Te fundit
Dorëzojnë mandatin e deputetit 4 ministra, ndryshimet në grupin parlamentar të PS
19 Shtator 2014, 11:06Politika
TEMA
Dorëzojnë mandatin e deputetit 4 ministra, duke respektuar në këtë mënyrë vendimin që anëtarët e kabinetit qeveritar të mos jenë deputetë.
Ministrat që dorëzuan mandatin janë Saimir Tahiri, Shkëlqim Cani, Damian Gjiknuri dhe Ditmir Bushati, të cilët ashtu sikundër kolegët e tjerë në Qeveri kanë hequr dorë nga mandati i deputetit qysh në Dhjetor 2013.
Pak kohë më parë Kryeministri Edi Rama i ka kërkuar 4 anëtarëve të kabinetit qeveritar që të dorëzojnë mandatet e deputetëve ashtu sikundër kanë bërë kolegët e tyre.
Sajmir Tahiri dhe Ditmir Bushati janë deputetë të Qarkut të Tiranës dhe dorëzimi i mandateve të tyre do të sjellë një ndryshim në listën e deputetëve socialistë për këtë Qark.
Referuar listës emërore në vend të ministrit të Brendshëm Sajmir Tahiri hyn në Kuvend Ervin Bushati që renditet i 18, por duke qenë se Partia Socialiste nuk ka respektuar kuotën gjinore prej 30 % të përfaqësimit të grave, atëherë fillimisht mandati i ofrohet Erjeta Allhysës e cila renditet e 27.
Nëse ajo do të refuzojë mandatin e deputetit atëherë në vend të Tahirit në Kuvend do të hyjë Bushati. Ndërsa vendin e ministrit të Jashtëm Ditmir Bushati, sipas listës emërore e merr Bledar Doracaj. Në rast se ky i fundit nuk e pranon, atëherë lista zhvendoset me emrat pasardhës.
Ministri Damian Gjiknuri është deputet i Qarkut të Elbasanit, ku edhe këtu Partia Socialiste nuk ka respektuar kuotën gjinore, cka do të thotë se fillimisht mandati i deputetit i kalon Luljeta Arapit e cila renditet e 9. Nëse kjo e fundit refuzon mandatin, atëherë mandati i kalon kandidates së 15 në listën emërore që është Rovena Beqiraj. Nëse edhe ajo refuzon mandatin, atëherë vendin e ministrit Gjiknuri në sallën e Kuvendit e zë Arben Kamami.
Edhe në rastin e ministrit Shkëlqim Cani, i cili është deputet i Qarkut të Dibrës, Partia Socialiste ka problemin e respektimit të kuotës gjinore prej 30 % të përfaqësimit të grave në Kuvend. Në bazë të listës emërore fillimisht mandati i deputetit Cani i kalon kandidates Ezmerina Hoxha, e cila renditet e 6 në listën emërore të Qarkut të Dibrës. Nëse ajo refuzon mandatin, atëherë në Kuvend vendin e ministrit të Financave e zë mjeku Hasan Ceni që renditet i 3-ti në listën emërore të Partisë Socialiste.
8 komente në “Dorëzojnë mandatin e deputetit 4 ministra, ndryshimet në grupin parlamentar të PS”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pune e mbaruar
Kemi te bejme me grup parlamentar qe ecen mbi bazen e zbatimit te rregullave, bravo.
Shume e rendesishme transparenca qe po ben grupi parlamentar i partise socialiste ne lidhje me dorezimin e mandatit te deputeteit dhe respektimin e kuatave gjinore.Kjo eshte menyra me e sakte dhe me e drejte.
Dorezimi i mandatit te deputetit ishte nje premtim dhe prioritet i qeverise dhe duket se po plotesohet dhe po finalizohet me se miri nga qeveria.
Dorezimi i mandatit te deputeteit nga radhet e ministrave eshte me e mira qe mund te behet pasi ne kete menyre kemi dhe zevendesim e tyre nga deputete te rinje ne radhet e maxorances ne parlament.
Bravo jeni me te miret, pasi po i coni premtmet deri ne fund.
Te gjithe keta pallat me siper, jane e njejta dore. Me sufllaqe te paguan ps-ja mo Jona,jorke,klaus,bora,magda,qytetar?
Te futen ne Kuvend shoqet, qe te respektohet 30 perqindshi, ndryshe do te behet padrejtesi. Te mos u behet presion shoqeve, duke i detyruar keto qe te mos pranojne detyren e deputetes.