Basha takon Fylen: Mazhoranca po asgjeson parlamentin, vendi po shkon drejt krizës politike

Partia Demokratike përmes kryetarit të saj Lulzim Basha i ka shprehur Komisionerit për Zgjerimin Stefan Fyle, shqetësimet e saj në lidhje me atë që konsiderohet prej demokratëve si mosfunksionim i demokracisë parlamentare, tentativës për kapjen e sistemit të drejtësisë në vend dhe asgjesimit të jetës parlamentare.

Në vijim të vizitës në Tiranë, Komisioneri Fule zhvilloi një takim me kreun e PD-së Lulzim Basha, pak përpara nisjes së Dialogut të Nivelit të Lartë mes BE dhe Shqipërisë, ku do të jenë të pranishëm edhe përfaqësuesit e opozitës parlamentare.

Në një prononcim për mediat, kreu demokrat tha se kishte diskutuar me Komisionerin Fyle në lidhje me mosfunksionimin e demokracisë parlamentare, duke akuzuar Kryeministrin Edi Rama për krijimin e një grupi në Parlament me njerëz të dënuar dhe të dyshuar për lidhjet me krimin.

“Si mund të flitet për një vend që avancon drejt standardeve europiane kur Qeveria përdor dhunë për t’i mbyllur gojën opozitës, që shkel vendimet e Gjykatës Kushtetutese siç shkel liritë e qytetarëve përditë. Ne si opozitarë jemi të vendosur për të bërë gjithcka për përparimin europian të vendit dhe e dëshmojmë vendosmërinë tonë me pjesëmarrjen sot në dialogun e nivelit të lartë apo gadishmërinë për reformën në drejtësi.

Por, mazhoranca ka krijuar një  Komisioni Hetimor me qëllimin e vetëm të vendosë nën kontroll politik KLD. Po kështu mazhoranca me 3 ligjet e rivotuara, megjithëse Presidenti i ktheu për rishqyrtim,  përkundrejt kërkesave ndërkombëtare shkuan në parlament, u votuan dhe rivotuan. Kjo është një situatë jashtëzakonisht e rëndë. Si mund të mbyllësh sytë para kësaj. Kjo situatë po shtyn Shqipërinë drejt destabilitetit dhe krizës politike”, tha Basha.

Më tej kreu demokrat u shpreh se opozita do të kthehet në Kuvend, por në atë sallë shkelet Kushtetuta ligjet e rregullorja.

“Ne duam të kthehemi në Kuvend por ai nuk është ndërtesë nuk është grumbull qytetarësh por Kushtetutë, debat, ligj, rregullore të gjitha këto janë nëpërkëmbur. Kërkojmë rivendosjen e parlamentit, të cilin e ka asgjesuar shumica”, shtoi ai.

Ndërsa duke u ndalur tek Reforma në drejtësi, Basha tha se opozita do jetë pjesë e saj kur të garantohet gjithëpërfshirje dhe transparencë.

“Opozita ka idetë e saj, por që të ketë reformë në drejtësi duhet gjithëpërfshirja standarde ndërkombëtare e transparencë. Nga njëra ana flasin për reformë në drejtësi nga ana tjetër Arben Ndoka me shokë janë sulur të shkatërrojnë KLD. Ne do vazhdojmë me vizion evropian, ndonëse situata është e zymtë për shkak të veprimeve antikushtetuese. E ardhmja i përket shqiptarëve, brezit të ri”, tha Basha.

Mesazhi i Fyles për opozitën: Debatet bëhen në institucionet demokratike

12:03 Politika

Nishani dekoron Federatën "Vatra" me medaljen e "Flamurit Kombëtar"

11:05 Politika

FOTO REPORTAZH/ Sa larg mund të shkojnë këta protestues?

11:07 Politika

Akuzat e Ramës/ Reagon Basha: Kryeministri punëpak dhe fjalëlumë

10:35 Politika

VIDEO LAJM/ E rrëzojnë edhe statujën e Leninit

10:31 Politika

Obama: E nënvlerësuam kërcënimin nga Shteti Islamik

10:04 Politika

Opozita “thyen bojkotin”/ Bregu: Do jemi në dialogun “BE-Shqipëri”

09:55 Politika

Balliu: E vrava gruan se rrihte fëmijët dhe më tradhtonte

09:48 Politika

Kuvendi i PD/ Përfundon numërimi i votave, llogaritja në selinë e PD

09:45 Politika

Fjalëkryqi i  Bashës: 7500 delegatë në një sallë me 1800 ulëse dhe 60 për qind votuan

21:44 Politika