Te fundit
Hetimet ndaj 3 deputetëve/ Prokuroria përcjell dosjet në Gjykatën e Lartë
28 Shtator 2014, 13:12Kronika
TEMA
Tre deputetët të vënë nën hetim nga Prokuroria e Përgjithshme, Arben Ndoka, Pjerin Ndreu dhe Astrit Veliaj, kanë paraqitur pranë organit të hetimit kundërshtimet e tyre për akuzat e ngritura.
Avokati i deputetit Pjerin Ndreu, me anë të memove shkresore ka kundërshtuar akuzën e ngritur për goditje për shkak të detyrës ndaj deputetit demokrat Gent Strazimiri.
Po kështu mësohet se edhe avokatët e deputetit Astrit Veliaj kanë hedhur poshtë akuzat për “ndërtim të paligjshëm” dhe “shkatërrim prone”.
Burimet nga organi i akuzës thanë se kundërshtimet e avokatëve janë marrë në dorëzim, ndonëse nuk mund të shqyrtohen pasi afati hetimor dhe procesi i mbledhjes së provave ka përfunduar.
“Dosjet penale për personat e pandehur janë përfunduar së hetuari dhe brenda 10 ditësh do të dërgohen në Gjykatën e Lartë”, theksojnë burimet e Prokurorisë.
Duket se organi i akuzës përpar se të cojë për gjykim dosjet ndaj 3 ligjvënësve, do të marrë në shqyrtim edhe kundërshtitë e mbrojtësve ligjorë.
“Paraqitja e kundërshtimeve nga ana e avokatëve ka shtyrë dorëzimin e dosjeve në Gjykatën e Lartë”, thanë më tej burimet e Prokurorisë.
Sipas tyre, shkresat e dorëzuara nga avokatët do t’u bashkohen fashikujve hetimorë dhe pritet të shqyrtohen gjatë procesit në Gjykatën e Lartë. Kjo e fundit është kompetente për shqyrtimin e akuzave penale ndaj deputetëve të Kuvendit të Shqipërisë.
Lini një Përgjigje
Më të lexuarat
24 oret e fundit
Javen e fundit
Blog Tema
