Te fundit
Shqipëria është mirë kur është mirë Kosova
26 Qershor 2014, 21:01Blog
TEMA
Nga Ali Cenaj
Më në fund, një lajm i mirë. Jo vetëm për kryeministrin Thaçi që me modestinë që përndryshe e karakterizon, në këso ngjarje të mëdha kur Shqipëria e shqiptarët, edhe pse të fundit në rajon, marrin udhën në drejtimin kah moti të përhumbur, s’mund të mos marrë diçka nga madhështia e të mëdhenjve të kombit Isë Boletimit e Naim Frashërit.
Dy citate më bien ndër mend në këtë moment. Isa Boletini jonë kur ka thënë se “Unë jam mirë kur është mirë Shqypnia” dhe Naim Frashëri kur tha se “për ne shqiptarët, dielli lind nga perëndimi”, na thoshte kryeministri përmes Facebook-it duke kumtuar lajmin të cilit, padyshim edhe ai i është gëzuar.
Të 28 vendet anëtare të Unionit i thanë “Po” rekomandimit të Komisionit Evropian për t’i dhënë statusin e kandidatit. Shqipëria, as gjysma e asaj Shqipërie për të cilën fliste Isa, vërtet prej dje është më mirë. Së paku i është hapur një deriçkë të cilën, po të dijë të kryej si duhet “detyrat e shtëpisë” mund ta hapë dhe të tejkalojë statusin e vendit kandidat.
Por detyrat nuk janë të lehta dhe të padhembshme. Duhet të veprojë me vendosmëri reformën në administratën publike, në gjyqësor, në luftimin e krimit të organizuar e korrupsionit. Të forcojë pavarësinë, transparencën dhe llogaridhënien e gjyqësorit.
Me krekosjen karakteristike shqiptare, edhe në këtë ditë së paku do ti gjente bashkë, lajmi u komentua me ekzaltime e rrahagjoksi edhe nga dy taboret e armiqësuar në Tiranë. Me atë mendësinë se kush e kreu punën: gjahtari kur e ka plagosur prenë apo zagari që e kapi.
Kjo që kemi arritur flet qartë se mund të arrijmë çdo gjë nëse kemi një plan dhe stafin e duhur për ta vënë në jetë. Ashtu siç treguam që skuadra jonë është në lartësinë e sfidave, Rama siguroi se plani dhe skuadra e tij do të japin të tjera rezultate që ky popull të ketë arsye të gëzohet. Berisha ndërkaq s;mund të mos fajësojë edhe një herë rivalin se “merita” e tij është mu zvarritja e statusit të kandidatit që Shqipëria ka mundur ta marrë që moti.
Sidoqoftë, pa marrë parasysh inatet shqiptarçe, Shqipëria e bëri një hap. Dhe normalisht se edhe kryeministri gëzohet.
Edhe pse në këso raste gëzimi mbase nuk është mirë të përkujtohen premtimet që mund të jenë thënë për efekt fushate, gojkëqinjtë mund t’ia përkujtojnë kryeministrit Thaçi premtimin solemn më 2007, në fillim të mandatit të parë si kryeministër se me te në krye të qeverisë, Kosova brenda 15 muajsh ëndrra e çdo kosovari për të dalë nga getoja do të realizohet. Se nuk do të mbesim më delja e zezë e Evropës. Se si të gjithë evropianët kosovarët do të realizojnë ëndrrën, do të lëvizin lirshëm dhe Kosova do të marrë liberalizimin e vizave.
Pse nuk u bë, jo për 15 mua por as pas shtatë vitesh, kryeministri nuk ka tha as tash kur po kërkon mandatin e tretë. Berisha në Tiranë alibinë e gjeti te Rama që ia mori pushtetin nga duart por ke do të fajësojë kryeministri ynë që po qëndron fuqishëm në fron vite me radhë.
E Shqipëria është mirë kur mirë është Kosova, mund të thonë me plot të drejtë edhe në Tiranë. Por, a është mirë Kosova z. Kryeministër? Kosova që assesi të marrë as libelarizimin e vizave e lere më statusin e vendit kandidat.
E Kosova do të jetë mirë kur të mos trajtohet më si shtet privat. Kur hajdutë me frak të mos ia vjedhin milionat dhe të këtë të na e prezantojnë si aftësi e shkathtësi të tyre për të bërë biznes. Kur uzurpatorët që e kanë kapur për fyti të shkojnë në aty ku e kanë vendin, dihet ku!
Më në fund, Kosova do të jetë mirë kur eshtrat e Isës, emri i të cilit iu kujtua dje, të mos mbahen më në thes. Pa një varr në vendlindje, matanë Ibrit, te ajo kulla në Boletin ku as kryeministri nuk merr guximin të shkojnë pa autoblindë.
6 komente në “Shqipëria është mirë kur është mirë Kosova”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kosova do te jete mire kur eshtrat e Is Boletinit te prehen ne vendlindje pertej Ibrit. Po eshttrat do te prehen ne vendlindje kur populli te mençurohet dhe te te kuptoje se sa do i mire te jete( nuk ka qene kurre)nje kryeminister nuk mund te qendroje kaq gjate ne pushtet ne nje shtet te ri, te dobet.
Kosova do jete mire kur te jete mire Shqiperia, dhe Shqiperia do te jete mire kur te jete mire Kosova.
Mençurohuni Shqiptare dhe Kosovare dhe zgjidhni njerzit e duhur per te drejtuar kombin.
Mire e ke o Ali, po duhet nje ze i perbashket dhe i forte ta beni mire Kosoven
U la ne meshire te maskarenjve sa u shit prape te serbet, per turp.
Dhe po e manipulojne qypat e islamikeve.
Shqiptaret duhet ta kuptojne se zot mbi zotat eshte Shqiperia dhe Shqiptarizmi.
Jo te behen vegel qorre ne emer te allahut per serbet.
Hapni syte o popull sa s’eshte vone
O Ali, se Ali qenke edhe nga mendja. Po ku e sheh ti lidhjen qe deklaron se po qe kosova mire, mire do jete edhe shqiperia. Jo o Ali tru mykuri, ne rrugen qe ka hyre kosova po i largohet Shqiperise me shpejtesine e drites. Kosova po i afrohet boshtit islamik arab, gje qe shqiperia as e ka bile neper mend (perjashto periudhen e sundimit te tradhetarit islamo-serb maskarahit Sali qen bermuti)
Kosova sot realisht udhehiqet nga hoxhe mjeker qelbur dhe dembel qe bejne para duke manipuluar nje komb qe ne masen me te madhe te tij eshte ne injorance te thelle.
Keshtu o Ali ju qofte rruga e mbare ne integrimin islamik te udhhequr nga palloshi debil shefqet krasnoje (krasniqi)
Skemi gje prej gjeje te perbashke tme kosovar o Ali.
ore drino edhe nqs se eshte ashtu si thua ti te pakten Kosova e ka zgjedh rrugen e saj kurse ne jemi ne vend e numero qe prej 91 te mashtruar nga DEMOKRATET E FLAKTE ( ish komuniste te kuq ) QE VETEM VJEDHIN VJEDHIN VJEDHIN .
Nqs do te konsideroja Kosoven apo Shqiperine si shtete me tipare Islamike kjo e fundit do te fitonte sepse sa krime behen ne Shqiperi per nje vit ndoshta mund te behen ne Kosove per 10 vjet .
Ateizmi total i Enverit ka sjell humbjen ” Myslimanizmit ” te Shqiptarve , besom se nqs ne do kishim pas liri fetare si ne ish Jugosllavi edhe ne sot do ishim si Boshnjaket dhe Shqiptaret e Kosoves .
Kjo menyre jetese nuk u zgjodh sot …u zgjodh 300-400 vjet me pare .
“Bravo”, per kete palo shkrim shfyrje , bash tani i ke zgjidh te tera problemet e Shqpnise e Kosoves . Culla si ti don kombi shqyptar .
Thenja e Isa Boletinit eshte monoment.
Sot nje jave Mitrovica e Isa Boletinit u pushtu nga turqit duke ngrit nje xhami mu ne mes qyteti te ndar ne mes turkut dhe serbit.
Hashimi por edhe Rama duhet ti kordinojn punt mire e mire sepse populli shqiptar i kosoves me te madhe po asimilohet ne turk.
Ndersa shqiptaret e Maqedonis veq ka marr fund asimilimi ne turk.
Shpresoi qe shqipria ta kuptoi qfar po ndodh me kto troje qe vullnetarisht po zhduken si komb.