Dhuna ndaj prokurorit Ervin Beqiri/ Shoqata e Prokurorëve kërkon trupë policore sigurie

Një ditë pasi i burgosuri Mariglen Përgjini ushtroi dhunë ndaj prokurorit Ervin Beqiri, brenda në ambientet e burgut të Shënkollit të Lezhës, shoqata e Prokurorëve duke dënuar aktin kërkon ndëshkimin maksimal.

Përmes një deklarate për shtyp shoqata e prokurorëve thotë se “Prokurorët që kryejnë hetime për vepra penale me rrezikshmërisë të lartë duhet t`iu garantohet mbrojtja fizike përpara se atyre t`iu rrezikohet jeta.”

Prokurorët kërkojnë të kenë një trupë policore sigurie, pjesë përbërëse e strukturës së Prokurorisë së Përgjithshme, pasi procedura aktuale e marrjes nën mbrojtje të prokurorëve nuk është funksionale.

Deklarata e plote 

Shoqata e Prokurorëve të Republikës së Shqipërisë, nisur nga ngjarja e djeshme e ndodhur në ambjentet e Institucionit të Ekzekutimit të Vendimeve Penale (I.E.V.P) Lezhë, dënon aktin e dhunshëm fizik kundër prokurorit Ervin Beqiri, që u godit në krye të detyrës.

Duke marrë shkak nga ky rast i paprecedent, i bëjmë thirrje Drejtorisë së Përgjithshme të Burgjeve, të marrë masa nëpërmjet përmirësimit të akteve nënligjore, për t`iu garantuar siguri maksimale prokurorëve dhe oficerëve të policisë gjyqësore, kur ato ndodhen në ambjentet e institucioneve të paraburgimit dhe të vuajtjes së dënimit, gjatë përmbushjes së detyrave të tyre funksionale.

Raste të tilla duhet të ndëshkohen në mënyrën më të ashpër ligjore, pasi akti i djeshëm është dhunim i hapur i përfaqësuesit të shtetit.

Ngjarja e djeshme e dhunës fizike nuk është një rast i izoluar, pasi kohët e fundit prokurorët po përballen me presione verbale nga individë, grupe të strukturuara kriminale madje dhe segmente të ndryshme të politikës.

Ngjarje të kësaj natyre e bëjnë të domosdoshme që prokurorët të kenë një trupë policore sigurie, pjesë përbërëse e strukturës së Prokurorisë së Përgjithshme, pasi procedura aktuale e marrjes nën mbrojtje të prokurorëve nuk është funksionale.

Prokurorët që kryejnë hetime për vepra penale me rrezikshmërisë të lartë duhet t`iu garantohet mbrojtja fizike përpara se atyre t`iu rrezikohet jeta.

Sfidat e prokurorëve në goditjen e korrupsionit dhe krimit të organizuar, kërkojnë mbështje të gjithanshme, nga aktorët dhe faktorët e brëndshëm, si dhe ato ndërkombëtarë që monitorojnë sistemin e drejtësisë në Shqipëri.

I bëjmë thirrje prokurorëve , që të vijojnë të kryejnë funksionet e tyre ligjore me përkushtim, objektivitet, pavarësi, ndershmëri dhe jashtë ndikimeve të çfarëdolloji.

Hetimi dhe gjykimi i korrupsionit dhe krimit të organizuar nga sistemi i drejtësisë në Shqipëri, i shërben integrimit sa më të shpejtë të vendit tonë në BE.

Shoqata siguron opinionin publik se prokurorët janë të përgjegjshëm dhe të vendosur për të përmbushur misionin e tyre ligjor

KLSH kallëzon në Prokurori ish- drejtorin e portit të Sarandës dhe kreun e komunës Golem

13:56 Kronika

Aksident tragjik në Gramsh, humbin jetën tre persona

10:06 Kronika

Shkarkimi i 2 anëtarëve të KLD, Gjin Gjoni i shqetësuar kush e përgatiti materialin dhe jo për shkeljet

17:14 Kronika

Nën hetim të gjithë tenderat me firmën e Fullanit

17:10 Kronika

Kent-Naço: SHBA ju mbështet për reformën në drejtësi. Luftë korrupsionit

16:35 Kronika

Zbulohen 711 ndërtime të paligjshme/ Tahiri: Denonco, t’i japim fund paligjshmërisë masive!

16:18 Kronika

Didi nё Konventёn e Europol, diskutohet pёr luftёn anti-terror

16:17 Kronika

Përfundon me sukses operacioni i dërgimit të armëve në Irak/Kodheli: Jemi në krah të mbrojtjes së paqes

12:52 Kronika

Dysohet se falsifikoi licencën e transportit/Ndjekje penale për Kryebashkiakun e Vaut të Dejës

12:45 Kronika

Tjetër akuzë për kreun e Komunës Bërzhitë: Trafikoi një mjet nga Italia

12:09 Kronika