Vdesin dy minatorë në Martanesh, reagon ministria/ Bujar Nishani kritikon qeverinë

Një tjetër lajm i rëndë vjen nga minierat shqiptare.

Dy minatorë, që po punonin në minierën e Fushë- Lopës në Martanesh kanë humbur jetën në një galeri.

Grupi i punës prej 7 minatorësh ndodhej në frontin e punës, në një galeri rreth 200 metra në thellësi të tokës, kur u shkëput një masiv shkëmbor dhe zuri poshtë dy minatorët, duke iu shkaktuar vdekjen e menjëhershme.

Mësohet se viktimat janë një 30- vjeçar i identifikuar si Denaid Barçi dhe një 53- vjeçar i identifikuar si Xhemal Sela, nga Komsia e Matit.

Pas lajmit reagoi edhe Ministria e Energjisë dhe Industrisë.

“MEI shpreh pikëllim për ngjarjen e ndodhur mëngjesin e sotëm në minierën e kromit në Fushë Lopë të Martaneshit, ku humbën jetën dy minatorë. Ministria gjen rastin tu shprehë ngushëllime të sinqerta familjarëve të viktimave dhe të afërmëve të tyre për këtë ngjarje tragjike.

Ministria e Energjisë dhe Industrisë sqaron se me të marrë njoftim, drejt vendit të ngjarjes janë nisur grupet e posaçme të Repartit të Inspektim, Shpëtim Minierave ndërsa paralelisht, grupet e tjera të ndihmës që ndodheshin në zonë kanë ndërhyrë për të bërë të mundur nxjerrjen e trupave të dy viktimave.

Ngjarja ka ndodhur në minierën e kromit, në galerinë nr.7 të objektit Fushë Lopë, ku operon subjekti “Alba-Co”, me lejen nr.548, datë 06.04.2000.

Pas nxjerrjes së viktimave nga galeritë, drejtuesit e Repartit të Inspektim, Shpëtim, Minierave po punojnë për të zbardhur rrethanat dhe mënyrën se si ka ndodhur ngjarja.

Ministria e Energjisë dhe Industrisë garanton opinionin publik për vendosmërinë e saj për të monitoruar rreptësisht përmbushjen e kritereve të sigurisë në punë nga ana e subjekteve të licencuara në fushën minerare.

Nga kontrollet e ushtruara deri më sot janë pezulluar dhe revokuar mbi 160 leje minerare për të cilat është konstatuar mospërmbushje e detyrimeve ligjore. Edhe në vijim, Ministria garanton opinionin publik se do të vazhdojë inspektimin në të gjitha zonat minerare me qëllim përmirësimin e kushteve të punës për minatorët,” thuhet në deklaratën e tyre.

Nishani ngushëllon familjet e minatorëve të vdekur dhe ‘i shkul veshin’ qeverisë

Bujar Nishani reagoi menjëherë pasi dy minatorë humbën jetën në një minierë në Martanesh.

Pavarësisht se nuk reagon kaq shpejt për ngjarje të tjera të rënda, presidenti gjeti edhe momentin të kritikojë qeverinë në këtë drejtim.

“Jam i pikëlluar për ngjarjen e rëndë të ndodhur sot në Minierën e Fushë Lopës, në Martanesh ku fatkeqësisht humbën jetën dy minatorë, është një lajm i hidhur dhe tronditës jo vetëm për zonën, por për mbarë vendin!

I shpreh ngushëllimet më të sinqerta familjarëve dhe miqve të viktimave, u gjendem pranë në këto momente kaq të vështira, duke u lutur bashkë me ta që shpirti i tyre të gjejë paqen e merituar.

Njëkohësisht, kërkoj nga autoritetet qëndrore të punojnë pa u ndalur për rritjen e sigurisë fizike të minatorëve si dhe për shtimin e kujdesit social ndaj familjeve të kësaj kategorie që shpesh janë ballafaquar me rreziqe të larta, deri në humbjen e jetëve të të dashurve të tyre,” thuhet në mesazhin e Nishanit.

PD: Qeveria Rama vendosi një bilanc lufte me humbjen e jetëve të minatorëve

Partia Demokratike reagoi përmes Koordinatores Silvi Bardhi në lidhje me tragjedinë e ndodhur në një nga minierat e vendit ku humbën jetën dy minatorë. Përmes një deklarate për mediat, Bardhi denoncoi përkeqësimin e kushteve të sigurisë në miniera.

“Partia Demokratike është e shqetësuar për gjendjen e sigurisë në minierat tona. Në krye të vitit pas ardhjes së kësaj qeverie në pushtet, ka sot një bilanc lufte, më dramatiku në vitet e fundit, me mbi 13 viktima.

Duke i shprehur ngushëllimet familjeve të dy viktimave të sotme në minierën e Martaneshit, Denain Barci e Xhemal Sela, duam të denoncojmë përkeqësimin në gjëndjen e sigurisë në miniera, paaftësinë e qeverisë, mashtrimin epokal që kanë bërë e bëjnë cdo ditë me minierat e me minatorët.

Zero reforma, përkeqësim në kushtet dhe trajtimin e minatorëve. Gënjeshtër e pashembullt me moshën e pensionit”, theksoi Bardhi.

Në vijim ajo shtoi se të vetmet ndryshime të bëra, janë largimi i profesionistëve të repartit të inspektim-shpëtim minierave dhe zëvendësimi i tyre me militantë, si dhe trafikimi i licensave minerare për interesa klienteliste.

“Të gjithëve iu kujtohet se çfarë bënte në opozitë, Edi Rama dhe Erion Veliaj kur ndodhte ndonjë incident në miniera. Nxirrnin vrer nga nëntoka e drejtonin gishtin nga qeveria. U përbetuan se me ta, minatorët do të ishin të sigurtë, do të dilnin në pension 55 vjec, e do të ishin të lumtur.

Ku janë sot Edi Rama dhe Erion Veliaj? Duke gërmuar në resorte turistike dhe nuk gjejnë asnjë sekondë kohë, as për të shprehur ngushëllime, teksa mbi supe nuk iu rëndon aspak përgjegjësia që kanë për humbjen e jetëve, për mungesën e sigurisë në punë, dhe për mashtrimin e turpshëm që kanë bërë për minierat dhe minatorët”, theksoi Bardhi.

Vëllai i denoncueses: Dyshoj te motra, Agronin e kemi kushëri të afërt

09:59 Politika

Shteti paralel/ Kokëdhima zëvendëson Canen dhe deklaron: Do hapim zyrë edhe në Vranisht

09:11 Politika

Durrës/ Helmim masiv në një dasmë, shpëton vetëm çifti

08:56 Politika

Braçe padit Bashën për shpërdorim detyre/ Vuri në rrezik 2500 banorë, të largohet

19:23 Politika

Zyrat e Punës/ Rama: Rezultatet kuptimplota, shpifjet na kalisin vullnetin. Reagon Basha

19:27 Politika

Në Tripoli kanë një problem: Nuk e dinë kush po bombardon!

18:44 Politika

Shumëkatëshet tek Liqeni/ Basha premtoi se nuk do kishte ndërtime, tani akuzon Ramën se po bllokon investimet

18:10 Politika

Nishani: Më hoqën kompetencat, duan të me ndalojnë dhe të drejtën e dekretit, por s’do ia dalin

17:40 Politika

Forumi Musliman: ISIS nuk përfaqëson muslimanët. Kurani thotë qartë se nuk ka dhunë në fe

16:54 Politika

“Banka”, zbehen shpresat për gjetjen e parave

16:40 Politika