Ikën fshati i drogës, vjen statusi kandidat

Nga Helmar Dumbs

Die Presse

Pritja më në fund e ka një shpërblim për Tiranën: Të martën BE bëri të ditur se i ka dhënë Shqipërisë statusin e kandidatit. Këtë e vendosën ministrat e Jashtëm të BE në një takim në Luksemburg. Tani pritet që të merret vendimi edhe në samitin e krerëve të qeverive dhe të shteteve në fund të javës. Por tani, ndryshe nga gjashtë muaj më parë, nuk ka rezerva të mëdha- gjërat janë njoftuar paraprakisht.

Kryeministri i Shqipërisë, Edi Rama, përpjekjet e të cilit për reforma kanë marrë vlerësimin e BE- dhe që konsiderohet një partner më i besueshëm se paraardhësi i tij, Sali Berisha- që e irritonte herë pas here Brukselin me deklaratat e tij për Shqipërinë e madhe- e di shumë mirë diçka: Edhe nëse Tirana e ka marrë statusin e kandidatit, kjo nuk është më shumë se simbolikë pasi nuk do të thotë fillimi i negociatave. Fjala bie, Maqedonia e ka marrë këtë status që në dhjetor të vitit 2005, por për shkak të bllokadës së Greqisë, nuk ka bërë asnjë hap përpara.

Por në Bruksel ka fryrë erë e mirë edhe për shkak se forcat e sigurisë në Shqipëri sulmuan javën e shkuar fshatin legjendar të marijuanës, Lazaratin, diçka e paimagjinueshme për një kohë të gjatë. Për shkak se kategoria “rastësore” nuk ekziston në këtë veprim, ndërhyrja duket e ndërlidhur qartazi me shpresën për një vendim pozitiv nga BE.

Lazarati është si një libër mësimor për klishetë e Ballkanit- por nuk është, ishte. Realiteti është se për policinë për më shumë se dhjetë vjet kjo ka qenë një zonë tabu. Një zonë kuazi ekstra- territoriale, në të cilën fjalën e kishte mafia e drogës, që vetëm në Lazarat prodhonte gjysmën e kanabisit që Shqipëria eksporton në tregjet europiane.

Tani policia e ka sulmuar Lazaratin, e ka nën kontroll dhe çoroditja e ka një fund.

Bilanci, sipas portalit Balkan Insight, është domethënës: janë konfiskuar 43 ton marijuanë, janë shkatërruar 133.219 (duhet sa më shumë saktësi) rrënjë kanabis dhe pesë laboratorë droge, janë kapur sasi të mëdha armësh, përfshi granatahedhës, pushkë automatike dhe qindra kallashnikovë.

Më shumë se 1 mijë policë morën pjesë në aksion, të mbështetur nga ajri me helikopterë. Ata hasën në rezistencë të ashpër me armë automatike. Sulmi nisi të hënën e javës së shkuar dhe të premten policia shpalli marrjen e plotë të Lazaratit. Një polic dhe dy barinj u plagosën nga të shtënat, policia arrestoi 21 persona. Me sulmin e suksesshëm mbi Lazarat, qeveria socialiste e Edi Ramës- e cila ka rreth tre të katërtat e vitit në pushtet- tregoi se mund të arrijë sukses.

Një efekt anësor pozitiv: Edhe në kuadër të ndihmës së BE, më shumë se 17 milionë euro të fondeve IPA janë investuar për trajnimin dhe pajisjet e policisë.

*Marrë me shkurtime

INTERVISTA/ Mos u trembni nga euroskeptikët, përqëndrohuni tek reformat

18:51 Politika

“Kjo s’është drita jeshile për anëtarësim! Pa struktura demokratike dhe gjyqësor të pavarur, s’ka BE”

17:45 Politika

Marrja e statusit, një kalvar i gjate përpjekjesh e refuzimesh nga Europa

15:49 Politika

Gjykata e Lartë/ Paloka: Rama s'mund të vërë nën kontroll sistemin e drejtësisë

15:19 Politika

Ambasada e SHBA-së: Urime për statusin, një hap i rëndësishëm përpara

15:00 Politika

VIDEO/ “Statusi është si fejesa. Po nuk plotësove kushtet, nuk martohesh dot”

14:53 Politika

Statusi/ Konkluzionet e plota për Shqipërinë

14:25 Politika

Berisha: Statusi është merita jonë. Do e kishim marrë që në 2012, po të mos na bllokonte Rama

13:33 Politika

Statusi/ Rama: Çiljeta nuk do të këndojë këtë herë, pasi kemi shumë sfida. Do godasim "Gatet" e drejtësisë

14:02 Politika

Reagimet/ Gjosha: Shqipëria kandidate zyrtare për në BE. Topalli sulmon Ramën: Merita vetëm e Berishës

12:39 Politika