Nishani-Baird: Mbështesim cdo nismë që kontribuon në zgjerimin e bashkëpunimit

Presidenti i Republikës, Bujar Nishani zhvilloi një takim ministrin e Punëve të Jashtme të Kanadasë, John Baird, i cili ndodhet për një vizitë zyrtare në vendin tonë. 

Pasi i vlerësoi marrëdhëniet me Kanadanë si shumë të rëndësishme, Kreu i Shtetit shprehu mirënjohjen për ndihmën e gjithanshme që Kanadaja i ka dhënë Shqipërisë, dhe veçanërisht për mbështetjen në anëtarësimin e vendit tonë në NATO, duke veçuar kontributin në reformimin dhe modernizimin e Forcave të Armatosura, si edhe bashkëpunimin e suksesshëm ekonomik, ku investimet kanadeze në energji, miniera, etj., e kanë shndërruar këtë vend ndër investitorët kryesorë në Shqipëri. 

Duke folur për situatën në rajon, Presidenti vlerësoi lart kontributin e Kanadasë për paqen dhe stabilitetin në Ballkanin Perëndimor, nëpërmjet njohjes dhe mbështetjes së Kosovës dhe qasjeve të balancuara për zhvillimet rajonale.

Nga ana e tij, Ministri i Jashtëm i Kanadasë Baird shprehu kënaqësinë për partneritetin dhe bashkëpunimin e frytshëm ndërmjet vendeve tona në kuadër të NATO-s, në fushën ekonomike dhe përgëzoi Shqipërinë për arritjet impresionuese. 

Të dy bashkëbiseduesit ndanë të njëjtin mendim se ka ende hapësirë dhe mundësi për zgjerimin e bashkëpunimit ndërmjet vendeve tona, ndërsa shprehën angazhimin e tyre për të mbështetur çdo nismë që kontribuon në këtë drejtim.

Presidenti Nishani dhe Ministri Baird shkëmbyen mendime për situatën e sigurisë në Ukrainë, Siri, Irak dhe bënë vlerësime të njëjta për zhvillimet e fundit, duke nënvizuar se vendet tona do të vazhdojnë bashkëpunimin në shërbim të paqes dhe sigurisë. 

Bojkoti i Kuvendit/ Pollo: Vendimi më i mirë për t'u bërë të dëgjueshëm nga opinioni dhe ndërkombëtarët

14:07 Politika

Meta-Baird: Shqipëria mirëpret shtimin e investimeve kanadeze

13:59 Politika

Basha mbledh Kryesinë e Grupit të PD: Dekretet e Nishanit u rrëzuan pa argumenta. Çdo ligj do e çojmë në Kushtetuese

13:24 Politika

Goditen dy bordello në Durrës/ Prangosen prostitutat e tutorët dhe procedohen klientët e tyre pushues

11:42 Politika

Basha: Rama më ka bllokuar projektet/ Reagon Kryeministri: Flet në hava për bllokada imagjinare

11:02 Politika

Mesila Doda: Duhet një komision parlamentar për veprimtarinë e Enver Hoxhës

10:08 Politika

Nishani për APA: Partia në pushtet tregon tendenca autoritariste

10:02 Politika

INTERVISTA/ Rrugët që na lanë në rrugë

09:47 Politika

Atentat ndaj biznesmenit të liruar nga Gjykata e Lartë/ Veliko: Kanë ngatërruar objektiv

09:30 Politika

Krimi në Mirditë/ I ngacmoi gruan, derdh 30 plumba mbi shokun e fëmijërisë

09:16 Politika