mua

10:16 Politika

Dhuna në Kuvend/ PD braktis Komisionin e Sigurisë. Fino: Ja si ndodhi ngjarja!

10:04 Politika

VIDEO/ Në Mat protestohet për Flamur Pislin, në Greqi babai i Kuluris revoltohet me ‘shqiptarin’

09:52 Politika

Djali i Arben Tollisë: I pashë vrasësit e babit! Ai më kërkonte që të mos ecnim pranë njëri- tjetrit

09:40 Politika

Dritan Dajti vazhdon të shantazhojë gjyqtarin: Kunati im ka lidhje me vajzën tënde

09:25 Politika

PD dorëzon kallëzim penal ndaj tre deputetëve të PS. Reagon edhe Berisha

19:57 Politika