“Pas asaj me të cilën jam përballur, vrasja do ishte një çlirim”

Kryeministri britanik David Cameron, që është përballë presioneve në rritje për mënyrën se si e ka trajtuar situatën sa i përket referendumit për pavarësinë e Skocisë, tha se pas asaj që ka kaluar, vrasja do ishte një çlirim.

Edhe pse ishte një shaka, kjo tregon presionin e madh në Britaninë e Madhe një ditë përpara se Skocia të vendosë nëse do të jetë pjesë e unionit.

Sondazhet thonë se rezultati do jetë i ngushtë.

Disa kritikë thonë se Cameron nuk ka bërë fushatë sa duhet në Skoci kundër ndarjes.

Por ndërsa skocezët do votojnë të enjten, ish- kryeministri britanik, Gordon Brown, ka mbajtur një fjalim brilant, ku u ka bërë thirrje skocezëve që t’i thonë jo ndarjes.

Fjalimi i tij është vlerësuar si më i miri, aq sa disa media thonë se ai duhej të kishte udhëhequr fushatën për t’i thënë JO ndarjes.

“Skocia nuk i përket asnjë politikani, Skocia na përket të gjithëve.

Të mos i lëmë nacionalistët që të shkatërrojnë atë që kemi krijuar bashkë,” tha Brown, duke iu referuar Alex Salmond, Ministrit të Parë të Skocisë, që po udhëheq fushatën për pavarësi.

Pak ditë më parë, Daily Mail shkruante se Salmond u bë nacionalist kur u refuzua nga një britanike në moshë fare të re.

Megjithatë, pavarësisht lajmeve me ngjyrime rozë, frika në Europë është e dukshme.

Disa media kanë nisur që të hartojnë hartat se si do të duket Europa nëse të gjithë lëvizjet separatiste do kërkojnë referendume.

Kryeministri spanjoll, Mariano Rajoy tha se referendumet për pavarësi në Skoci apo në Katalonjë të Spanjës do ishin si një silur për integrimin europian.

Ai tha në parlament se procese të tilla krijojnë më shumë recesion dhe varfëri ekonomike.

Rajoy tha se nëse Skocia fiton pavarësinë, duhet të aplikojë nga e para për anëtarësim në BE.

Presidenti i Katalonjës ka premtuar se nëse Skocia thotë PO në referendum, ata do organizojnë një të tillë më 9 nëntor.

Katalonja është një nga rajonet më të pasura dhe më të industrializuara të Spanjës.

Kriza ekonomike në Spanjë ka shtuar mbështetjen për separatistët në Katalonjë.

Bare: Basha po zhbën vlerat historike të Tiranës

17:28 Politika

Paquet-Gjosha: Gjithëpërfshirja e domosdoshme në procesin e integrimit

17:22 Politika

Adoleshentja shqiptare në SHBA: I vura flakën shtëpisë sepse prindërit donin të më martonin

19:15 Politika

Pezullimi për regjistrimin e IMEI/ Halimi: Kushtetuesja ndaloi Ramën të përgjojë shqiptarët

16:18 Politika

VIDEO/ Kristaq Luniku: Ekipi drejtues i BSH ka përgjegjësi për ngjarjen

19:04 Politika

Ja se si gjunjëzohet një perandori miliardash

18:29 Politika

“Luftë” padish mes Ministrisë së Brendshme dhe Bashkisë së Tiranës

18:01 Politika

Kushtetuesja pezullon vendimin e qeverisë për regjistrimin e IMEI-t

16:03 Politika

Motra e Inspektores së BSH-së: Faji i vetëm i Elivarit, se s’ka para

15:46 Politika

Raporti për SHISH konstaton disa shkelje, por nuk kërkohet shkarkimi i Visho Ajazit

14:39 Politika