“Que grande es ser pequeño”- (E madhe është të jesh i vogël). Motoja e Levantes, klubit valencian që prej vitesh nderon veten në La Liga dhe Europë, vlen për të përshkruar suksesin e shteteve të vogla në Botëror.

Holanda, Kosta Rika dhe Belgjika, kanë dimensione modeste, por rezultate të jashtëzakonshme. Në të kaluarën nuk kishte ndodhur kurrë që në cerekfinalet e një Botërori të gjendeshin përfaqësueset e tre vendeve kaq të vegjël, madje as tresha e edicionit Francë 98 ( Holandë, Kroaci e Danimarkë ), nuk i reziston dot krahasimit . Të mbledhur së bashku, banorët e Holandës, Kosta Rikës e Belgjikës bëjnë sa gjysma e atyre të Italisë dhe hapësira e tyre së bashku përfaqëson vetëm një të tretën e territorit të fqinjëve të përtej Adriatikut, raporton Sport News.

Natyrisht që këtu bëhet fjalë për shtetet si numër banorësh e hapësirë territorial, pasi futbollistikisht portokallinjtë nuk janë surprizë, por një demonstrim praktik se si mund të jetë një fuqi e futbollit edhe pa patur proporcionet qindramilionëshe të Brazilit. Në vitet 70 Holanda ndryshoi esencën e këtij sporti, duke propozuar futbollin e saj total dhe ka prezantuar gjithmonë skuadra kompetitive në turnetë e mëdhenj. Është nënkampione e Botës, bëri qesharake Spanjën mbajtëse të trofeut në debutimin në Brazil 2014 dhe ndoshta janë edhe kombëtarja më amerikano-jugore mes përfaqësuese të Europës.

Por këtë të shtunë në Salvador përballë Holandës do të jetë kundërshtari më i papritur, Kosta Rika që deri në 1990 nuk kishte marrë kurrë pjesë në një Botëror dhe deri më tani asnjëherë nuk kishte shkuar kaq larg. Por e kaluara respektohet dhe pastaj hidhet pas, ka urdhëruar Horge Luis Pinto, trajneri që mori këtë kombëtare nga duart e La Volpes në 2011 dhe ndryshoi gjithcka, taktikën dhe mbi të gjitha mentalitetin. Në 1/8 ndaj Greqisë amerikano-qendrorëve ju eci, pasi ju desh dhe pak fat për të rezistuar në inferioritet numerik, por në grup ishin sensacional, dy fitore dhe një barazim kundër 3 përfaqësueseve që në të kaluarën kanë qenë kampione bote, Uruguai, Anglia dhe Italia. Një ecuri prej të mëdhenjsh për Kosta Rikën e vogël.

Është rikthyer dhe Belgjika. Nga anët e Brukselit nuk festohej kalimi në fazën finale të një Botërori apo Europiani që nga 2002. Errësirë absolute, deri sa Vilmots ja doli të kompletonte operacionin e rithemelimit. Yjet e përfaqësueseve zinxhir u rritën, udhëtuan dhe ndërtuan fatin në kampionatet e huaja. Kurtua përmendet gjithmonë mes portierëve më të fortë dhe ishte një milimeter larg triumfit në Champions, Hazard është një yll i radhës së parë në Premier Ligës, e pastaj Lukaku, Mertens, Felaini, De Bryn, Origi, Kompani e Januzaj. Ka bollëk talentesh që edhe pse të rinj nuk ju mungon eksperienca. Pas dominimit në grup, erdhi dhe ndeshja e shkëlqyer me SHBA, tani kur luhet futboll ka kënaqësi edhe në qytetet e Komisionit Europian.

2 komente në ““Brazil 2014”, Botërori i skuadrave të vogla”

Wendy-B says:

4 Korrik, 2014 15:43 te 3:43 pm

@tahipi
ahhhhhhh sot kemi ndeshje te rendesishme .Brazili do na fali emocione sot, patjeter dhe fitore.
te pershendes cuno me Shakiren se eshte “gabelja ” ime e preferuar.

http://www.youtube.com/watch?v=6-GLhpQUG5o

Përgjigjjuni
tahipi says:

5 Korrik, 2014 00:38 te 12:38 am

Wendy-b flm dhe kengetarja ime e preferuar SHAKIRA.
Brazili shume i lodhure si ekip dhe pse fitoi me Kolumbin 2-1.
Wendy-b gati birren e pare me GJermanin,mos thuaj qe sma jep se je larg..vallahi per ate birre dhe aty do vij.hahahahahahhha.klm dhe bukur moj Koceeeeeeee.hhahahhahhah,

Përgjigjjuni