Statusi/ Basha në Gjermani kërkon mbështetjen e CDU-CSU

Kryetari i PD, Lulzim Basha, u prit sot në një mëngjes pune nga dr. Andreas Schockenhoff, nënkryetar i grupit parlamentar për politikën e jashtme i CDU-CSU, në Bundestag, i shoqëruar nga Roderich Kiesewetter, raportues për Shqipërinë i grupit parlamentar CDU – CSU. Po sot, Basha u prit në një takim të veçantë edhe nga Kryetari i Komisionit për çështjet e BE, në parlamentin gjerman, Gunther Kirchbaum. Gjatë bisedës, kryetari i opozitës falënderoi përfaqësuesit e shumicës parlamentare të CDU – CSU në Bundestag, për mbështetjen që Gjermania i ka dhënë dhe i jep Shqipërisë në rrugën e integrimit europian të saj.

Basha theksoi se PD është e vendosur të mbështesë pa asnjë rezervë dhe pa kushtëzim integrimin europian të Shqipërisë, gjë që e ka dëshmuar gjatë gjithë këtyre muajve. Basha kërkoi mbështetjen e Gjermanisë për një vendim pozitiv në mbledhjen e ardhshme të Këshillit Europian për marrjen e statusit.

“Perpjekjet shumëvjeçare dhe reformat e ndërmarra bënë të mundur rekomandimin pozitiv të Komisionit Europian, për tre vite me radhe. Ndonëse bllokimi absurd i miratimit të tre ligjeve nga ish-opozits socialiste, e drejtuar nga z. Rama, u kthye në një pengesë dhe vonesë për çështjen e statusit, Shqipëria dhe shqiptarët e meritojnë statusin”, theksoi Basha.

Bashkëbiseduesit vlerësuan qëndrimin e kryetarit Basha dhe PD, për mbështetje të pakushtëzuar për integrimin europian të Shqipërisë si dhe punën e bërë nga PD, gjatë qeverisjes së vendit, për realizimin e reformave të rëndësishme që bënë të mundur rekomandimet pozitive për marrjen e statusit.

Duke iu referuar situatës aktuale, zyrtarët e lartë gjermanë theksuan se respektimi i shtetit ligjor dhe zbatimi i vendimeve të gjykatave, respektimi i institucioneve të pavarura dhe garantimi i hapësirës institucionale për opozitën si dhe lufta kundër krimit të organizuar, trafiqeve dhe korrupsionit janë standarde europiane të panegociueshme.

“Me shqetësim po ndjekim edhe situatën, në raport me shkarkimet masive në administratën publike të nëpunësve të trajnuar, edhe me kontributin e taksapaguesve gjermanë dhe të BE”, theksuan bashkëbiseduesit gjermanë.

Në takime u diskutua për forcimin dhe thellimin e bashkëpunimit mes dy partive simotra CDU dhe PD.

INTERVISTA/ Kiesewetter: Qeveria e ka nisur me zell të madh, por Gjermania s'ka marrë ende vendim

15:38 Politika

Statusi/ Gjosha: Të vendosur në rrugën e reformave

12:38 Politika

Financial Times: BE do e japë statusin në fund të muajit. Ja ç’mendojnë diplomatët për qeverinë e Ramës

12:11 Politika

Ja NOTA e KE për qeverinë e re: Vlerësime për reformat, por problem mbetet drejtësia dhe klima politike

11:50 Politika

Gaiani: Ndëshkoni zyrtarët e korruptuar, Italia ju mbështet për statusin

11:14 Politika

Fyle: Shoh pozitivitet në vendimmarrjen e ardhshme të BE

10:37 Politika

Visho Ajazi refuzon Kuvendin për kontrollin në zyrat e SHISH

09:40 Politika

Një ish- drejtues policie pas avionit të Divjakës, droga vinte nga Lazarati

09:36 Politika

KE rikonfirmon: Shqipërisë t’i JEPET statusi

10:14 Politika

Tepelenë/ Operacioni “Dilan”, asgjësohen 850 rrënjë kanabis në Kurvelesh

08:33 Politika