Çela: E morëm Postën Shqiptare me humbje, rritëm të ardhurat dhe ulëm shpenzimet

Drejtori i Përgjithshëm i Postës Shqiptare, Ardit Çela, zhvilloi një konferencë për shtyp ku ka bërë analizën e treguesve  ekonomiko- financiare për vitin 2013 dhe 6- mujorin e parë të viti 2014.

Gjatë fjalës së tij, Çela u shpreh se Posta Shqiptare, gjatë vitit 2013 ka bërë përpjekje për realizimin e të gjitha objektivave për të përmbushur misionin e saj kryesor në shërbim të klientëve të saj me synim realizimin e treguesve kryesorë ekonomiko- financiar.

Pavarësisht rezultatit pozitiv të 3 mujorit të katërt, nuk u arrit të shmangej humbja e akumuluar gjatë 2013-ës.

Duke iu referuar shifrave, Çela sqaroi se të ardhurat rezultojnë me mosrealizim me vlerë prej 336 milionë lekë ose rreth 16% më pak se programi vjetor 2013.

Për sa i përket shpenzimeve, rezultojnë me një ulje në vlerën prej 113 mln lekë, ose 6% më pak se programi vjetor, ndërsa fitimi nga 200 milion lekë të programuara, rezulton me humbje  23 milionë lekë.

Nëse do t’i shtohet edhe rezultati ekonomik i Interpost sh.p.k, e cila është bijë e kompanisë Posta Shqiptare, e cila rezulton me një humbje prej 166.1 milionë lekë, humbja e kompanisë është 189.1 mln lekë ose 1.89 mln dollarë.

Ndërkaq Çela bëri prezent edhe treguesit e 6- mujorit të parë të vitit 2014, prej nga ku Posta Shqiptare rezulton me performancë financiare pozitive, me fitim 144.7% ose 9 herë më shumë se e njëjta periudhë e vitit të kaluar, nga 13.4 mln në 6 mujorin 2013 në 127.5 mln lekë në 6- mujorin e vitit 2014.

Duke iu referuar të dhënave, të ardhurat realizohen në masën 88 mln lekë ose 2.3% më shumë, ndërsa shpenzimet ulen në masën 4.6%, ose 26 mln me pak, në krahasim me 6- mujorin e vitit 2013.

Gjithashtu gjatë kësaj periudhe kohore është rritur edhe numri i klientëve kontraktuale që bashkëpunojnë e besojnë tek Posta Shqiptare në 8% më shumë se viti 2013.

Reforma Territoriale/ Rama: Projekti për Jugun gati, rritje investimesh

17:42 Ekonomia

Tashi: Kemi raste të tentativave për nxjerrje të parave cash në pikat e kalimit kufitar, nga drejtues bankash

14:51 Ekonomia

E akuzojnë për mungesë të projekteve për Veriun/ Rama: Brenda gushtit nisim rrugën për Vermosh

09:45 Ekonomia

Largimi i Fullanit është i pashmangshëm

16:38 Ekonomia

Rama: Shumë shpejt projekti i integruar Orikum-Llogara

13:32 Ekonomia

Braçe paralajmëron: Nismë për shkarkimin e Fullanit e Këshillit Mbikëqyrës

11:04 Ekonomia

Raporti i BSH për 2013/ Kreditimi u ul me 1.8 %

19:01 Ekonomia

Zëri “High Definition” vjen dhe në Shqipëri

16:05 Ekonomia

Lejet minerare/ MEI dhe AKBN nisin kontrollet, kërkohet revokim për 150 subjekte

12:47 Ekonomia

Ekonomia shqiptare stabël/ Moody’s e vlerëson me B1

18:59 Ekonomia