“Çetnikët serbë” në lindje të Ukrainës

Një grup vullnetarësh nga Serbia, të regjistruar si “Lëvizja çetnike”, aktualisht gjendet në lindje të Ukrainës, duke u rreshtuar me separatistët pro-rusë, ose me, siç e quajnë veten, “Ushtrinë e Rusisë së Re”.

Edhe pse Serbia nuk parashikon sanksionimin e atyre që luftojnë jashtë kufijve të shtetit, mungon distancimi i qartë i Beogradit zyrtar nga grupet e tilla.

Pas luftimeve në Krime, ky grup njerëzish ishte kthyer në Serbi, për t’u rikthyer më pas në lindje të Ukrainës, me qëllimin që, siç kanë thënë, “të shpërndajnë ndihmat e mbledhura humanitare”.

Zoran Andrejic prezantohet si pjesëtar i departamentit të logjistikës në kuadër të Lëvizjes Çetnike në Serbi. Sipas tij, në lindje të Ukrainës gjenden rreth 15 pjesëtarë të këtij grupi.

“Disa vullnetarë kanë shkuar me shpenzime vetjake për në Moskë dhe kanë ndihmuar shpërndarjen e ndihmave humanitare deri në kufi me Ukrainën.Pushteti i ri kishte propozuar që nidhma të dërgohet në rajonin Lugansk. Nga pjesëtarët e milicisë së atjeshme, çetnikët janë furnizuar me uniforma me shenja të dukshme dhe armatim për mbrojtje personale dhe mbrojtje konvojësh”.

“Me rastin e dërgimit të ndihmave, në rrethinën e aeroportit në Lugansk, konvoji është sulmuar. Tre pjesëtarët tanë dhe një rus janë plagosur me armatim artilerie. Pas kësaj ngjarjeje, pjesëtarët e Lëvizjes vendosën të mbeten në Lugansk. Nuk kanë kurfarë komande zyrtare atje, dhe tani thjesht janë në dispozicion të ushtrisë së Rusisë së Re”, ka thënë Andrejic.

Nga ministria e Punëve të Brendshme e Serbisë nuk kanë reaguar me rastin e veprimtarisë së këtij grupi në Ukrainë.

Aleksandar Radic, ekspert i çështjeve të sigurisë, thotë se ligjërisht, Serbia nuk parashikon ndjekje penale pë rata që luftojnë jashtë kufijve të shtetit.

Në fakt, ky formacion që prej fillimit të krizës në Ukrainë kishte zbarkuar atje.

Atje janë për të ofruar përvojat e tyre, ka thënë komandanti i tyre, Bratislav Zhivkovic.

“Rusët kanë ardhur gjithmonë si vullnetarë në luftërat e serbëve. Në këto të fundit, në Republikën Srpska ka pasur shumë vullnetarë rusë, kurse ne këtu kemi ardhur të ndajmë përvojat tona që kemi pasur në vendosjen e barrikadave në Kosovë dhe situata të ngjashme”, ka thënë Zhivkovic.

Vetë ata nuk kanë ndonjë rëndësi të madhe për betejat që po zhvillohen në Ukrainë, por fotografitë dhe porositë që dërgojnë prej andej, nuk është se do t’i ndihmojnë shumë Beogradit zyrtar për të mbajtur një qëndrim neutral ndaj krizës në Ukrainë.

Komentatori i politikës së jashtme, Boshko Jakshic, thotë se zyrtarët serbë do të duhej të përcaktoheshin karshi aktiviteteve të tilla.

“Nëse Serbia nuk mund ta ndalojë angazhimin e tyre, atëherë duhet të distancohet nga veprimet e tilla dhe të thotë qartë se shteti nuk qëndron prapa tyre, në mënyrë që të mos lejohet hapësirë interpretimi se Serbia po mbështet kryengritësit në Ukrainë”, ka thënë Jakshic.

Analistët në Serbi megjithatë pajtohen se numri i atyre që janë të rreshtuar nga ana e kryengritësve pro-rusë nuk është shumë i madh, por dëmin që, siç thonë, mund t’ia bëjnë shtetit të Serbisë karshi Perëndimit nuk duhet lënë mënjanë./ REL

FOTOT/ Projekti gjigand i Pacollit në Kazakistan

10:13 Rajoni

Kosova cakton drejtuesin e ambasadës në Tiranë, por askush nuk flet për emërimin e tij

11:09 Rajoni

FOTOT/ Mediat serbe: Në Shqipëri, si në Majemi

10:07 Rajoni

Nuset shqiptare i japin shpresë fshatit maqedonas në zhdukje

12:17 Rajoni

Muhaxheri: S'kam bërë asgjë më shumë se UÇK-ja. Çdo tradhtari do i prisja kokën

09:26 Rajoni

Del Ponte: Do të kthehesha për t'i gjykuar krerët e UÇK-së

20:11 Rajoni

Radikalizmi fetar alarmon qeverinë e Kosovës

18:20 Rajoni

Kim Mehmeti: Nuk mjafton të flasësh shqip që të jesh shqiptar

14:13 Rajoni

Shfajësohet Lavdrim Muhaxheri: S'kisha zgjidhje tjetër, njerëzit në Siri janë shumë të rrezikshëm

10:02 Rajoni

Ambasadori palestinez në Serbi: Arabët dhe myslimanët e kanë penguar shtetësinë e Kosovës

18:15 Rajoni