Te fundit
Kosova, Shqipëria dhe Serbia në koalicion me amerikanët
24 Shtator 2014, 18:22Rajoni
TEMA
Departamenti amerikan i Shtetit e ka listuar Kosovën si një nga vendet të cilat janë pjesë e koalicionit kundër Shtetit Islamik.
Në një shënim për media të publikuar nga Departamenti amerikan i Shtetit, Kosova, Shqipëria dhe Serbia janë të shënuara sipas rendit alfabetik krahas dhjetëra shteteve dhe aleancës veri-atlantike, NATO si pjesë e koalicionit kundër brutalitetit të Shtetit Islamik.
56 shtete dhe NATO e kanë për qëllim që:
1) T’i ofrojnë partnerëve irakian përkrahje ushtarake,
2) Të ndalojnë luftëtarët e huaj
3) Të luftohen financat dhe fondet e ISIS-it
4) Adresimi i krizës humanitare dhe
5) Demilitarizimi i ideologjisë së ISIS-it.
Ky dokument vlerëson se dhjetëra shtete tashmë kanë kontribuar në përpjekjet ushtarake, duke ofruar armatim, pajisje, trajnim apo këshillimi.
Shtetet e Evropës dhe Lindjes së Mesme kanë ofruar edhe përkrahje në sulmet ajrore kundër caqeve të Shtetit Islamik.
Dokumenti, në pjesën e titulluar “Jo vetëm një përpjekje ushtarake”, më tej vlerëson se kontributi ndërkombëtar ku përfshihet edhe shteti i Kosovës, megjithatë nuk janë dhe nuk duhet të jetë vetëm në aspektin ushtarak.
“Përkundrazi, përpjekja për të degraduar dhe përfundimisht shkatërruar ISIS kërkon rritjen e përpjekjeve në linja të shumëfishta”, vlerësohet në këtë dokument.
Arrestimi i dhjetëra personave dhe imamëve që dyshohen se kanë luftuar apo kanë nxitur të rinjtë të luftojnë përkrahë kësaj organizate terroriste, konsiderohet si përpjekja kosovare në luftën kundër Shtetit Islamik.
3 komente në “Kosova, Shqipëria dhe Serbia në koalicion me amerikanët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Serbet jane ende nacionalist dhe shovenist ndaj nesh qe i bene ata armiqe tane nga pikepamja etnike. Mirepo ISIS dhe bishat xhihadiste jane armiq te civilizimit qe i takojme edhe ne edhe serbet prandaj nuk ka asgje te cuditshme qe ne kete lufte gjindemi ne anen e njejte.
DASH duhet te mendoje per heqjen e vizave me Shqiperine,si vend totalisht i survejuar prej tyre,NATO,qeveri,ushtri,inteligjence,pergjime ndaj kujt i do qefi,nje vend teper amerikanofil,pra nje cope pazell e USA e shumemirekontrolluar.
Serbia dhe Greqia !?!? Amerikanet duhet te kene kujdes nga keto vende. Historia ka treguar se keta njerez e kane pabesine ne gjak..