Reforma Territoriale, vendorët paraqesin kundërshtimet/ Nishani: Nisma e rëndësishme, por të bazohet në Kushtetutë

Presidenti Bujar Nishani mbështet nismën e Qeverisë për Reformën Territoriale duke e cilësuar atë një çështje të rëndësishme, por thekson se kryerja e saj duhet të jetë e mbështetur në Kushtetutë.

Gjatë një takimi të zhvilluar me përfaqësues të pushtetit vendor, presidenti Nishani tha se realizimi i reformës territoriale duhet të bëhet në përputhje me interesat kombëtare, pasi ka ndikim tek interesat dhe problemet e qytetarëve.

Sipas Kreut të Shtetit, për shkak të rëndësisë që paraqet, realizimi i kësaj reforme kërkon ekspertizë dhe profesionalizëm.

 “Një çështje madhore kombëtare, e cila ka ndikim të drejtpërdrejtë tek qytetarët në çdo cep të Shqipërisë, tek interesat dhe problemet e tyre, tek zhvillimi i territorit dhe ai ekonomik, tek infrastruktura dhe mbrojtja e mjedisit, e që është e lidhur gjithashtu edhe me sigurinë kombëtare”, u shpreh Presidenti Nishani.

Sipas Kreut të Shtetit ky takim me vendorët vjen pas kërkesave e ankesave që i kanë shkuar Nishanit, nga grupe të ndryshme interesi, si dhe përfaqësues të pushtetit lokal, përpara se ai të shprehet me dekret.

Presidenti Nishani theksoi se “kryerja e kësaj reforme shumë të rëndësishme, e cila kërkon ekspertizë dhe profesionalizëm, i ngarkon me përgjegjësi historike të gjithë ata që qëlluan të jenë aktorë vendimmarrës në këtë moment të caktuar, duke shtuar se ka marrë me dhjetëra letra, peticione nga qytetarët ku shprehen ankesat, kërkesat dhe referimet e tyre lidhur me procesin që i parapriu hartimit të ligjit që pritet të shqyrtohet nga Kreu i Shtetit”.

Presidenti Nishani siguroi vendorët se “do të shërbejë si një zë i fuqishëm për të përcjellë interesat publike dhe problemet e qytetarëve duke theksuar nevojën e krijimit të një imazhi të konsoliduar të shtetit shqiptar”.

Pasi i dëgjoi me vëmendje mendimet, propozimet si dhe pikëpamjet e ndryshme të pranishmëve, vuri në dukje se reforma në fjalë në radhë të parë duhet të harmonizojë interesat jetike të qytetarëve shqiptarë me ato të shtetit.

Sipas një njoftimi nga Presidenca, të pranishmit pasi shprehën mirënjohjen e tyre për këtë takim konsultues me Kreun e Shtetit si dhe për mundësinë që po u jepej të përcillnin shqetësimet e qytetarëve që ata përfaqësojnë, u siguruan nga Presidenti Nishani se do të shërbejë si një zë i fuqishëm për të përcjellë interesat publike dhe problemet e qytetarëve duke theksuar nevojën e krijimit të një imazhi të konsoliduar të shtetit shqiptar.

Në takimin me Kreun e Shtetit rreth 23 Kryetarë komunash, kryesisht përfaqësues të Partisë Demokratike , kanë dorëzuar në tryezën e Presidentit shqetësimet e tyre për ndarjen administrative. Në takim ka marrë pjesë edhe kreu i komunës Lazarat Dasho Aliko.

Drejtori Ekzekutiv i Shoqatës së Komunave ka paralajmëruar rrëzimin e ligjit kur tha se nëse Parlamenti do ta rivotojë pas rrëzimit nga Nishani, ata do ti drejtohen kushtetueses si hapin tjetër ligjor.

 “Akoma kam bindje se Parlamenti do ta marrë me seriozitet çdo kthim mbrapsht të këtij ligji dhe është në nderin e këtij parlamenti nëse do kthehet apo jo që ta rishqyrtojë dhe ta marrë në konsideratë edhe një herë, jo vetëm shoqatës së komunave por edhe opsioneve të tjera, nëse nuk do ndodhi dhe kjo ne do t’i drejtohemi gjykatës kushtetuese . Çështja e referendumeve është një çështje që e zgjedhin vet të zgjedhurit vendor të komuniteteve që ka të bëjë me mu si shoqatë e Komunave”, tha Agron Haxhimali.

Më tej ai shprehet se Parlamenti nuk mori parasysh kërkesën e tyre, por pranoi se gjatë procesit janë zhvilluar konsultime me ministrin Bledi Çuci si edhe me anëtarë të Komisionit të Posaçëm të Reformës Territoriale.

“Për sa kohë parlamenti në momentin e fundit pranoj disa ndryshime të një loje politike midis PDIU dhe partisë së të drejtave të njeriut, pse ky parlament nuk mori në konsideratë një propozim tejet dinjitoz të komunave për 28 njësitë e reja të qeverisjes vendore”- u shpreh Haxhimali.

Presidenti Bujar Nishani ktheu vetëm pak ditë më parë tre ligje të miratuara nga Kuvendi si ligji për KLD, për Policinë e Shtetit si edhe ligjin për funksionimin dhe organizimin e Gjykatës Kushtetuese.

Harta e re territoriale e Shqipërisë që u bojkotua nga opozita u miratua nga Kuvendi më 31 korrik, në seancën e fundit të sesionit parlamentar. Ligji për hartën e re territoriale mori edhe votat e PDIU.

Skandali i Sarandës, merren në mbrojtje fëmijët/ Veliaj: Akt i turpshëm, perversët i futim në burg

14:36 Politika

PD: Prokuroria të hetojë mekanizmin e punësimit në të gjithë zyrat e Partisë Socialiste

12:28 Politika

Zgjedhjet lokale/ Basha shmang Berishën, do e udhëheqë vetë fushatën

11:08 Politika

Rikthehet konflikti në Gaza/ Izraeli vret gruan dhe vajzën e liderit ushtarak të Hamasit

11:07 Politika

VIDEO/ Militantët islamikë të ISIS i presin kokën gazetarit amerikan

10:33 Politika

I ati i gruas që vrau djalin 4- vjeçar: Ç’të shikoja? M’u errën sytë!

08:46 Politika

Bllokohet futja e mallrave në tregun “Dinamo”, tregtarët përleshen me policinë

08:34 Politika

Arrestohen dy persona pas vdekjes së minatorëve/ Në 2 vite, kromi shkaktoi 11 viktima

21:18 Politika

Pas masës së sigurisë ndaj Canes/ Denoncuesja Elvira Gega: Tani ndjehem më e sigurtë

19:43 Politika

INTERVISTA/ Strobe Talbott: Rusia e ka pushtuar tashmë Ukrainën

19:36 Politika